Bændablaðið - 08.05.2013, Blaðsíða 6
Bændablaðið | Miðvikudagur 8. maí 20136
Málgagn bænda og landsbyggðar
LOKAORÐIN
Bændablaðið kemur út hálfsmánaðarlega. Því er dreift til allra bænda landsins og fjöl margra annarra er tengjast land búnaði.
Bændablaðinu er dreift ókeypis til þeirra er stunda búskap en þéttbýlisbúar geta gerst áskrifendur að blaðinu.
Árgangurinn kostar kr. 6.900 en sjötugir og eldri og lífeyrisþegar greiða kr. 3.450.
Bændablaðið er í eigu Bændasamtaka Íslands.
Bændablaðið, Bændahöll við Hagatorg, 107 Reykjavík. Sími: 563 0300– Fax: 562 3058 – Kt: 631294-2279
Ritstjóri: Hörður Kristjánsson (ábm.) hk@bondi.is – Sími: 563 0339
Blaðamenn: Margrét Þ. Þórsdóttir mth@bondi.is – Freyr Rögnvaldsson fr@bondi.is – Sigurður M. Harðarson smh@bondi.is
Auglýsingastjóri: Erla H. Gunnarsdóttir ehg@bondi.is – Sími: 563 0303 – Myndvinnsla og frágangur: Prentsnið ehf.
Netfang blaðsins (fréttir og annað efni) er bbl@bondi.is Netfang auglýsinga er augl@bondi.is Vefsíða blaðsins er www.bbl.is
Prentun: Landsprent ehf. – Upplag: sjá forsíðu – Landsprent og Íslandspóstur annast dreifingu blaðsins. ISSN 1025-5621
Skipt um áhöfn
LEIÐARINN
Pólitísk staða á Íslandi gjörbreyttist
í nýliðnum kosningum. Fráfarandi
stjórnarflokkar guldu þar afhroð
og þá sér í lagi Samfylkingin.
Þar finna stjórnmálaspekingar
vart samjöfnuð í slakri útkomu
stjórnarflokks í kosningum
jafnvel þótt leitað sé langt út fyrir
landsteinana. Spurningin er svo
hvað tekur við?
Þegar þetta er ritað standa
forsvarsmenn sigurvegara kosning-
anna, Framsóknarflokks og
Sjálfstæðisflokks, í viðræðum um
mögulega stjórnarmyndun. Virðist
fátt geta komið í veg fyrir að þessir
flokkar nái saman.
Það er þó ekki einfalt að mynda
stjórn við þessar aðstæður. Foringjar
flokkanna eru nú undir gríðarlegri
pressu frá kjósendum um tvö stór-
mál. Annars vegar að koma til móts
við heimilin í landinu með því að
snúa upp á hendur fjármálaafla og
sér í lagi vogunarsjóða. Hitt málið
varðar afnám verðtryggingar sem
skrúfað hefur upp misréttið í sam-
félaginu undanfarin ár. Flokkarnir
tveir munu ekki komast upp með
einhvern moðreyk hvað þessi mál
varðar gagnvart kjósendum. Því er
eins gott að þeir gangi vel frá sam-
komulagi sín á milli um hvernig
skuli hrinda þessum áformum í
framkvæmd.
Fjölmörg önnur stórmál blasa
við. Það varðar t.d. endur fjármögnun
fjármálakerfisins, sjávarútvegsmál-
in, með hvaða hætti eigi að koma
hjólum atvinnulífsins á almenni-
legan snúning. Einnig þarf að taka
til hendi í velferðarkerfinu. Þar þarf
augljóslega að leysa mál með hraði,
ekki síst er varðar heilbrigðismálin,
sem komin eru á alvarlegt stig.
Á þessum málum eru ýmsir angar
sem einnig er nauðsynlegt að fara í
saumana á. Það varðar t.d. lífeyris-
kerfi landsmanna, sem augljóslega
er ekki að virka eins og almenningur
hélt að til væri stofnað. Í dag er
skylduaðild að lífeyrissjóðum ekkert
annað en skattheimta, en ekki sú við-
bótartrygging sem fólk taldi sig fá að
njóta í ellinni. Sjóðirnir hafa tapað
gríðarlegum fjármunum á margs
konar fjármálavafstri. Réttindi
sjóðsfélaga hafa því verið skert á
móti bótum Tryggingastofnunar
þannig að þeir sem greiða í sjóðina
eru engu betur settir en þeir sem
gera það ekki. Þetta gengur alls
ekki upp. Því hafa raddir verið að
heyrast um hvort ekki sé eins gott að
þjóðnýta lífeyrissjóðina til að greiða
niður skuldir ríkissjóðs og taka upp
gegnumstreymiskerfi til að standa
undir lífeyrisgreiðslum. /HKr.
