Fréttatíminn - 30.11.2012, Side 48
B æjarstjórn Kópavogs hefur ákveðið að hefja undir-búning þess að gerðar verði nauðsynlegar lagfær-ingar á Hressingarhælinu og Kópavogsbænum
gamla á Kópavogstúni. Jafnframt hefur hún lýst yfir vilja
til þess að í umræddum byggingum og á túninu verði fjöl-
breytt starfsemi með áherslu á menningu, listir, sögu,
útivist og afþreyingu. Framkvæmdir og viðgerðir eiga
að hefjast svo fljótt sem kostur er með það að markmiði
að allt verði tilbúið á 60 ára afmælisári Kópavogsbæjar,
árið 2015.
Hressingarhælið, sem síðar var kallað Kópavogshælið,
og Kópavogsbærinn gamli voru byggð snemma á síðustu
öld og eiga sér merka sögu sem er samofin sögu bæjar-
ins. Húsin voru lengi vel í niðurníðslu en nú hefur verið
komið í veg fyrir frekari skemmdir og þau ekki talin í
eins slæmu ástandi og óttast var. Talið er, að því er fram
kom í tilkynningu Kópavogsbæjar, að kostnaður vegna
lagfæringa á ytra byrði húsanna og burðarvirki verði á
bilinu 35 til 40 milljónir króna. Mennta- og menningar-
málaráðherra friðaði Hressingarhælið nú í vikunni. Það
var teiknað af Guðjóni Samúelssyni, húsameistara ríkis-
ins, og tekið í notkun árið 1926, en gamli Kópavogs-
bærinn hefur verið friðaður, eins og fram kom í Frétta-
tímanum nýverið. Erlendur Zakaríasson reisti bæinn á
árunum 1903 til 1904. Hann var steinsmiður og hafði
unnið við byggingu Alþingishússins. Kópavogsbæinn
hlóð hann úr tilhöggnu grjóti og steinlími.
Starfshópur á vegum bæjarráðs hefur unnið að því
síðustu mánuði að gera tillögu að því hvernig nýta megi
húsin og umhverfi þeirra og boðaði meðal annars til
borgarafundar fyrr á árinu. Þar kom fram eindreginn
vilji til þess að húsin verði endurreist og að þeim verði
fundið hlutverk við hæfi.
Til stendur að stofna hollvinasamtök um þetta verkefni
og er vonast til að fyrirtæki, félagasamtök og stofnanir
geti tekið þátt í því með bænum að fullmóta tillögur um
uppbyggingu á svæðinu og taka þátt í fjármögnun.
Jarðfræði, fornminjar og saga
Í greinargerð fyrrgreinds starfshóps um Kópavogsbæ-
inn, Kópavogshælið og Kópavogstún segir að gera þurfi
svæðið og fyrrgreindar byggingar sem heild aðlaðandi
fyrir gesti og gangandi. Það sé forsenda þess að fólk fái
áhuga á því að heimsækja þetta merka svæði og drekka
í sig söguna og njóta samvista. Bent var á gildi þess fyrir
börn að geta notið bygginganna og svæðisins sem lifandi
námsefnis í sögu og náttúrufræði. Jarðfræði svæðis-
ins er ótrúlega fjölbreytt og töluverðar fornminjar eru í
jörðu. Fornminjar voru rannsakaðar á árabilinu 1973-76
á Kópavogsjörðinni, en hún átti landamerki að Reykjavík,
Digranesi, Fífuhvammi og Arnarnesi, Auk annarra minja
fundust jarðhús frá landsnámstíma, smiðja frá 12. öld og
þinghús sem virðist ekki hafa verið reist síðar en á 17.
öld. Minnisvarði var reistur neðarlega á Kópavogstúni
um Kópavogsfundinn 1662 þegar öllum þingfulltrúum
landsins var stefnt til Kópavogs vegna einveldistökunnar.
Á staðnum vill fólk jafnframt, að því er fram kom í
skýrslu starfshópsins, eiga kost á kaffi og öðrum veit-
ingum á svæðinu. Vinsælir og fjölfarnir göngu- og hjól-
reiðastígar liggja meðfram Kópavogstúni og liggja út á
Kársnes, inn Kópavogsdal og suður í Garðabæ. Þá teng-
ist Kópavogstún útivistarsvæðinu á Rútstúni og Sund-
laug Kópavogs, auk þess sem skammt er í safnasvæðið
og Salinn.
Merkar húsByggingar á kópavogstúni lagfærðar fyrir 60 ára afMælisár kópavogsBæjar, árið 2015
Lyftistöng fyrir mannlíf og ímynd Kópavogs
Vilji bæjarstjórnar er að í gömlu byggingunum á Kópavogstúni,
Kópavogsbænum og Kópavogshæli, verði fjölbreytt starfsemi
með áherslu á sögu, listir, útivist og afþreyingu. Það rímar við
hugmyndir nokkurra arkitektastofa og sagnfræðings sem lagt
hafa í mikla hugmyndavinnu um framtíð svæðisins sem ríkt er
af sögu og fornminjum. Þar er lagt til að á túninu, í tengslum við
gömlu byggingarnar, verði híbýlasaga alþýðu heillar þjóðar.
Hugmynd
hópsins gengur
út á að útfæra
og þróa áhuga-
vert safna- og
útivistarsvæði
á Kópavogstúni
með því að sam-
tvinna menn-
ingu, sögu og
útivist á nýstár-
legan hátt og
efla þannig enn
frekar menning-
ar- og atvinnulíf
Kópavogsbæjar.
Hugmynd um safn á Kópavogstúni við hlið Kópavogshælisins sem fært verður til þess horfs sem
hæfir þessu húsi sem Guðjón Samúelsson teiknaði og tekið var í notkun 1926. Tölvugerð mynd
Kópavogshæli eins og það er nú. Stefnt er að það verði
tilbúið og endurgert á 60 ára afmælisári Kópavogs, 2015.
Myndir Hari
S É R F R Æ Ð I N G A R Í D E M Ö N T U M , H Ö N N U N O G S É R S M Í Ð I S K A R T G R I P A . Þ Ú Þ E K K I R O K K U R Á H A N D B R A G Ð I N U , L Á T T U Þ A Ð E F T I R Þ É R . . .
Skartgripaverslun og vinnustofa Laugavegi 52, Reykjavík, sími 552-0620, www.gullogsilfur.is, facebook.com/gullogsilfur, og þjónustan er persónuleg!
Framhald á næstu opnu
44 úttekt Helgin 30. nóvember-2. desember 2012