Fréttatíminn - 26.10.2012, Side 44

4 ABC BARNAHJÁLP
Hugmyndin á bak við Líf fyrir Líf er sú að fólk gefi barni líf fyrir líf horfins ástvinar og heiðri þannig minningu
viðkomandi.
Ég hafði velt því lengi fyrir mér hvernig
ég gæti heiðrað minningu hans eftir svo
ótímabæran dauða og erfitt sorgarferli“
Þetta segir Sigrún G. Jónsdóttir, hjá ABC
barnahjálp og fyrrum nemi í ABC skólan-
um, en hún missti manninn sinn, Friðstein
Helga, í sjóslysi fyrir fimmtán árum. Hún
er konan að baki LÍF fyrir LÍF hugmynd-
inni en þar gefst fólki tækifæri til að styrkja
fátækt barn til betra lífs í minningu horfins
ástvinar og jafnframt að leggja einstökum
verkefnum lið í minningu ástvina. Hún segir
hugmyndina því fimmtán ára gamla en það
hafi tekið hana tíma að finna henni farveg
og koma í framkvæmd.
„Ég hafði ekki skrifað minningargrein á
sínum tíma, hans var lengi leitað og þetta
tók eðlilega mikið á. Ég ákvað þess í stað að
finna aðra leið til að minnast hans. Fyrsta
hugmyndin var að fá Bubba Morthens til
þess að flytja lag honum til heiðurs, en
hann var mikill aðdáandi hans. Það má því
kannski segja að Bubbi hafi verið fyrsta
kveikjan að þessari óhefðbundnu minn-
ingargrein.“
Hugmyndinni fundinn farvegur
Sigrún vildi koma þessu í framkvæmd og
segir að málin hafi svo tekið ákveðna stefnu
þegar hún bað um leiðsögn. „Friðsteinn Helgi
hefði orðið fimmtíu ára á þessu ári og ég var
ekki sátt yfir því að hafa ekki fundið leið til
þess að heiðra minningu hans svo löngu síðar.
Dag einn á meðan á HM í handbolta 2011 stóð
flýtti ég mér heim að horfa á handboltann
á netinu,“ útskýrir Sigrún, sem er að eigin
sögn mikil áhugakona um handbolta, „Þegar
ég kom heim og settist við tölvuna opnaðist
heimasíðan hjá ABC og við blasir mynd af
dreng sem óskaði eftir aðstoð. Drengurinn
var fæddur á dánardegi Friðsteins Helga og
ég gat bara ekki sleppt þessu og tók hann að
mér án þess að hugsa það frekar. Hann bara
kallaði á mig.“
Skömmu síðar bárust fréttir af auknum
vanda barna í heiminum og Sigrún segir það
hafi verið lokakallið. „Einn morguninn lá blað-
ið við útihurðina sem endranær og við mér
blasti fyrirsögn um aukna fátækt meðal barna
í heiminum. Það var síðasta teiknið og þá al-
gjör vissa um að þetta væri málið og að ég ætti
að gera eitthvað í þágu fátækra barna og um
leið heiðra minningu Friðsteins Helga.“
Lista- og minningarmiðstöðin opnuð
LÍF fyrir LÍF, lista- og minningamiðstöð
var opnuð fyrir tveimur vikum á Laugavegi.
Þetta fer af stað eins og við reiknuðum með,
hægt og örugglega, að sögn Sigrúnar. Við
erum með listverkasýningu í salnum og
hefur að meðal tali eitt barn bæst við á dag
frá opnun. Hún segir jafnframt að verkefnið
sé ungt og enn í mótun. Við höfum gott
húsnæði og mögulega komum við til með
að leigja aðstöðuna til minningarathafna af
ýmsu tagi og erum við opin fyrir hugmynd-
um að frekari nýtingu húsnæðisins.
Líf fyrir Líf er staðsett að Laugavegi 103
í Reykjavík, en einnig er hægt að komast
í samband við Líf fyrir Líf á vefsíðu ABC
barnahjálpar: www.abcchildrensaid.org/is/
LÍF fyrir LÍF
Lista- og minningamiðstöð á Laugavegi
„Ég hafði ekki skrifað
minningargrein á sínum
tíma, hans var lengi
leitað og þetta tók
eðlilega mikið á. Ég
ákvað þess í stað að
finna aðra leið til að
minnast hans.“
Frá starfinu í Burkina Faso
Frá starfinu í Filipseyjum
Frá starfinu í Filipseyjum
Frá starfinu í Senegal