Í nýafstöðnum alþingiskosningum urðu
verulegar breytingar. Stjórnarflokkarnir biðu
afhroð og töpuðu meiru en helmingi fylgis
síns. Mikil endurnýjun varð á þingmönnum
árið 2009 enda umbrotatímar í þjóðfélaginu,
en sú endurnýjun varð síst minni nú, því 27
nýir þingmenn voru kjörnir. Nú eru aðeins
ellefu þingmenn eftir sem voru kjörnir 2003
eða fyrr. Starfandi bændum fjölgar verulega
á þingi og þar munu sitja fjórir bændur í stað
eins áður, þar með talið fyrrverandi formaður
BÍ og núverandi formaður Samtaka ungra
bænda.
Ásmundur Einar Daðason var endurkjörinn en
við bætast þau Haraldur Benediktsson, Jóhanna
María Sigmundsdóttir og Þórunn Egilsdóttir.
Ástæða er til að fagna því sérstaklega og óska
ég þeim og öðrum þingmönnum til hamingju
með kjörið.
Þegar þetta er skrifað standa yfir stjórnar-
myndunar viðræður Framsóknarflokks og
Sjálfstæðisflokks. Sé litið til svara þeirra flokka
við spurningum Bændablaðsins til framboða
sem birtust hér í blaðinu fyrir kosningar er ekki
annað að sjá en að áherslur þeirra falli ágætlega
að áherslumálum samtaka bænda.
Vilja viðhalda tollvernd
Báðir flokkarnir vilja viðhalda tollvernd á
búvörum sem eru í beinni samkeppni við
innlenda framleiðslu og báðir leggjast þeir
gegn innflutningi á lifandi dýrum og/eða hráum,
ómeðhöndluðum dýraafurðum til að vernda hina
einstöku sjúkdómastöðu sem við búum við.
Báðir taka þeir undir að tryggja verði fæðu- og
matvælaöryggi landsins. Framsóknarflokkurinn
nefnir að auka beri innlenda matvælaframleiðslu
og Sjálfstæðisflokkurinn vill nýta tækifæri
landbúnaðarins á grundvelli einkaframtaks
og frelsis. Báðir nefna þeir að tryggja verði
landbúnaðinum viðunandi starfsskilyrði og nýta
þá möguleika sem hann hefur upp á að bjóða.
Báðir flokkar andsnúnir aðild að ESB
Þá eru báðir flokkarnir andsnúnir aðild að ESB
og vilja ekki halda áfram aðildarviðræðum
við sambandið nema að undangenginni
þjóðaratkvæðagreiðslu um málið. Á grundvelli
þessara svara er því ólíklegt að mikill ágreiningur
verði um framangreind atriði í yfirstandandi
viðræðum, en ekki er hægt að fullyrða neitt fyrr en
niðurstaða þeirra verður ljós. Þess er aðeins óskað
hér, hvernig sem ný ríkisstjórn verður samsett, að
hún beri gæfu til að þess að standa með íslenskum
landbúnaði og þeim fjölmörgu tækifærum sem
þar er að finna.
Verslun og þjónusta er ekki
hafin yfir gagnrýni
Samtök verslunar og þjónustu efndu til
herferðar í tengslum við kosningarnar. Gætti
þar gamalkunnugra frasa um að hagkvæmast
væri að flytja meira inn af neysluvörum. Þessi
málflutningur náði þó litlu flugi.
Í fróðlegri grein Hennýjar Hinz, hagfræðings
ASÍ, í nýjasta tölublaði Vinnunnar er bent á að
skv. alþjóðlegum samanburði er verslunarrými
hér tvöfalt meira á íbúa en annars staðar á
Norðurlöndum og spurt hvaða áhrif það hafi á
hagkvæmni greinarinnar. Jafnframt er spurt hvað
það kosti að hafa á annan tug matvöruverslana á
höfuðborgarsvæðinu opnar allan sólarhringinn.
Enn fremur er í grein Hennýjar vitnað til nýrrar
skýrslu Rannsóknarseturs verslunarinnar þar sem
fram kemur að styrking gengis skilar sér síður til
neytenda en gengisfall. Það hefur einmitt verið
til umræðu síðustu daga í ljósi þess að krónan
hefur styrkst talsvert undanfarnar vikur án þess
að það hafi komið fram í verði innfluttra vara. Á
það hafa ASÍ , Neytendasamtökin, Íslandsbanki
og fleiri bent. Verslunin þarf því að taka til í eigin
ranni. Um leið er rétt að halda því til haga að
verslun og þjónusta er afar mikilvægur þáttur í
íslensku efnahagslífi sem skapar fjölmörg störf,
en hún er ekki hafin yfir gagnrýni.
Erfiðar aðstæður á Norður- og Austurlandi
Í liðinni viku fóru fulltrúar bænda að skoða
aðstæður á nokkrum svæðum á Norður- og
Austurlandi í ljósi þess mikla fannfergis og
svellalaga sem bændur þar búa við. Snjóa- og
svellalög eru víða gríðarleg, eins og komið hefur
fram í fjölmiðlum, þó að ekki sé hægt að meta
kaltjón fyrr en loks tekur upp. Þegar er þó ljóst
að tjón á girðingum er gríðarlegt og kostnaður við
fóðurkaup getur orðið verulegur.
