Fréttatíminn - 30.11.2012, Blaðsíða 70

66 skák Helgin 30. nóvember-2. desember 2012
 Skákakademían
Skákbörn safna fyrir Hringinn: Við erum ein fjölskylda!
k jörorð skákhreyfingar eru: Við erum ein fjölskylda. Þessi orð eiga sannarlega
við núna, því klukkan 12 á hádegi
í dag hefst maraþon skákkrakk-
anna okkar í Kringlunni, þar sem
fé verður safnað í þágu Barnaspít-
ala Hringsins. Þau tefla óslitið til
klukkan 18 í dag og hefja svo aftur
taflmennsku á morgun, laugardag,
klukkan 12. Krakkarnir skora á
gesti og gangandi að tefla eina skák,
gegn frjálsu framlagi, og rennur allt
söfnunarféð óskipt til Hringsins.
Liðsmenn Skákakademíunnar
heimsækja Hringinn í hverri viku
og tefla við börnin sem þar leita sér
lækninga. Á liðnum árum hafa orðið
til ófáar ánægjustundir yfir taflborð-
inu í Hringnum, og nú ætla skák-
börnin okkar sem sagt að bæta um
betur og safna fyrir skólann, leik-
stofuna og tækjasjóð barnaspítal-
ans.
Skákkunnátta er algert aukaat-
riði að þessu sinni, og börnin vona
að sem pabbar og mömmur, afar og
ömmur mæti á svæðið, sem og full-
trúar félaga og fyrirtækja. Nú þegar
hafa margir góðir menn úr öllum
áttum boðað komu sína. Í þeim
hópi eru fjölmargir þingmenn og
borgarfulltrúar, en líka listamenn
á borð við Bjartmar Guðlaugsson,
Vilborgu Davíðsdóttur, Geir Ólafs
og Ragnheiði Gröndal. Þá ætlar
Hemmi Gunn að mæta á svæðið,
en sá ástsæli fjölmiðlamaður er
sókndjarfur og bráðskemmtilegur
skákmaður.
Hægt að leigja stórmeistara!
Þau sem alls ekki treysta sér til að
tefla sjálf, eða eiga ekki heiman-
gengt, geta samt lagt sitt af mörk-
um með því að „leigja skákmeist-
ara“. Ýmsir af bestu skákmönnum
landsins ætla að koma í Kringluna
og tefla við krakkana fyrir þá sem
leggja söfnuninni lið en geta ein-
hverra hluta vegna ekki teflt sjálf.
Þar má nefna sjálfan Friðrik Ólafs-
son, fyrsta stórmeistara Íslendinga,
sem orðinn er 78 ára, en er jafnan
boðinn og búinn að leggja góðum
málstað lið. Sama máli gegnir um
Jóhann Hjartarson, stigahæsta
skákmann Íslands og Jón L. Árna-
son, sem varð heimsmeistari 16 ára
og yngri árið 1977.
Ekki þarf að skrá sig til leiks,
heldur er nóg að mæta í Kringluna,
en maraþonið verður í grennd við
Bónus og ætti ekki að fara framhjá
neinum. Stofnuð hefur verið Fa-
cebook-síðan „Áskorun! Maraþon
fyrir Barnaspítala Hringsins“ þar
sem fréttir eru sagðar af gangi mála
og myndir birtar af fjörinu í Kringl-
unni. Svo er hægt að leggja inn á
söfnunarreikning vegna maraþons-
ins nr. 0101-26-083280, kennitala
7006083280.
Skákbörnin okkar vona að sem
flestir taki þátt í þessum viðburði,
leggi góðu máli lið – enda vand-
fundinn betri málstaður, nú þegar
aðventan er að ganga í garð.
Ótrúlegir yfirburðir Fjölnis
Skákdeild Fjölnis sigraði með
ótrúlegum yfirburðum á Íslands-
móti unglingsveita sem fram fór á
laugardaginn í Garðaskóla. Sveitar-
meðlimir unnu allar 28 skákir sínar!
