Fréttatíminn - 07.12.2012, Blaðsíða 108

 Viðskipti Noodle statioN færir út kVíarNar og opNar í HafNarfirði
Uppskriftin kemur frá
ömmu gömlu í Tælandi
Veldið stækkar. Noodle Station hefur gengið vel á Skólavörðustíg síðustu þrjú ár. Eigandi staðarins er Charin Thaioprasert en
hann er í útlöndum. Hér eru Nimit, Nok mamma hans og Jón yngri bróðir hans á nýja staðnum í Hafnarfirði. Ljósmynd/Hari
Þ etta hefur gengið mjög vel, alveg frábærlega,“ segir Nimit Thaipra-sert, einn aðstandenda veitinga-
staðarins Noodle Station.
Noodle Station var opnaður fyrir þrem-
ur árum á Skólavörðustíg og hefur notið
mikilla vinsælda allar götur síðan. Svo
mikilla að á dögunum var annar staður
opnaður. Sá er að Bæjarhrauni 4 í Hafn-
arfirði. Sami matseðill er á báðum stöð-
unum; tælensk núðlusúpa með nautakjöti
eða kjúklingi. „Svo vilja reyndar margir
sleppa kjötinu, bæði grænmetisætur og
aðrir. Og reyndar kemur líka fólk sem
pantar auka kjöt eða auka núðlur,“ segir
Nimit og hlær.
Noodle Station er í eigu bróður Nimits,
Charins Thaiprasert. Hann er í útlöndum
og Nimit sér um sjoppuna á meðan. „Við
mamma hjálpum honum að láta þetta
ganga,“ segir hann.
Mamma drengjanna, Nok, flutti með
þá hingað til lands árið 1989. Hún hefur
lengi starfað við veitingarekstur, síðast
á tælenska veitingastaðnum Gullna
hliðinu á Álftanesi. Ásamt henni réð
þar ríkjum fósturfaðir drengjanna, Bogi
Jónsson, sem á árum áður var kenndur
við Bogarúllur. Bæði studdu þau duglega
við bakið á Charin þegar hann opnaði
staðinn.
„Það var amma okkar sem átti upp-
skriftina að núðlusúpunni,“ segir Nimit.
„Amma kenndi mömmu uppskriftina
og hún kenndi okkur svo að gera súp-
una,“ segir hann ennfremur, en amma
drengjanna rak súpusöluvagn í Tælandi
og mamma þeirra aðstoðaði hana við
rekstur hans.
Höskuldur Daði Magnússon
hdm@frettatiminn.is
Tælensku núðlusúpurnar á Noodle Station á Skólavörðustíg hafa slegið í gegn. Nú hefur nýr
Noodle Station-staður verið opnaður að Bæjarhrauni í Hafnarfirði. Uppskriftin að súpunni er
áratugagömul frá ömmu eigandans í Tælandi.
Michael Clayton, tvífari Robin Williams, plataði margan Íslend-
inginn upp úr skónum. Á myndinni er „Robin Williams“ ásamt
Jóhanni Jakobssyni veitingamanni. Ljósmynd: Jón Svavarsson.
 ÁrNi sam eftirHerma bjó til fjölmiðlafÁr
Flutti falskan Robin Williams til landsins
„Þetta er
góð saga
og mér
finnst eins
og ég hafi
heyrt þetta
áður en
þetta var
ekki ég.“
Bíókóngurinn Árni Samúelsson segir ýmsar skemmti-
legar bransasögur í nýútkominni ævisögu sinni Árni
Sam – Á fullu í 40 ár. Árni segir meðal annars frá því
þegar hann bauð þekktri Robin Williams-eftirhermu til
Íslands til þess að vekja athygli á frumsýningu gaman-
myndarinnar Mrs. Doubtfire sem skartaði leikaranum
vinsæla í aðalhlutverki.
Hinn falski Robin Williams heitir Michael Clayton og
þykir nauðalíkur hinum eina sanna. „Michael var svo
nauðalíkur leikaranum að ómögulegt var að þekkja þá í
sundur. Við létum út berast að stórstjarna væri að koma
til Íslands,“ segir Árni í bókinni.
„Fréttin flaug um allan bæ að stórleikari væri að
koma á okkar vegum. Fréttastofurnar hlupu upp til
handa og fóta. Logi Bergmann Eiðsson fréttamaður á
Ríkisútvarpinu hringdi í allt ættartréð, Magneu konu
Alfreðs og fleiri, til að komast að því hver þetta væri.
Enginn sagði neitt. Þegar við ókum suðureftir til að
taka á móti honum sáum við að hjörð fjölmiðlamanna,
þar á meðal Logi Bergmann, var líka á leiðinni.“
„Þetta er góð saga og mér finnst eins og ég hafi heyrt
þetta áður en þetta var ekki ég,“ segir Logi Bergmann
fréttamaður og kannast ekki við að hafa rokið út á flug-
völl í leit að Robin Williams. „Og ég er ekki einn af þeim
sem myndu ekki þora að viðurkenna það.“
Sjálfsagt þætti mörgum það hafa komið vel á vondan
ef Logi hefði fallið fyrir brellu bíókóngsins en Logi er al-
ræmdur vinnustaðagrínari og hrekkjalómur. Hann býr
yfir slíkri reynslu og þekkingu af gríni af þessu tagi að
hann gaf á dögunum út Handbók hrekkjalómsins. -þþ
Eiríkur í endurprentun
Gagnrýnendur hafa keppst við að hlaða Eirík Örn
Norðdahl lofi fyrir nýjustu bók hans, Illsku. Eiríkur
hefur sjaldan eða aldrei fengið viðlíka viðtökur.
Forlagið, útgefandi hans, veðjar á að bókaunnendur
fari eftir leiðbeiningum gagnrýnenda og kaupi Illsku
fyrir jólin. Af þeim sökum á að prenta annað upplag
af bókinni. Bókin var í fyrstu prentuð í kilju en næsta
upplag, um 1.500 eintök, verður innbundið.
Jónas með í Höllinni
Aðstandendur
tónleikanna
Hátt í Höllinni,
sem verða í
Laugardals-
höll hinn 19.
desember,
kynntu tón-
leikana á
veitingastaðn-
um Snaps í
gær. Þar kom
í ljós að Jónas
Sigurðsson
hefur bæst í
hóp þess einvalaliðs sem treður upp. Áður hafði verið kynnt að þar koma fram Ásgeir
Trausti, Hjálmar, Valdimar, Moses Hightower og Kiriyama Family. Uppselt er í stúku á
Hátt í Höllinni en enn hægt að fá almenna miða.
Á
R
N
A
S
Y
N
IR
util if. is
SKÍÐAPAKKAR
20% AFSLÁTTUR
ÞEGAR KEYPT ERU
SKÍÐI, BINDINGAR
OG SKÍÐASKÓR.
102 dægurmál Helgin 7.-9. desember 2012