Fréttatíminn - 13.04.2012, Blaðsíða 32

Naglalakksbleikt
Jónas
Haraldsson
jonas@
frettatiminn.is
HELGARPISTILL
Y
Te
ik
ni
ng
/H
ar
i
Yngri dóttir okkar hjóna er hrifin af bleik-
um lit – eins og margar stelpur og konur.
Æskuherbergið hennar var málað æpandi
bleikt og hélst svo þar til hið ágæta upp-
eldishús barnanna var selt. Minnisstætt
er mér augnatillit ungrar stúlku, verðandi
heimsætu í því húsi, þegar foreldrar henn-
ar skoðuðu það og keyptu síðan. Greini-
legt var að hanni þótti bleika herbergið
æðislegt. Hvort foreldrarnir hafa haldið
bleika litnum skal ósagt látið.
Fleira var bleikt en veggirnir í meyjar-
skemmunni. Dúkkukjólar voru gjarna í
þeim lit og leikföng af mörgum gerðum.
Enn er til í okkar eigu dásamlega bleikur
pallbíll með gulum hjólum, keyptur hjá
Guðlaugi, kaupmanni á Eyrarbakka,
sem varð allra karla elstur og stundaði
verslunarrekstur fram á tíræðisaldur.
Pallbíllinn gengur nú milli barna af nýrri
kynslóð, jafn dáður og var á æskudögum
dóttur okkar.
Bleiki liturinn fylgdi dóttur okkar þegar
hún stofnaði sitt eigið heimili. Spari-
stóllinn í stofunni hennar er unaðslega
bleikur, sannkallað stofustáss. Einnig
þótti henni vel valið þegar hún sá myndir
úr stofu frænku sinnar þar sem sást í tvo
bleika svani, það er að segja víðkunna
stóla sem hinn frægi danski hönnuður,
Arne Jacobsen, hannaði á sínum tíma.
Íhaldsamara fólk sem kaupir þær gersem-
ar heldur sig yfirleitt við hefðbundnari liti.
Bleiki liturinn er umdeildari en margir
aðrir litir, eins vinsæll og hann er þó hjá
konum, raunar táknlitur þeirra. Vegna
þeirrar stöðu eru karlar sennilega hrædd-
ir við hann. Fágætt er að sjá bleikklæddan
karl þótt þeir djörfustu skarti stundum
bleikri skyrtu og stöku sveinar splæsi í
bleikt bindi. Bleikir bílar eru líka umdeild-
ir og tiltölulega fáséðir þótt sjálfur Elvis
Prestley hafi ekið í bleikum Kadillakk á
sínum tíma.
Það var því að vonum að kona á skær-
bleikum trukki vekti athygli á íslenskum
götum fyrir fjórum árum, eða svo. Hún
réðst ekki aðeins inn í karlavígi með sorp-
akstri á stærstu gerð dráttarbíls heldur
var voldugt hús bílsins naglalakksbleikt.
Í viðtölum við blöð á þeim tíma greindi
konan frá því að ferðamenn víða um land,
sem litu bleika trukkinn augum, stoppuðu
ýmist til að taka myndir eða veifa henni.
Engum dytti í hug að stoppa til að taka
mynd af hvítum, grænum eða bláum sorp-
flutningavagni. Jafnvel tímaritið Globetr-
otter, sem Volvo Trucks gefur út, stóðst
ekki mátið og sagði frá Bleiku frúnni, en
svo nefndist þetta tröllvaxna flutninga-
tæki.
Vegna þess að hve bleikir bílar eru
sjaldgæfir á okkar ágæta yngri dóttir
bíl í hefðbundnari lit, skærrauðum þó.
Bleiki draumurinn lifir samt enn því
hún fór á stúfana og kíkti í sýningarsal
bílaumboðs sem auglýsti fallegan smábíl,
neonbleikan. Þegar betur var að gáð kom
í ljós að bleika litinn þurfti að sérpanta á
dýrustu útgáfu þessa bíls. Fjárráð ungar
konu, sem nýbyrjuð er að búa, leyfðu ekki
slíkan munað. Það má samt alltaf láta sig
dreyma.
