Fréttatíminn - 30.11.2012, Page 74

70 bíó Helgin 30. nóvember-2. desember 2012
Þetta er
saga af
uppnámi í
efnahags-
málum í
hagkerfi
sem byggir
á fjár-
hættuspili
og hrunið
verður
þegar ekki
er farið
eftir regl-
unum.
 Killing Them SofTly Brad PiTT TeKur á mönnum
l eikstjórinn Andrew Dominik skrif-aði handrit Killing Them Softly upp úr skáldsögunni Cogan´s Trade eftir
George V. Higgins. Bókin kom út árið 1974
en Dominik kaus að færa söguna til samtím-
ans. Myndin gerist í New Orleans árið 2008 í
gjörningaveðri efnahagshrunsins og aðdrag-
anda forsetakosninga. Uppnám verður í und-
irheimunum þar þegar tveir lúðar ræna stórt
pókermót sem haldið er á vegum mafíunnar.
Slíkt er auðvitað ekki liðið á þeim bænum og
handrukkarinn og hörkutólið Jackie Cogan,
sem Brad Pitt leikur, er kallaður til og fengið
það verkefni að finna ræningjanna og kála
þeim.
Cogan gengur í málin af festu og er fljótur
að komast á sporið en málið er þó ekki eins
einfalt og sýndist í fyrstu. Engum er treyst-
andi og enginn er öruggur. Mikilvægt er að
fá þessa peninga aftur á ferð í undirheima-
hagkerfinu og til þess að endurheimta traust
þarf að skella skuldinni á einhvern og það
fljótt. Allt snýst þetta meira og minna um
að halda andliti út á við þannig að einhverj-
um verður að refsa og þá ekki endilega þeim
seku. Pólitíkin kraumar í undirheimum rétt
eins og á yfirborðinu. Dominik kaus ekki síst
að flytja söguna fram í tíma vegna þess að
hann sér í henni ákveðnar og augljósar hlið-
stæður við samtímann eftir efnahagshrunið.
„Þetta er saga af uppnámi í efnahagsmálum
í hagkerfi sem byggir á fjárhættuspili og
hrunið verður þegar ekki er farið eftir regl-
unum,“ segir Dominik um augljósa snertifleti
við samtímann sem ekki hafi verið hægt að
horfa fram hjá.
Brad Pitt er umkringdur úrvalsleikurum
sem allir eru í fantaformi. Scoot McNairy og
Ben Mendelsohn þykja frábærir í hlutverkum
vitleysinganna sem fremja ránið sem setur
öll ósköpin af stað. Ray Liotta er á heima-
velli sem maðurinn sem heldur pókermótið
en sá situr uppi með þann svarta pétur að
hafa rænt eigin pókerleik mörgum árum
áður. Hann komst upp með það þá og því
fellur óhjákvæmilega grunur á hann þegar
leikurinn er endurtekinn. Sopranos-leikarinn
magnaði James Gandolfini leikur útbrunninn
handrukkara sem Cogan leitar til en hefur
mun minna gagn af en hann ætlaði sér. Sá lát-
lausi en trausti leikari Richard Jenkins (The
Cabin in the Woods, Burn After Reading,
There's Something About Mary, Sea of Love)
leikur tengilið Cogans við vinnuveitendurna.
Aðrir miðlar: Imdb: 7.1, Rotten Tomatoes: 92%,
Metacritic: 73%
Glæpamyndin Killing Them Softly var frumsýnd á kvikmyndahátíðinni í Cannes í vor þar sem hún
tók þátt í keppninni um Gullpálmann. Hún fékk prýðilega dóma og er nú loks komin í almennar
sýningar og til Íslands. Brad Pitt fer fyrir firnasterkum hópi leikara í myndinni en hann leikur
reyndan handrukkara sem falið er að hafa hendur í hári vitleysinga sem rændu pókermót á
vegum mafíunnar.
Þórarinn
Þórarinsson
toti@frettatiminn.is
Drepið með hægð
Brad Pitt lætur verkin tala þegar hann hreinsar til í undirheimum New Orleans í Killing Them Softly sem hefur fengið stórgóða
dóma.
www.forlagid.is – alvöru bókaverslun á netinu
hátíðar-
útgáfa
af sígildri bók
Jólin koma kom fyrst út árið 1932
og hefur æ síðan verið ómissandi við
undirbúning jólanna.
Ljóð Jóhannesar úr Kötlum hafa kynnt íslenska
þjóðtrú og jólasiði fyrir hverri kynslóðinni á fætur
annarri. Fyrir þessa útgáfu voru teikningar Tryggva
Magnússonar myndaðar að nýju og hafa aldrei
birst lesendum skýrar en nú.
80 ára
gersemi
– nú
innbundin
 frumSýnd alex CroSS Snýr afTur
Morðingi með kvalalosta
Spennusagnahöfundurinn James
Patterson hefur skrifað vænan haug
af bókum um sálfræðinginn og
alríkislögreglumanninn Alex Cross.
Morgan Freeman gerði persónunni
ágætis skil í tveimur myndum, Kiss
the Girls og Along Came A Spider.
Hann sagði síðan skilið við Cross
og nú kemur það í hlut Tylers Perry
að leika kappann í myndinni Alex
Cross sem er lausbyggð á bókinni
Cross.
Þegar kona sem Alex Cross þekk-
ir er myrt á hrottalegan hátt heitir
hann því að hafa hendur í hári morð-
ingjans en sá skrattakollur er ekkert
lamb að leika sér við eins og Cross á
eftir að komast að raun um.
Læknirinn góði úr sjónvarpsþátt-
unum Lost leikur óða morðingjann
Picasso sem nýtur þess að kvelja
fórnarlömb sín áður en hann drepur
þau. Geðþekki og vannýtti leikarinn
Edward Burns leikur félaga Cross í
þeim mikla hildarleik sem leitin að
Picasso snýst fljótt upp í.
Rob Cohen, sem á sínum tíma
gerði The Fast and the Furious, leik-
stýrir myndinni þannig að ætla má
að hasarinn verði keyrður í botn.
Tyler Perry tekur við keflinu af
Morgan Freeman og spreytir
sig á hlutverki Alex Cross.
Á disknum er súrdeigsbrauð, hráskinka, camembert ostur, fíkjur,
amerískar pönnukökur og hágæða hlynsíróp, sætkartöflusalat með geitaosti
og sólkjarnafræjum, bakað egg, grísk jógúrt með heimalöguðu múslí,
íslenskt grænmeti og ávextir.
BRUNCH-DISKUR Á NAUTHÓL
Í BOÐI Á SUNNUDÖGUM FRÁ KL 11.00 – 15.00
www.nautholl.is www.facebook.com/nautholl nautholl@nautholl.is tel.: 599 6660