Bændablaðið - 08.05.2013, Blaðsíða 24

24 Bændablaðið | Miðvikudagur 8. maí 2013
Sauðfjárræktarverðlaun BSE voru
veitt í tíunda sinn, en ávallt er byggt
er á niðurstöðum skýrsluhaldsins
og tekið tillit til þriggja þátta,
reiknaðs kjötþunga eftir fullorðna
kind, gerðarmats og hlutfalls milli
vöðva og fitu einkunnar.
Helstu niðurstöður úr skýrslum
Hólsgerðisbúsins eru þessar:.
Fullorðnar ær 116, meðalkjötmagn
eftir hverja á 29,2 kg, veturgamlar
ær 27, meðalkjötmagn eftir hverja
á 11,1 kg. Metnir dilkar voru 116,
meðalfallþungi 16,0 kg. Kjötmat,
gerð 9,9, fita 6,6 og hlutfall gerð/
fita 1,50.
Sigríður og Brynjar eru
búfjárræktarfólk og hófu búskap
að Hólsgerði árið 1999. Var þá
enginn bústofn fyrir hendi en hann
var keyptur frá nágrannabæjum
og sauðfjárbúskapur hafin. Alla
tíð hafa þau lagt töluvert upp úr
rekstrarhagkvæmni, sem meðal
annars lýsir sér í því að oftast hefur
bróðurparti lamba verið slátrað í
ágúst til að ná sem hæstu dilkverði
óháð fallþunga. Töluvert hefur
verið lagt upp úr kynbótum til
aukinna kjötgæða og hafa þar flest
tæki kynbótastarfsins verið notuð,
markvisst ásetningsval, sæðingar og
kynbótahrútar keyptir eða lánaðir úr
nágrenninu.
Þau Sigríður og Brynjar hafa tekið
virkan þátt í starfi Fjárræktarfélagsins
og átt mikið og farsælt samstarf
í fjárræktinni við sveitunga sína.
Einnig má geta þess að ásamt
sauðfjárræktinni hafa þau stundað
mikla skógrækt í Hólsgerði og eru
gott dæmi um hvernig fjölbreytileg
landnýting fer saman með
sauðfjárræktinni.
Búnaðarsamband Eyjafjarðar:
Verðlaun og viðurkenningar
veittar fyrir góðan árangur
Þrenn verðlaun voru veitt á
aðalfundi Búnaðarsambands
Eyjafjarðar sem haldinn var í
Hlíðarbæ fyrir skömmu, sauðfjár-
ræktarverðlaun, nautgriparæktar-
verðlaun og hvatningarverðlaun.
Ábúendur í Hólsgerði í
Eyjafjarðarsveit, Brynjar Skúlason
og Sigríður Bjarnadóttir, hlutu
sauðfjárræktarverðlaunin 2012.
Viðurkenningu fyrir framúrskarandi
árangur í nautgriparækt hlutu
Berglind Kristinsdóttir og Jón Elvar
Hjörleifsson, bændur á Hrafnagili.
Hvatningarverðlaunin komu að
þessu sinni í hlut Hollvinafélags
Búnaðarsögusafns Eyjafjarðar.
/MÞÞ
Sauðfjárræktarverðlaun BSE:
Áhersla á hagkvæmni og kynbætur
Sigríður í Hólsgerði tekur við Sauðfjárræktarverðlaunum BSE fyrir árið 2012,
Sigurgeir í Hríshóli, fráfarandi formaður sambandsins, afhendir.
Mynd / Hallgrímur Einarsson
Nautgriparæktarverðlaun BSE:
Færri kýr en sífellt hærri meðalnyt
Jón Elvar hóf kúabúskap sinn
að Ytra-Laugalandi árið 1995,
þá aðeins tvítugur að aldri.
Með honum í búrekstrinum
fyrstu fjögur árin var frændi
hans Finnur Aðalbjörnsson, en
síðan bróðir hans Grettir. Árið
2000 keyptu þeir bræður, ásamt
mági sínum Ívari Ragnarssyni,
jörðina Hrafnagil og sameinuðu
bú reksturinn á jörðunum. Ívar
og Grettir gengu síðar út úr
búskapnum og frá því 2007 hefur
Jón rekið búið ásamt Berglindi
konu sinni.
Fyrstu árin var notast við einn
lítinn mjaltabás en síðan var
fjárfest í hringekju, þeirri einu sem
í notkun hefur verið á Íslandi. Í
upphafi þessa árs var hún tekin
úr notkun og í staðinn komu tveir
mjaltaróbótar sem þjóna nú þeim
130-140 kúm sem á búinu eru.
Um tíma voru kýrnar mun fleiri,
en með sífellt aukinni meðalnyt
hefur þeim fækkað. Fyrsta heila
árið á Hrafnagili var meðalnytin
5.081 kg eftir 174,1 árskú, en 2012
var hún 6.811 kg eftir 147 árskýr.