Það þekkjum við hjónakornin að dætur
okkar hafa sjálfstæðan litasmekk þegar
að bílakaupum kemur. Þegar eldri dóttir
okkar keypti sinn fyrsta bíl ráðlagði pabbi
gamli henni að kaupa annað hvort hvítan
eða rauðan, klassíska liti sem auðvelduðu
endursölu. Sá boðskapur fór fyrir ofan
garð og neðan hjá 17 ára skvísunni sem
ók alsæl út á sítrónugulum bíl. Hann var
alltaf eins og sólargeisli á stæðinu fyrir
framan húsið okkar.
Sumir bílar eru sagðir stelpulegri en
aðrir. Frá því var til dæmis greint á dögun-
um að útliti Volkswagen bjöllu hefði verið
breytt svo bíllinn höfðaði einnig til karla.
Sölutölur sýna að konur hafa frekar keypt
bjölluna en karlar. Kannski er það vegna
útlits bílsins, sem er nokkuð sérstakt og
sker sig frá ýmsum öðrum sem erfitt er
að þekkja í sundur. Mjúkar línur einkenna
bílinn, hvort heldur horft er á hann að
framan eða aftan. Bandarískir fræðingar
hafa reiknað út að hvaða bílum konur
laðast helst. Þar fer Volvo S40 fremstur í
flokki en meðal annarra, auk fyrrnefndrar
bjöllu, er á þeim lista að finna blæju-
Volkswagen og jepplingana Honda CR-V,
Toyota RAV4 og Hyundai Tucson. Meðal
minna þekktra bíla á bandaríska listan-
um er Nissan Rogue, sem seldur er sem
Nissan Qashqai hérlendis, Nissan Juke og
Jeep Compass.
Fljótt á litið er svo að sjá að konur velji
trausta og örugga bíla en Volvo hefur til
dæmist slíkt orð á sér og fjórhjóladrifna
jepplinga sem treysta má þótt eitthvað sé
að færð eða veðri. Á flestum þessara bíla
eru línur bogadregnar fremur en kantaðar
– sem kannski má voga sér að segja að séu
kvenlegar. Bætist bleikur litur á þessa bíla
er verkið fullkomnað en fæstir bílafram-
leiðendur virðast þó treysta sér til að setja
bleika framleiðslu á oddinn.
Skrýtið er það samt, að minnsta kosti
frá leikmannssjónarmiði séð, að breyta bíl
sérstaklega vegna þess að konur hrífast
af lagi hans og kaupa þess vegna. Konur
eru jú sagðar stjórna innkaupum heimil-
anna frekar en karlar. Eðlilegra væri að
ýkja fremur þau útlitseinkenni sem konur
sækjast eftir þegar kemur að vali bíla.
En kannski er það svo að síðasta vígi
karlsins sé tegundarval bíls – og frestandi
neitunarvald ef frúin sækir það stíft að
hafa hann bleikan!
VINNINGAR AFHENTIR Í ELKO LINDUM. 149 KR/SKEYTIÐ.
MEÐ ÞVÍ AÐ TAKA ÞÁTT ERTU KOMINN Í SMS KLÚBB.
FRUMSÝND 13. APRÍL
VILTU
VINNA
MIÐA?
SENDU SMS SKEYTIÐ
ESL SHIP Á
NÚMERIÐ 1900
OG ÞÚ GÆTIR UNNIÐ!
FULLT AF VINNINGUM:
BÍÓMIÐAR
TÖLVULEIKIR - DVD MYNDIR
GOS OG FLEIRA!
BOÐSMI
ÐIBOÐSMIÐI9. HVER
VINNUR!
FJÖLDI
AUKAVINNINGA
32 viðhorf Helgin 13.-15. apríl 2012