Fréttatíminn - 30.03.2012, Síða 48

Bls. 8
Níu næringargildi
Veldu hreinar náttúrulegar
vörur, helst lífrænar
• Mat, snyrti- og hreinlætisvörur sem og vítamín,
steinefni og fæðubótarefni sem innihalda
eingöngu heilnæm hráefni og eru án óæskilegra
fyllingar- og aukefna
Líkaminn hefur ekkert að gera með annað en það sem
honum er eðlilegt að melta, taka upp og nýta til að búa
til orku og stuðla að heilbrigði. Of mikið af framandi og
ónáttúrulegum efnum sem líkaminn kannast ekki við geta
skapað ójafnvægi, kvilla og jafnvel sjúkdóma.
Allt er vænt sem vel er grænt –
hafðu grænmeti og ávexti í forgrunni
• Allt grænmeti, ávextir og ber í regnbogans litum
Því sterkari litur, þeim mun næringarríkara
• Hreinir grænmetis- og ávaxtasafar
• Allt kál og kálmeti
• Þurrkaðir ávextir og ber
• Rótargrænmeti
Grænmeti, ávextir og ber eru rík af andoxunarefnum og
innihalda fítókemísk efni sem styrkja ónæmiskerfið og geta
meðal annars fyrirbyggt hormónatengd brjóstakrabbamein.
Grænmeti og rótargrænmeti innihalda trefjar, sem stuðla að jafn-
vægi blóðsykurs og sjá til þess að meltingarkerfið starfi eðlilega.
Hafðu gæðaprótein
hluta af hverri máltíð
• Úr jurtaríkinu: baunir og linsur, tofu, hnetur,
möndlur og fræ, sem og próteinduft úr
hrísgrjónum, baunum og hampi
• Úr dýraríkinu: kjöt (helst af grasfóðruðum dýrum),
villibráð, fiskur, skeldýr, vistvæn egg, mjólkursýrðar
afurðir (jógúrt og hreint skyr), mysupróteinduft
Prótein eru byggingarefni fyrir vöðva og hvata t.d. meltingar-
hvata, hormón og boðefni. Prótein eru lífsnauðsynleg fyrir
orkumyndun, brennslu, og taugakerfið nærist að hluta á þeim.
Líkaminn framleiðir sín eigin andoxunarefni úr próteinum sem
vinna á bólgum og koma í veg fyrir ótímabæra öldrun.
Holl og góð fita er lífsnauðsynleg
fyrir framleiðslu hormóna
• Úr jurtaríkinu: lífrænar kaldpressaðar olíur, hnetur,
möndlur og fræ
• Úr dýraríkinu: fiskiolíur og feitur fiskur, hreint smjör
og rjómi, fita af grasfóðruðum dýrum og villibráð
• Ekki unnin fita eins og upphitaðar iðnaðarolíur,
transfitur og fita af dýrum sem lifa á tilbúnu
iðnaðarfóðri
Gott insúlínnæmi í frumum er háð omega-3 fitusýrum
en það stuðlar að orkumyndun og eðlilegri brennslu. Ef
þú vilt grennast eða viðhalda góðri brennslu þarftu góða
fitu. Heili og taugakerfi eru háð góðri fitu. Ró, yfirsýn,
minni og listin að læra gengur mun betur ef hollrar fitu
er neytt. Húðin verður jafnframt mjúk, ljómandi og útlitið
verður heilbrigt og ferskt.
Forðastu viðbættan sykur og
veldu frekar náttúruleg sætuefni
• Forðastu hvítan sykur, hrásykur, síróp, viðbættan
ávaxtasykur og viðbætta sterkju
• Veldu frekar þurrkaða ávexti, lífræn hunang, villt
hunang, villt agave síróp, xylitol, birkisætu,
steviu og pálmasykur – þó allt í hófi
Viðbættur sykur er rót velmegunarsjúkdóma eins og
ofþyngdar, offitu, áunninnar sykursýki, PCOS, hækkunar
kolesteróls, hás blóðþrýstings og bólgusjúkdóma, og jafnvel
krabbameins og Alzheimers. Sykur er ekki bara sykur því
líkaminn bregst á sama neikvæða hátt við hvítu unnu mjöli
í brauðum, kökum og kexi.
Veldu heilkorn og gróft malað mjöl
en borðaðu brauðmeti í hófi
• Heilkorn eins og hýðishrísgrjón, spelt, rúg, bygg,
kinóa, hirsi og bókhveiti
• Heilkornabrauð úr sömu korntegundum
Ef þú borðar kornmeti veldu þá heilkorn. Með því færðu
trefjarnar, kímið og næringarefnin sem það inniheldur.
Þannig dregur þú úr blóðsykursálagi frá sterkjunni í mjölinu
og jafnar blóðsykurinn betur. Gróft mjöl er einnig mun betra
fyrir meltinguna og inniheldur lífsnauðsynlegar aminosýrur.
Brauðmeti skal þó neyta í hófi. Ef þú þolir ekki glúten veldu
þá glútenlaust korn eins og hrísgrjón, hirsi, bókhveiti og
kinóa.
1
2
3
4
5
6
Þorbjargar Hafsteins