Langir vetur hérlendis eru auðvitað engin
nýlunda og má þar nefna sem dæmi árin 1979,
1989 og 1995. Hins vegar leggst margt saman nú,
þ.e. kal 2011, vorhret 2012, þurrkasumar og minni
uppskera 2012, óveðrið í september 2012 og nánast
óslitin snjóalög síðan þá. Bændur eru því orðnir
langþreyttir á ástandinu. Viðbragðshópur á vegum
BÍ og stjórnvalda hefur verið settur á laggirnar
til að fylgjast með málinu og Ráðgjafarmiðstöð
landbúnaðarins tekur þátt í þeirri vinnu. Samtök
bænda munu reyna að gera sitt til að styðja við
bakið á bændum sem búa við þessar aðstæður og
við sendum þeim baráttukveðjur. /SSS
Efna skal loforð
Brekkulækur er notalegt gistihús
í fallegum dal inni af Miðfirði.
Gisting er í 17 herbergjum með
sér- eða sameiginlegu baði. Að
mati starfsfólks og viðskiptavina
Ferðaþjónustu bænda veita
gestgjafarnir góða og persónulega
þjónustu og eru til fyrirmyndar í
þróun heildstæðra ferðaupplifana
með sjálfbærum áherslum.
Brekkulækur á sér langa sögu,
en bærinn hefur verið í eigu sömu
fjölskyldu í yfir 100 ár. Brekkulækur
hefur verið félagi í Ferðaþjónustu
bænda frá upphafi og er raunar
ekki bara gististaður heldur líka
ferðaskrifstofa sem skipuleggur
hestaferðir, gönguferðir og rútuferðir
með göngu og náttúruskoðun.
Gestgjafinn Arinbjörn Jóhannsson segir
frá þróun starfseminnar: „Ég byrjaði að
bjóða upp á hestaferðir frá Aðalbóli í
Miðfirði árið 1979, fyrst einungis ferðir
á sumrin fyrir vana hestamenn, en þá
hafði ég vetursetu erlendis. Gistingin
bættist svo við árið 1984 og í kjölfarið
fjölbreyttari göngu – og skoðunarferðir.
Í dag bjóðum við meðal annars upp á
gönguferðir fyrir Íslendinga í samstarfi
við Ferðafélag Íslands, annars eru þetta
yfirleitt þýskir ferðamenn og ferðirnar
geta spannað allt landið.“
Brekkulækur er með virka
umhverfisstefnu og áherslur í ferðunum
bera þess merki. Arinbjörn bætir við:
„Við höfum sjálfbæra ferðaþjónustu
að leiðarljósi. Þetta eru yfirleitt langar
ferðir. Hver gestur dvelur að meðaltali
í tíu daga en við bjóðum einnig upp
á árstíðabundnar ferðir. Okkur er
annt um að gestirnir fái að kynnast
heimamönnum og daglegu lífi okkar
hér í sveitinni. Til dæmis förum við
með hópa í kirkju um páska og áramót,
heimsækjum nágranna á bóndabæjum
og förum mikið með þá í sund og heitar
laugar. Viðskiptavinir okkar meta það
mikils að fá þessa góðu innsýn inn í
sveitalífið, íslenska menningu og siði,
auk einstæðrar náttúrupplifunar.“
Á Brekkulæk er heimili
fjölskyldunnar, gistihús, skrifstofa,
hesthús, 80 hross, tveir hundar og
einn köttur. Gisting er fyrir rúmlega
30 manns en gistihúsið stækkaði
nýlega með nýbyggingu sem var tekin í
notkun í fyrra. Einnig er veitingastaður
á staðnum fyrir gesti sem leggur áherslu
á ferskan og góðan íslenskan mat s.s.
lambakjöt, ferskan fisk og heimatilbúið
múslí. Áhersla er lögð á persónulegt
andrúmsloft í gistihúsinu.
Fallegt umhverfið er upplagt fyrir
styttri gönguferðir og fuglaskoðun.
Brekkulækur er einnig vel staðsettur
til skoðunarferða um Norðurland vestra
en í nágrenninu má finna sellátur,
Selasetur Íslands, Hvítserk, fossa,
sögufræga staði og söfn.
Nánari upplýsingar um Bæ
mánaðar ins og alla bæi innan
Ferðaþjónustu bænda má finna á www.
sveit.is.
Um bæ mánaðarins
Í byrjun hvers mánaðar er valinn
einn ferðaþjónustubær innan vébanda
Ferðaþjónustu bænda sem hefur staðið
sig sérstaklega vel á sviði gæða- og
umhverfismála, vöruþróunar og í
þjónustu við viðskiptavini. Þá er einkum
horft til sérstöðu staðarins og nýbreytni
á sviði þjónustu og afþreyingar. Val á
bæ mánaðarins byggist á umsögnum
gesta og mati starfsfólks skrifstofu
Ferðaþjónustu bænda.
Brekkulækur
BÆR MÁNAÐARINS – APRÍL 2013
Mynd / Þórarinn I. Pétursson