Með Fjölni tefldu Dagur Ragnars-
son, Oliver Aron Jóhannesson, Jón
Trausti Harðarson og Nansý Dav-
íðsdóttir.
Sveit Hellis varð í 2. sæti með 22
vinninga. Silfursveit Hellis skip-
uðu: Hilmir Freyr Heimisson, Da-
wid Kolka, Felix Steinþórsson og
Heimir Páll Ragnarsson.
Sveit TR endaði í 3. sæti með 20
vinninga. Í sveit TR voru: Vignir
Vatnar Stefánsson, Veronika Stein-
unn Magnúsdóttir, Gauti Páll Jóns-
son, Rafnar Friðriksson og Donika
Kolica.
skákþrautin
Hvítur leikur
og vinnur!
Svörtu mennirnir
virðast eiga alls
kostar við hvíta
peðið, sem á sér
þann draum að
verða drottning.
Hvernig getur
hvítur knúið fram
sigur?
Hemmi Gunn er meðal þeirra sem taka áskorun krakkanna og ætlar að mæta í
Kringluna og styðja Barnaspítala Hringsins.
Þau skora á þig í þágu góðs málefnis: Donika Kolica, Felix Steinþórsson og Elín Nhung.
1.Hxd8! Rxd8 2.e7 1-0
Draumur peðsins rætist!
Lausn á þrautum síðustu viku
Vinningshafi
síðustu viku er Steinar
Harðarson, Spóaási 10,
221 Hafnarfirði, og fær
hann sendar KenKen
talnaþrautabækurnar
frá Hólum.
 Ef þrautin er 3 x 3 reitir eru notaðar tölurnar 1 til
3, ef hún er 4 x 4 reitir eru notaðar tölurnar 1 til 4
o.s.frv.
 Sama tala má einungis koma fyrir einu sinni í
hverjum dálki og hverri línu.
 Svæðin, sem eru afmörkuð með þykkum línum,
kallast hólf.
 Stundum nær hólfið bara yfir einn reit og þá er
augljóst hvaða tala á að koma þar.
 Oftast nær hólfið þó yfir fleiri en einn reit og þá
fylgir þeim tala og eitthvert
stærðfræðitákn, þ.e. +, –,
x eða ÷. Ef talan er t.d. 5 +
þá á summa talnanna í því
hólfi að vera samtals 5. Ef
talan er 2- þá á mismunur
talnanna að vera 2. Í erfiðari
þrautunum er svo einnig
margföldun og deiling.
Svör við talnaþrautunum
má senda í hefðbundnum
pósti á ritstjórn Fréttatím-
ans, Sætúni 8, 105 Reykja-
vík. Lesendur geta líka tekið
mynd af lausnunum með
símanum eða myndavél og
sent á netfangið
leikur@frettatiminn.is
Reglurnar eru einfaldar:
 verðlaunaþrautir
Talnaþrautir KenKen-talnaþrautirnar eru frábær heilaleikfimi. Fréttatím-
inn mun birta tvær gátur í hverju tölublaði næstu vikurnar. Lesendur geta sent inn svör
við gátunum og í hverri viku verður dreginn út heppinn þátttakandi sem fær KenKen-
bækurnar sendar heim að dyrum frá Bókaútgáfunni Hólum.
Nafn
Heimili
Sími Netfang
ÞÚ GETUR GERT KRAFTAVERK Í DAG
Með hreinu vatni gefur þú betri heilsu, menntun og bjarta framtíð.
Þú getur hjálpað núna með því að
greiða valgreiðslu í heimabanka
Einnig:
■ frjálst framlag á framlag.is
■ gjafabréf á gjofsemgefur.is
■ 907 2003 styrktarnúmer (2.500 kr.)
■ söfnunarreikningur:
0334-26-50886, kt. 450670-0499
GEFÐU GJÖF SEM
SKIPTIR MÁLI
PI
PA
R\
TB
W
A
-
SÍ
A
-
12
32
39