Fréttatíminn - 30.11.2012, Page 18

800
milljónum verður út-
hlutað úr búi Milestone
ehf. á skiptafundi á
mánudaginn, samkvæmt
frétt Morgunblaðsins.
Kröfur í búið námu um
800 milljörðum króna.
Ég vil gera allt vel
Að bugast undan sjálfs síns kröfum
S tundum er ég við það að bugast undan þeim kröfum sem ég geri til sjálfrar mín.
Ég vil standa mig vel sem móð-
ir, vera dugleg og afkastamikil
í vinnunni, geta ræktað sam-
bandið við fjölskyldu og
vini, borðað hollan mat
og stundað líkamsrækt,
sinnt áhugamálunum,
haldið heimilinu hreinu
og snyrtilegu og vera góð
við manninn minn.
Börnin eru sjö – þau
eru í forgangi, alltaf – því
þannig er foreldrahlut-
verkið. Ég er ekkert að
sinna þeim öllum, tvö
elstu eru flutt að heiman
en þá eru eftir fimm.
Frá því að við vöknum
og þangað til þau eru
komin í skólann reyni ég
að sinna þeim milli þess sem ég
hendist í sturtu og klæði mig. Ég
geri ekkert í vinnunni nema að
vinna – því þannig er vinna – og
þá er klukkan orðin hálf fimm og
þá þarf að sækja börn og keyra
eða sækja í íþróttir eða aðrar tóm-
stundir. Ef ekki, þá þarf að versla
í matinn, hjálpa börnunum með
heimanám, spjalla við þau um
daginn, elda kvöldmatinn, ganga
frá eftir kvöldmatinn og koma
börnum í háttinn. Svo eru það öll
heimilisstörfin.
Þið þekkið þetta öll.
Stundum koma þannig dagar
hjá mér að ég hreinlega bara ræð
ekki við öll þessi verkefni. Mér
finnst of flókið að fara út í búð –
því ég veit hreinlega ekkert hvað
ég á að kaupa.
Stundum hef ég bara brauð í
matinn – því ég veit ekkert hvað
ég á að elda.
Önnur unglingsdóttirin kom
heim úr skólanum um daginn og
sagði mér frá því að þær bekkjar-
systurnar hefðu verið að ræða
kvöldmatinn heima hjá sér. Allar
stúlkurnar í bekknum, að tveim-
ur undanskildum, höfðu aldrei
upplifað kvöldmatartíma án þess
að fá heitan mat. Einungis tvær,
þar á meðal dóttir mín, höfðu
stundum fengið bara brauð.
Ég get ekki verið eina foreldrið
sem ekki ræður við þetta verk-
efni. Hvernig fer fólk að?
Þetta hefur reyndar lagast
mikið eftir að ég var svo heppin
að komast í samband við yndis-
lega konu sem aðstoðar okkur
við heimilisverkin. Mest mun-
aði um að losna við kvíðann
og samviskubitið yfir heimilis-
störfunum, því þau voru neðst
á forgangslistanum mínum (þið
hefðuð átt að sjá þvottafjallið
stundum).
Mig dreymir stundum um að
fara ein upp í sumarbústað heila
helgi, með tilbúinn mat og góða
bók.
En þá verður mér hugsað til
ömmu minnar sem átti níu börn,
þrjátíu kýr, 200 rollur og hænur
og mann sem keyrði vörubíl.
Þá hætti ég að vorkenna sjálfri
mér. Þakka fyrir að börnin mín
séu heilbrigð – og ég sjálf. Og
hendi pasta í pott.
Sigríður
Dögg
Auðunsdóttir
sigridur@
frettatiminn.is
Sjónarhóll
Hagnaður Íslandsbanka
4,6 milljarðar
Hagnaður Íslandsbanka eftir skatta á
þriðja ársfjórðungi þessa árs var 4,6
milljarðar. Hann var 3,3 milljarðar á sama
tíma í fyrra. Hagnaður eftir skatta af
reglulegri starfsemi var 10,8 milljarðar
fyrstu níu mánuði ársins en hann var 11,4
milljarðar á sama tímabili í fyrra.
35 manns sagt upp á Siglufirði
Öllu starfsfólki Sigluness og Útgerðar-
félagsins Ness á Siglufirði hefur verið sagt
upp störfum. Alls starfa 35 manns hjá
fyrirtækjunum.
118 fyrirtæki gjaldþrota
í október
118 fyrirtæki voru tekin til gjaldþrotaskipta
í október. Flest voru þau í byggingastarf-
semi og mannvirkjagerð. Fyrstu tíu mánuði
ársins hafa 910 fyrirtæki orðið gjaldþrota.
Á sama tíma í fyrra urðu 1317 fyrirtæki
gjaldþrota.
Ekki meirihluti fyrir
hækkun gistiskatts
Meirihluti þingmanna styður ekki hug-
myndir ríkisstjórnarinnar um að hækka
virðisaukaskatt á gistiþjónustu. Framsókn
og Sjálfstæðisflokkur styðja ekki hækk-
unina og þingmenn Bjartrar framtíðar og
Hreyfingarinnar, auk Lilju Mósesdóttur
og Atla Gíslasonar, telja fyrirvarann of
skamman.
Björk einn helsti
sérvitringur heims
Björk Guðmundsdóttir er í tíunda sæti
yfir helstu sérvitringa heims samkvæmt
könnun sem fyrirtækið Nature Valley
gerði. Lady Gaga er í efsta sæti listans,
borgarstjórinn Boris Johnson er í öðru
og þungarokkarinn Ozzy Osbourne í því
þriðja. Eiginmaður Bretadrottningar er í
fjórða sæti.
VikAn í tölum
30
mörk hefur framherjinn
Alfreð Finnbogason
skorað á þessu ári.
500
grömm vóg stærsti
leturhumar sem
veiddur hefur
verið á Íslandsmiðum.
Heildarlengd dýrsins
var hálfur metri og
skjaldarlengd hans 88
millímetrar.
40
prósent fækkun hefur orðið á yfirmönnum
hjá embætti ríkislögreglustjóra síðustu fimm
árin. Heildarfækkun starfsmanna nemur um
15 prósentum en
fækkun er mest
í hópi
yfir-
manna.
43
prósent fleiri ársverk
voru í skógrækt á Ís-
landi árið 2011 en árið á
undan.
5
kíló af fitu missti sjón-
varpsmaðurinn Sölvi
Tryggvason í nýlegu
fjögurra vikna líkams-
ræktarátaki. Hann bætti
á sig fimm
kílóum af
vöðvum
á sama
tíma.
18 fréttir Helgin 30. nóvember-2. desember 2012 vikunnar