Fréttatíminn - 26.10.2012, Qupperneq 82

Ra
fb
ók
Fantasíur
eftir Hildi Sverrisdóttur
V ið erum alltaf meðvituð um að við deyjum ef við ætlum að lifa á fornri frægð. Það er
ekkert sem segir að fólk komi aftur
á næsta ári svo við þurfum að passa
upp á að blaðamennirnir og gestirnir
fari til baka og segi öllum að þetta sé
aðal hátíðin,“ segir Grímur Atlason,
framkvæmdastjóri tónlistarhátíðar-
innar Iceland Airwaves.
Iceland Airwaves verður haldin
í næstu viku í fjórtánda sinn og er
löngu uppselt á hátíðina. Alls munu
222 listamenn koma fram á 254 tón-
leikum á 12 tónleikastöðum. Auk
þess verða nokkur hundruð tónleikar
í boði á 31 tónleikastað á svokallaðri
„off venue“ dagskrá. Sú dagskrá er
öllum opin.
Grímur tók við Airwaves hátíðinni
árið 2010 af Þorsteini Stephensen.
„Mitt markmið var að halda áfram
að gera góða hátíð. Við styðjumst við
þrjú markmið, að halda frábæra hátíð
– á heimsmælikvarða, að flytja út ís-
lenska tónlist og að fjölga ferðamönn-
um yfir vetrartímann,“ segir Grímur.
Manni virðist sem hátíðin sé sífellt
að sækja í sig veðrið. Hvernig finnst
þér hafa til tekist?
„Icelandair hafði sett mikið af
peningum í uppbyggingu hátíðar-
innar og fyrst um sinn var ekki þessi
fjöldi gesta sem nú er. Ég nýt auð-
vitað þessa starfs. Hins vegar vil ég
ekki taka það af mér og okkur að
við vorum illa leikin eftir hrunið.
Það var erfitt að blása í lúðra þegar
kostnaðurinn hafði margfaldast og
við þurftum að borga tvöfalt meira en
áður fyrir erlend bönd. Það var kúnst
að sparka þessu upp og ég er nokkuð
sáttur við sjálfan mig,“ segir Grímur.
Hann viðurkennir jafnframt að það
sé kannski fyrst nú í ár sem hann og
hans fólk hafi endanlega gert hátíðina
að sinni. „Fyrsta árið var ekki búið
að bóka eitt band þegar ég tók við svo
það var erfitt að staldra við og gera
almennileg plön. Í fyrra voru gerð
ákveðin plön en þau voru ekki orðin
nógu nákvæm því við höfðum ekki
reynslu af öllum þáttum hátíðarinnar.
Í ár sjáum við þetta skýrar og vinnum
út frá því.“
Alls verða sjö þúsund gestir á há-
tíðinni. Þar af eru um fjögur þúsund
erlendir gestir en þeir verða í fyrsta
skipti fleiri en þeir íslensku. Hátíðin
er nú haldin síðar á árinu en verið
hefur og er nú utan hefðbundins
ferðamannatíma. Óhætt er að segja
að hún sé kærkomin viðbót í hagkerfi
landsins.
„Í fyrra skilaði Iceland Airwaves
tæplega 700 milljónum króna í bein-
hörðum peningum inn í landið. Þá
eru ekki tekin með hagræn áhrif sem
mér finnst persónulega að við ættum
að gera. Ég tel að við getum marg-
faldað þessa tölu með tveimur. Í ár
eru mun fleiri erlendir ferðamenn á
leið hingað og við getum reiknað með
að minnsta kosti milljarði. Og þá á
eftir að reikna margföldunina.“
Hverju mælir svo framkvæmda-
stjórinn með? Hvaða böndum á fólk
ekki að missa af?
„Úff. Það er svo ofsalega margt. Ef
ég sleppi stóru nöfnunum og íslensku
böndunum þá eru nokkrir minni
spámenn sem ég get mælt með. Til
að mynda Montreal-bandið Jesusles-
filles sem er stórkostlegt pönkband.
Svo eru það Half Moon Run, Purity
Ring... þetta eru allt Kanadamenn.
Nelson Can frá Danmörku er flott og
The Barr Brothers er æðislegt band,“
segir Grímur Atlason.
Höskuldur Daði Magnússon
hdm@frettatiminn.is
 Iceland aIrwaVes erlendIr gestIr í fyrsta sInn fleIrI en íslendIngar
Milljarður í beinhörðum
peningum á leið til landsins
Iceland Airwaves
tónlistarhátíðin
hefst í miðborg
Reykjavíkur á
miðvikudags-
kvöld. Yfir 250
tónleikar verða
í boði á fimm
dögum og þá eru
ótalin hundruð
tónleika sem
eru „off venue“
og öllum opnir.
Grímur Atlason,
framkvæmda-
stjóri hátíðar-
innar, segir að
hátíðin sé góð
innspýting í hag-
kerfi landsins.
Fólkið sem skipuleggur Iceland Airwaves. Kamilla Ingibergsdóttir fjölmiðlafulltrúi, Grímur
Atlason framkvæmdastjóri og Egill Tómasson sem bæði bókar hljómsveitir og heldur utan
um tónleikastaði. Auk þeirra vinnur Róbert Aron Magnússon við að bóka hljómsveitir í
London. Ljósmynd/Hari
Hótel Saga býður upp á hádegisjólahlaðborð fyrir alla
fjölskylduna með ríkulegu úrvali girnilegra forrétta,
aðalrétta og eftirrétta. Íþróttaálfurinn og Solla
stirða mæta í jólaskapi og Örn Árnason skemmtir
gestum eins og honum er einum lagið.
Bókaðu skemmtilegt jólahlaðborð fyrir alla
fjölskylduna í síma 525 9930 eða
á hotelsaga@hotelsaga.is
Hádegis-JÓLAHLAÐBORÐ
JÓLAHLAÐBORÐ
fjölskyldunnar í Súlnasal
alla sunnudaga
25.11 - 16.12.2012
VERÐ
Fullorðnir: 3.900 kr.
Börn 6-12 ára: 2.900 kr.
Börn yngri en 6 ára: Frítt
A
N
TO
N
&
B
ER
G
U
R
74 tónlist Helgin 26.-28. október 2012