Fréttatíminn - 13.04.2012, Blaðsíða 44

44 bíó Helgin 13.-15. apríl 2012
 Iron Sky GeImáráS naSISta
Þórarinn Þórarinsson
toti@frettatiminn.is
bíó
Vondu karlarnir
í tunglinu
á rið er 2018. Bandaríkjamenn senda mannað geimfar til tunglsins. Geimfarið lendir illu heilli aðeins of
nálægt höfuðstöðvum nasistanna og annar
tveggja geimfaranna lendir í klóm illmenn-
anna. Nasistalæknirinn Richter er kallaður
til og látinn skoða fangann og uppgötvar
snjallsíma geimfarans og kemst að því, sér
til nokkurrar undrunar, að tækið er miklu
fullkomnara en allar þær græjur sem tungl-
herinn hefur yfir að ráða. Hann tengir sím-
ann við flaggskip nasistaflotans en þegar
hann ætlar að sýna yfirboðurum sínum,
með nýja foringjann Wolfgang Kortzfleisch
fremstan í flokki, verður síminn rafmagns-
laus.
Nasistarnir vilja ólmir komast yfir annað
svona furðutæki og nýta sér tæknina sem
síminn hefur að geyma í hernaðarlegum til-
gangi. Tveir tunglnasistar eru því sendir til
jarðar til þess að finna snjallsíma en blandast
þar meðal annars í örvæntingarfulla baráttu
forseta Bandaríkjanna fyrir endurkjöri. Kosn-
ingabaráttan nær góðu flugi með nasískum
áróðursráðum og forsetinn er nokkuð hress
með aðstoðina, grunlaus um að ráðgjafarnir
ætli sér að jafna Bandaríkin við jörðu.
Útsendararnir sitja einnig á svikráðum við
Foringjann á tunglinu sem áttar sig á að ekki
er allt með felldu og heldur því sjálfur af stað
til jarðar með allan innrásarflota sinn.
Sameinuðu þjóðirnar eru kallaðar saman
til þess að mæta ógninni utan úr geimnum
og Bandaríkjaforseti er himinlifandi yfir því
að fá nú loksins almennilegt stríð sem mun
gulltryggja annað kjörtímabil í Hvíta húsinu.
Forsetinn teflir fram geimskipinu George W.
Bush fram en það er á sporbaug umhverfis
jörðu hlaðið kjarnorkuvopnum. Þegar aðrar
þjóðir heims átta sig á hættunni sem að steðj-
ar kemur á daginn að flest ríki, að Finnum
undanskildum, hafa yfir að ráða vopnuðum
geimskipum sem fylkja sér að baki George
W. Bush.
Iron Sky er finnsk, þýsk og áströlsk fram-
leiðsla. Timo Vuorensola leikstýrir mynd-
inni en undirbúningur að gerð hennar hófst
árið 2006. Tveimur árum síðar mætti fram-
leiðsluliðið með sýnishorn úr myndinni á
kvikmyndahátíðina í Cannes til þess að næla
sér í meðframleiðendur. Eftir það komst al-
mennilegur skriður á verkefnið og Iron Sky
var frumsýnd í Finnlandi, Þýskalandi og víðar
í Evrópu fyrr í þessum mánuði og nú eru nas-
istarnir loks lentir á Íslandi.
Þýski leikarinn Udo Kier er þekktasta
nafnið í myndinni en hann hefur komið víða
við á löngum ferli og meðal annars skotið upp
kollinum í Melancholia, Grindhouse, Dancer
in the Dark, Shadow of the Vampire og jafn
ólíkum sjónvarpsþáttum og Chuck og The
Borgias. Kier leikur nýja Foringjann Kortzf-
leisch en í öðrum helstu hlutverkum eru Kym
Jackson og Julia Dietze.
Sameinuðu
þjóðirnar
eru kallað-
ar saman
til þess
að mæta
ógninni
utan úr
geimnum.
Hópur nasista sem tókst að flýja til tunglsins skömmu fyrir stríðslok 1945 hreiðraði um sig á myrku hliðinni. Þar hafa þeir í 70 ár
undirbúið árás á jörðina og eru nú til í tuskið.
Neðansjávarorrusta um
framtíð mannkyns
Leikarinn (The Last Seduction) og leik-
stjórinn (Very Bad Things) Peter Berg
teflir fram leikurunum Liam Neeson,
Alexander Skarsgård og Taylor Kitsch að
ógleymdu söngstirninu Rihönnu í Batt-
leship þar sem floti bandaríska hersins fer
til móts við drápsóðan innrásarher utan
úr geimnum. Skyndilega fellur vígahnöttur
til jarðar og rústar öllu sem fyrir verður. Í
kjölfarið fylgja fleiri slíkir með tilheyrandi
hörmungum og manntjóni. Það liggur
í augum uppi að árásin er ekki gerð af
öflum af okkar heimi og við frekari eftir-
grennslan kemur í ljós að innrásarher utan
úr geimnum hefur komið
sér fyrir undir yfirborði
sjávar og að þar verði
því fyrsta varnarlínan
í stríðinu um framtíð
mannkyns dregin.
