Fréttatíminn - 13.04.2012, Blaðsíða 24

Þóra hlær. „Þetta er dálítið góð spurning.
Ég á síður von á því. Við erum ekki sérlega
mikið í samkvæmislífinu. Við vinnum mikið
og erum með stóra fjölskyldu. Ef ég er ekki í
vinnunni þá er ég heima hjá mér.“
Talandi um vini. Hverjir eru þínir helstu
ráðgjafar?
„Við höfum verið heppin því í kringum
okkur hefur myndast sterkur hópur fólks
sem hefur mikla reynslu af kosningum og
sjálfboðaliðastarfi. Fólk sem hefur til dæmis
unnið með Rauða krossinum og í ýmsu félags-
starfi. Þetta er ekki endilega fólk sem vill hafa
sig mikið í frammi eða flagga því að það sé að
vinna með okkur. Ég ætla ekki að telja upp
nöfn, því þá byrjar strax greiningin og flokk-
unin. Ég held að það þjóni engum tilgangi en
ég get sagt þér að þetta er afar góður hópur.
Foreldrar okkar, systkini og tengdafólk eru
öll með okkur í þessu. Ég á fjóra bræður og
Svavar á tvær systur og einn bróður. Allir eru
boðnir og búnir.“
Undir sjónvarpinu eru staflar af DVD-
teiknimyndum fyrir börn. Á borðinu liggur
bæklingur um öryggi barna. Bros og hlátur
skín af fjölskyldumyndum sem raðað hefur
verið upp á gömlum skenk í stofunni. Hér búa
börn. Tvö þeirra standa hæstánægð við stofu-
borðið og laumast í myndarlegan pönnu-
kökustaflann frá ömmu sinni. Stundum eru
börnin tvö, stundum fimm – og eitt í viðbót er
á leiðinni.
Verður ekki að teljast dálítið djarft af þér
að demba þér í framboð, eigandi von á barni
í maí?
„Já, það var eitthvað sem ég þurfti að hugsa
mjög vel. Hvað ef eitthvað kemur fyrir? En
það getur alltaf eitthvað komið fyrir. Ég get
alltaf lent í umferðarslysi. Það að eignast börn
er það eðlilegasta í heimi. Barneignir eiga
ekki að útiloka konur frá því að sækjast eftir
ábyrgðarmiklum störfum. Við Svavar eigum
tvö börn. Fyrir átti Svavar þrjár dætur, sem
búa hjá móður sinni, en þær eru líka stundum
hjá okkur. Barnið kemur í maí. Þá fer ég í fæð-
ingarorlof, tek mér hlé frá kosningaskyldum
og safna kröftum. Svo komum við aftur í þetta
af fullum krafti í júní. Ef ég næ kjöri þá tek
ég við embætti 1. ágúst og sinni því. Ég geri
ekki ráð fyrir að taka lengra orlof en það sem
mér gefst í sumar. Svavar lætur svo af störfum
sem fréttamaður og verður heimavinnandi, að
minnsta kosti til að byrja með. Svo er það líka
að fólk í ábyrgðarstörfum eignast börn. Það
eru börn í Hvíta húsinu og í Downingsstræti
10. Bjarni Ben var að eignast barn. Katrín
Jakobsdóttir. Katrín Júlíusdóttir. Allir ráða
sem betur fer vel við þetta.
Auðvitað ætla ég ekki að draga úr því að
það er álag að eignast barn í miðri kosninga-
baráttu. En það er líka skemmtileg áskorun.
Margar konur ganga í gegnum erfiða með-
göngu og fæðingar. Ég hef verið svo heppin
að allt hefur gengið vel hjá mér. Ég hlakka
bara til!“
Ástfangin á RÚV
Þóra og Svavar kynntust í gegnum vinnuna
árið 2004. Hún var nýkomin heim frá námi
í alþjóðasamskiptum og hagfræði í Banda-
ríkjunum og starfaði á fréttastofu Sjónvarps.
Hann var í mastersnámi í stjórnsýslufræðum
við Háskólann og vann á fréttastofu útvarps.
Það var glæpamál með sænsku ívafi sem
leiddi þau saman.
„Við vorum stundum að vinna sömu mál, ég
fyrir sjónvarp og hann fyrir útvarp. Fyrst velti
ég honum ekkert fyrir mér. Mér fannst hann
stundum svo æstur. „Hvaða náungi er þetta,“
hugsaði ég í mesta lagi,“ rifjar Þóra upp.
En Svavar var ekki lengi að vinna hug
hennar. „Hann er lífsglaðasta manneskja
sem ég þekki. Hann hefur gengið í gegnum
ýmislegt í lífinu, eignaðist sínar þrjár dætur
og svo skildu hann og móðir þeirra. Það voru
erfiðir tímar. Þegar við kynntumst var hann
á kafi í námi og þurfti að leggja mikið á sig,
en var samt alltaf í svo góðu skapi. Það var
aldrei nein biturð eða tuð yfir liðinni tíð. Alltaf
horfði hann fram á við. Ég held að það sé hluti
af því af hverju ég féll fyrir honum upphaf-
lega. Svo rann þetta upp fyrir mér. Að þetta
væri líklega bara maðurinn minn! Það er svo
merkilegt hvernig það gerist. Þá hugsaði ég:
„Heyrðu, þetta er bara hann!“
Ég fór til mömmu og sagði henni að ég væri
búin að hitta manninn minn. Hún hafði óttast
að ég myndi ílengjast í útlöndum því ég hafði
átt útlenska kærasta og svona. Mikið varð
hún glöð þegar ég sagði henni frá Svavari,“
segir Þóra og brosir breitt.
„Þess vegna er hún alltaf að koma með
pönnukökur,“ skýtur Svavar inn í og bendir á
pönnukökustaflann. Þóra hlær.„Svavar er eini
tengdasonur hennar því ég á fjóra bræður,“ út-
skýrir hún. „Hún elskar hann sem sinn eigin
son. Maður verður stundum afbrýðisamur.“
Lífeyrissparnaður
með trausta
og góða ávöxtun
landsbankinn.is 410 4000Landsbankinn
Íslenski lífeyrissjóðurinn
er almennur sjálfstæður líf-
eyrissjóður sem tekur bæði
við lögbundnum lífeyrissparn-
aði og viðbótarlífeyrissparnaði
almennings. Íslenski lífeyris-
sjóðurinn býður sveigjanlegar
leiðir til útgreiðslu lögbundins
lífeyrissparnaðar og fjölbreytt-
ar ávöxtunarleiðir.
Innlánsreikningur fyrir líf-
eyrissparnað sem hentar þeim
sem vilja ávaxta sparnað sinn
á einfaldan og gagnsæjan hátt.
Landsbankinn býður fjölbreyttar leiðir í lífeyrissparnaði og
er traustur bakhjarl. Íslenski lífeyrissjóðurinn og Lífeyrisbók
Landsbankans hafa skilað góðri ávöxtun undanfarin þrjú ár.
Kynntu þér lífeyrissparnað Landsbankans í síma 410 4040, í næsta útibúi
eða reiknaðu þitt dæmi þitt til enda á landsbankinn.is.
J
ó
n
s
s
o
n
&
L
e
’m
a
c
k
s