Þá má geta þess að síðustu tíu ár
hafa tíu nautkálfar frá Hrafnagili
verið teknir inn á Nautastöð.
Ýmissa hluta vegna hefur þó
aðeins einn komist í notkun en
tveir eru það ungir að ekki er farið
á þá að reyna.
Nautið Svipur, sem fæddur er
2010, er með einna hæstu kynbóta-
spá ungnauta bæði fyrir afurðir og í
heild og bíða menn spenntir eftir að
sjá hvað dætur hans koma til með
að gera þegar þær koma í gagnið
á næsta ári. Þá þykir ekki skemma
að Svipur er gráskjöldóttur á litinn.
Berglind og Jón Elvar í Hrafnagili taka við Nautgriparæktarverðlaunum BSE.
Mynd / Hallgrímur Einarsson
Hollvinafélag Búnaðarsögusafns
Eyjafjarðar hlaut Hvatningar-
verðlaun BSE, en félagið var
stofnað á fyrrihluta ársins 2011
og er markmið þess að eiga
frumkvæði að stofnun búvéla- og
búnaðarsögusafns í Eyjafirði og
taka þátt í rekstri þess. Félagið
fékk fyrir fáum misserum heimild
til að nýta húsakynni í Saurbæ í
Eyjafjarðarsveit undir geymslu
fyrir velar og búnað og er þar
nú varðveitt mikið safn gamalla
búvéla. Enn hafa þó ekki tekist
samningar við stjórnvöld um
nýtingu á húsakosti jarðarinnar.
Eitt af fyrstu verkefnum félagsins
er að tryggja sem best að hlutum
sem tengjast búnaðarsögu verði
ekki fargað og til verði grunnur
sem nýta megi til sýninga. Þá er
unnið að gerð heimasíðu fyrir
félagið og áhugi er fyrir því að
safna sögulegum upplýsingum
af ýmsum toga, meðal annars er
varða vélvæðingu landbúnaðarins.
Samstarf verður við Minjasafnið á
Akureyri um söfnun ljósmynda frá
fyrri tíð og eins er undirbúningur í
gangi varðandi gerð gagnagrunns um
skráningu eldri búvéla og tækja hjá
bændum í Eyjafirði, en með slíkum
grunni verður auðveldara að setja
upp sýningar með áherslu á ákveðin
atriði.
Félagið hefur efnt til sýninga
í Saurbæ og á Melgerðismelum
undanfarin ár og í fyrrasumar var
það þátttakandi í Handverkshátíð á
Hrafnagili og sýndi þar allmargar
vélar sem félagsmenn hafa
undanfarin ár gert upp. Á næstu
Handverkshátíð er stefnt að því að
setja upp sýningu sem fjallar um
þróun og vélvæðingu í heyskap á
síðustu öld.
Hvatningarverðlaun BSE:
Undirbúa sýningu á þróun
og vélvæðingu í heyskap
Sigurður Steingrímsson, formaður Hollvinafélagsins, tekur við
Hvatningarverðlaunum BSE.
Gleðin var við völd þegar búfræð-
ingar frá Hvanneyri árið 1968
komu saman og fögnuðu því
að 45 ár eru liðin frá útskrift.
Nemendamótið var að þessu sinni
haldið í Eyjafirði og var byrjað á
því að að fara í velheppnaða skoð-
unarferð um hið blómlega land-
búnaðarhérað sem Eyjafjörður er.
Fyrsti áfangastaður var Brugg-
smiðjan Kaldi á Árskógsströnd, þar
sem framleiddar eru alls 5 tegundir
af bjór sem búfræðingar á besta aldri
fengu að bragða á. Þaðan lá leiðin í
Holtsel, þar sem starfandi er ísgerð
og einnig er verslun sem selur vörur
beint frá býli. Loks var komið við í
Garði, þar sem er nýlegt og tæknivætt
fjós ásamt kaffihús og krá á fjóslofti
með útsýni yfir fjósið. Um kvöldið
var kvöldverður og skemmtun á
Hótel Natur Þórisstöðum, þar sem
helstu ræðuskörungar árgangsins
létu vel í sér heyra að venju.
Kristján Stefánsson hljómlistar-
maður lék vel valin lög á meðan
lambakjötið rann ljúflega niður
og einnig spilaði hann og söng
um kvöldið og fram eftir nóttu,
en Kristján var matráður og
aðstoðarmaður í eldhúsi á Hvanneyri
á meðan búfræðingarnir voru við
nám í yngri deild.
Nemendamótið þótti takast vel,
en mikill hugur er í mönnum fyrir
það næsta, þegar búfræðingar fagna
því að 50 ár eru liðin frá því að þeir
útskrifuðust. Það mót verður haldið
að Hvanneyri árið 2018.
/MÞÞ
Búfræðingar frá Hvanneyri 1968:
Vel heppnað nemendamót
góða kvöldstund á Hótel Natur Þórisstöðum.