Töffarinn Liam Neeson
mætir hér ferskur til leiks eftir að hafa
glímt við blóðþyrsta úlfa í The Gray en
hann leikur aðmírál sem stýrir aðgerðum
gegn innrásarliðinu. Taylor Kitsch og Alex-
ander Skarsgård leika bræður og sjóliða
sem taka þátt í vörninni. Kitsch stóð síðast
í ströngu á Mars í floppinu John Carter
en Skarsgård hefur undanfarin ár farið á
kostum í hlutverki hinnar kynþokkafullu
víkingavampíru Eric Northman í sjónvarps-
þáttunum True Blood. Hann hefur verið
að fikra sig yfir í bandarískar bíómyndir
en fór illa af stað í endurgerð Straw Dogs
en fær nú tækifæri til þess að sanna sig í
hressilegum vísindatrylli með reynslubolt-
ann Neeson sér við hlið.
 FrumSýndar
Henry Cavill leikur í The Cold
Light of Day ungan Banda-
ríkjamann sem heldur til
Spánar til fundar við fjölskyldu
sína. Harðjaxlinn Bruce Willis
leikur föður hans sem tekur
á móti honum á flugvellinum.
Samband feðganna er stirt og
eftir að þeim lendir saman á
skemmtisiglingu stingur ungi
maðurinn sér í sjóinn og syndir
í land. Þegar honum rennur
reiðin syndir hann aftur út í
bát fjölskyldunnar. Báturinn er
mannlaus og ljóst að mikil átök
hafa farið fram áður en fjölskylda
hans var numin á brott.
Okkar maður kemst fljótt að raun um að lögreglunni er ekki treystandi í þessu
dularfulla máli og hann flækist í margslungið samsæri og lendir í kapphlaupi við
tímann og illmenni þar sem líf hans og allrar fjölskyldunnar eru undir.
Samsæri á Spáni
e in af fjölmörgum rósum í troðfullu hnappagati meistara Martin Scor-
sese er hnefaleikamyndin Rag-
ing Bull sem var frumsýnd fyrir
rúmum þremur áratugum. Þá
var Robert De Niro upp á sitt
besta og fór hamförum í hlut-
verki boxarans Jake LaMotta,
dyggilega studdur Joe Pesci og
Cathy Moriarty.
Fljótt á litið er vandséð að
eitthvað sé enn ósagt á filmu
um feril LaMotta en engu að
síður er nú verið að hita upp í
Raging Bull II sem verður að
vísu forleikur að mynd Scorsese
og greinir frá fyrstu skrefum
LaMotta í hnefaleikahringnum.
Martin Guigui leikstýrir
myndinni eftir eigin hand-
riti en William Forsythe hefur
tekið að sér það vandasama
verk að feta í fótspor De Niro.
Scorsese sjálfur kemur hvergi
nærri þessu brölti og hefur látið
hafa eftir sér að verkefnið sé til-
gangslaust.
Robert De Niro var frábær í
Raging Bull árið 1980.
 FurðuleGt Framhald raGInG Bull II
Forsaga LaMotta
Það reynir á fjölskylduböndin og samband fúlla feðga þegar ill
samsærisöfl ógna lífi og limum fjölskyldumeðlima.
– fyrst og fre
mst
ódýr!
1
– fyrs
t og fr
emst
– fyrs
t og fr
emst
ódýr!
KjúKl
inga-
Blaðið
gildir til
29. apríl
HELGA
RTILBO
Ð
12.– 16.
apríl
veisl
a
1978kr.kg
Ísl. matvæ
li, kjúkling
abringur
398kr.kg
Ísl. matvæ
li, kjúkling
avængirNýtt KRÓNUBLAÐ
Skoðiðblaðið ákronan.is – fullt af góðum tilboðum
Söguþráður Iron Sky er svo geggjaður að myndin hefur eðlilega vakið bæði athygli og eftirvænt-
ingu. Rétt fyrir stríðslok tókst hópi nasista sem unnu að geimferðaáætlun Þriðja ríkisins að forða
sér til tunglsins þar sem þeir hreiðruðu um sig á skuggahlið tunglsins. Sjötíu árum síðar telja þeir
sig tilbúna til þess að uppfylla draum Hitlers og leggja heiminn að fótum sér og beina geimskipa-
flota sínum að jörðinni.
Mark Whalberg er rétt nógu
massaður til þess að standa
við hlið Dwayne Johnson.
 mIchael Bay PaIn and GaIn
Bræðir saman Fargo og Pulp Fiction
Stórmynda- og sumarsmella leikstjórinn Michael Bay
ætlar sér að halda áfram með Transformers-delluna
með fjórðu myndinni í flokknum. Megan Fox yfirgaf
partíið eftir tvær myndir og Shia LaBeouf lauk leik í
þriðju myndinni þannig að Bay mun tefla fram nýjum
mannskap í mynd fjögur.
Áður en hann snýr sér að því verkefni sendir hann
frá sér hasargrínið Pain and Gain. Þar leika Mark
Whalberg og Dwayne Johnson tvo líkamsræktarbola
sem ætla að hasla sér völl á dópmarkaðnum á Miami.
Þeir hyggjast verða sér út um stofnfé með því að
ræna forríkum viðskipajöfri sem Tony Shaloub (Monk) leikur.
Áætlunin fer síðan öll úr böndunum og kapparnir tveir lenda í meiri og hættulegri
vandræðum en þá óraði fyrir. Hermt er að söguþráður myndarinnar sé einhvers
konar samsuða úr Tarantinio-myndinni Pulp Fiction og Coen-snilldinni Fargo. Auk
þremenninganna koma Ed Harris, Rebel Wilson og Ken Jeong við sögu í myndinni.
Flotinn á við ofurefli
að etja í viðureign
sinni við innrásarher
utan úr geimnum.