•

jl
.i
s

•

s
Ía
Meðalávöxtun
þriggja ára*
Meðalávöxtun
þriggja ára*Lífeyrisbók Landsbankans
1Líf
Hentar þeim sem eiga 20 ár eða
meira eftir af söfnunartíma.
Verðtryggð Lífeyrisbók
Óverðtryggð Lífeyrisbók
13,0%
2Líf
Hentar þeim sem eiga meira
en 5 ár eftir af starfsævi. 12,3%
3Líf Hentar þeim sem eiga skamman tíma eftir af söfnunartíma. 11,9%
4Líf
Fyrir þá sem nálgast töku lífeyris
eða eru þegar að taka hann út. 11,6%
9,7%
Sameign
Verðtryggt
Óverðtryggt
Fyrir þá sem vilja samtvinna ævi-
langa sameign og séreignasparnað. 8,7%
6,7%
Íslenski lífeyrissjóðurinn er almennur lífeyrissjóður sem starfar skv. lögum nr. 129/1997 um skyldutryggingu lífeyrisréttinda og starfsemi
lífeyrissjóða. Íslenski lífeyrissjóðurinn er með rekstrarsamning við Landsbankann hf. Nánari upplýsingar um sjóðinn og ávöxtun hans má
finna á islif.is. Landsbankinn er rekstrar- og vörsluaðili Lífeyrisbókar Landsbankans samkvæmt lögum nr. 129/1997 um skyldutryggingu
lífeyrisréttinda og starfsemi lífeyrissjóða. Nánari upplýsingar um Lífeyrisbók og ávöxtun hennar má finna á landsbankinn.is.
* Meðaltal nafnávöxtunar á ári 01.01.2009 – 01.01.2012
Svavar er afskap-
lega ánægður með
konuna sína. „Hún
tekur gáfurnar og
setur þær í ein-
hvern skynsemis-
og mannúðarkokteil
sem gerir hana að
frábærri mann-
eskju.“
24 viðtal Helgin 13.-15. apríl 2012