Bændablaðið - 08.05.2013, Blaðsíða 2
Bændablaðið | Miðvikudagur 8. maí 20132
Fréttir
Magnús Aðalsteinsson hjá GK
verktökum var í óða önn að
plæga grænfóðursakur hjá Bent
bónda Hansson í Garðsvík á
Svalbarðsströnd í byrjun vikunnar.
Aðalsteinn Hallgrímsson hjá
GK-verktökum segir að vorverkin
séu senn að hefjast í Eyjafirði, þ.e.
þar sem í vetur var fremur snjólétt.
„Bændur eru eitthvað byrjaðir
á vorverkunum, örfáir hafa sáð
fyrir korni, en það gildir um bestu
staðina í Eyjafirði. Ástandið er
vissulega misjafnt eftir svæðum,“
segir Aðalsteinn. Hann segir að
algengt hafi verið undanfarin ár að
byrjað hafi verið á vorverkum um
20. apríl en nú sé allt um hálfum
mánuði seinna á ferðinni eftir
erfiðan og harðan vetur. / MÞÞ
Vorverkin hefjast seinna en vanalega
Bændur láti
meta tjón
Bjargráðasjóður bætir tjón af
völdum kals og tjón á girðingum
sem orðið hefur vegna snjó-
þyngsla. Mikilvægt er að bændur
hafi samband við trúnaðarmenn
sjóðsins, ráðunauta, til að taka út
tjón af völdum kals og meta það.
Hið sama á við um tjón á
girðingum, segir Árni Snæbjörnsson,
framkvæmdastjóri Bjargráðasjóðs.
„Verði tjón vegna kals núna, eins
og allt lítur út fyrir, er ferillinn
sá að trúnaðarmenn sjóðsins
taka það tjón út í vor og sumar.
Trúnaðarmenn sjóðsins eru
ráðunautar Ráðgjafarmiðstöðvar
landbúnaðarins (RML) og búnaðar-
sambandanna. Í haust, þegar fyrir
liggur hver niðurstaðan er úr
heyöflun hjá bændum og ljóst verður
hvað vantar upp á, geta menn síðan
sótt um bætur úr sjóðnum. Það er
sama kerfi og við höfum alltaf unnið
eftir.“
Árni segir að sjóðurinn komi
ekki að sérstökum viðbrögðum
vegna t.a.m. heyleysis hjá bændum
á þessum tímapunkti. Ef slíkt ætti
að gerast þyrftu það að vera sér-
tækar aðgerðir af hálfu yfirvalda,
líkt og gert var vegna eldgosanna á
Suðurlandi og harðindanna síðast-
liðið haust. „Sjóðurinn getur sinnt
slíku hlutverki komi til sérstök fjár-
veiting og reglur um úthlutanir. Það
er ekki gert ráð fyrir því í reglum
sjóðsins að hann bregðist við með
slíkum hætti en við getum sinnt því
ef þarf.“
Árni segir ekkert launungarmál
að sjóðurinn hafi þurft að greiða tals-
vert út síðustu ár, að frátöldum þeim
sértæku aðgerðum sem ráðist hafi
verið í og fjármagnaðar hafi verið
með auka fjárframlögum. „Það var
heilmikið kal árið 2011 sem var
greitt fyrir. Að sama skapi var greitt
þó nokkuð út vegna þurrkanna á síð-
asta ári. Því hefur almenna deildin,
sem sér um greiðslur vegna þessara
mála, veikst nokkuð. Það þýðir að
það verður minna til skiptanna þegar
kemur að því að greiða fyrir tjón sem
orðið er nú, að óbreyttu.“ /fr
Þó að allt sé á kafi í snjó víða norðanlands, einkum í Þingeyjarsýslum og svo í Fljótum og Svarfaðardal, er einstaka bóndi í Eyjafirði
farinn að huga að alvöruvorverkum og plægja. Á myndinni er Magnús Aðalsteinsson hjá GK verktökum að plægja grænfóðursakur
hjá Bent bónda í Garðsvík á Svalbarðsströnd. Svolítið magnaðar andstæður þarna, brún moldin og fjöllin í baksýn enn þakin snjó.
Mynd / MÞÞ
Himinhrópandi andstæður eru í tilveru bænda víða um land þessa dagana. Svona er ástandið í Köldukinn á meðan sumir eyfirskir
bændur geta jafnvel verið að plægja sína akra. Hér sést heim að Kvíabóli, allt á kafi í snjó og ekki útlit fyrir að hægt verði að sá korni
þetta árið að mati Marteins Sigurðssonar bónda. Vanalega hefur hann sáð korni í 12 til 18 hektara lands en nú er útlitið frekar dökkt.
Skaflinn ofan við fjósið er myndarlegur þótt komið
sé nokkuð fram í maí.
Árni Snæbjörnsson.
Fóðurblandan lækkaði verð á
kjarnfóðri um allt að fimm pró-
sentum 6. maí síðastliðin og er
lækkunin mismunandi eftir teg-
undum. Ástæðan er styrking krón-
unnar og lækkun á hráefnum til
fóðurgerðar á erlendum mörkuð-
um. Fóðurblandan lækkaði síðast
verðskrá sína 2. apríl síðastliðinn.
Bústólpi lækkaði sömuleiðis
kjarnfóðurverð hjá sér á mánudaginn,
einnig um allt að fimm prósentum.
Sömu ástæður voru gefnar upp fyrir
lækkuninni og hjá Fóðurblöndunni.
Þá lækkaði Lífland verðskrá sína
1. maí síðastliðinn eins og getið er
annars staðar í blaðinu.
Samkvæmt upplýsingum frá
Sláturfélagi Suðurlands (SS) stendur
til að lækka verð á kjarnfóðri þar
og mun sú lækkun taka gilda á
föstudaginn kemur. Landstólpi
hyggst hins vegar ekki lækka verð
hjá sér að þessu sinni. /fr
Verðlækkun á
kjarnfóðri