Bændablaðið - 22.08.2013, Blaðsíða 23

23Bændablaðið | Fimmtudagur 22. ágúst 2013
Gilsárstekkur í
Breiðdalshreppi
Fjármála- og efnahagsráðuneytið auglýsir til ábúðar frá 1. október
2013 ríkisjörðina Gilsárstekk, landnr. 158957, í sveitarfélaginu
Breiðdalshreppi.
Á jörðinni er gamalt íbúðarhús, það er í þokkalegu ástandi m.v. aldur,
útihúsin eru sum gömul og léleg, önnur í góðu lagi og umgengni ágæt.
Ræktað land er talið 22 ha.
Greiðslumark jarðarinnar er 217,4 ærgildi og fylgir með í leigunni.
Um er að ræða lífstíðarábúð. Umsóknarfrestur er til og með 10.
september nk.
Umsóknareyðublöð eru á heimasíðu ráðuneytisins. Ef spurningar
vakna er hægt að hafa samband í síma 545-9200.
Frekari upplýsingar birtast á heimasíðu ráðuneytisins, http://www.
fjarmalaraduneyti.is/verkefni/jardeignir/auglysingar
Fyrirspurnir sendist á netfangið postur@fjr.is
Eigum allar síur í New Holland og JCB á lager
Skeiðarás 3 Garðabær Sími 5272600 velavit@velavit.is
Varahlutir - Viðgerðir
sérhæfum okkur í JCB Hydrema Iveco New
Holland og Case
Vélavit
Oftast ódýrastir!
JCB
Plöturnar eru unnar úr endurunnu plasti s.s. plast-
flöskum, gróðurhúsaplasti og umbúðaplasti. Steingrátt
og svart eru standard litir á plastplötum en aðrir litir eru
fáanlegir við sérpöntun. Plastplötur undir 10 mm eru
beygjanlegar en yfir 10mm eru sjálberandi. Plöturnar
hafa, háð notkun, staðfestan lífaldur í kringum 50 ár.
Plöturnar þola vel sól og frost.
Sími 480 0400 jotunn@jotunn.is
Austurvegur 69 - 800 Selfoss Lónsbakki - 601 Akureyri www.jotunn.is
Jötunn Vélar ehf. - Kt. 600404 2610
Plastplötur á veggi
Hafðu samband við sölumenn okkar
í síma 480 0400 fyrir frekari upplýsingar
„Þetta er mjög skemmtilegt
sumarstarf, varla hægt að hugsa
sér það betra,“ segja systurnar
Helga María, sem er 13 ára,
og Berglind Björk, 15 ára, en í
sameiningu stunda þær nokkuð
umfangsmikla grænmetisræktun
í garði við hús foreldra sinna,
Ingibjargar Baldursdóttur og
Guðmundar Guðmundssonar við
Bjarmastíg 10. Þær hafa fastan
kaupanda að grænmetinu því
móðir þeirra rekur veitinga- og
kaffihúsið Kaffi Ilm steinsnar frá
grænmetisgarðinum og þar er því
iðulega brakandi nýtt og ferskt
grænmeti á boðstólum.
Áhuginn kviknaði í
Matjurtagörðunum
Systurnar voru með grænmetisgarð
í Matjurtagörðum Akureyringa við
Krókeyri í fyrrasumar og komust
þar heldur betur á bragðið. „Það var
mjög gaman að sinna garðinum og við
lærðum margt þar, bæði var Jóhann
sem sér um garðana áhugasamur
og var alltaf að segja okkur hvernig
best væri að standa að þessu og
nágrannar okkar voru líka mjög
duglegir að miðla upplýsingum. Við
lærðum því mikið af því að vera með
grænmetisgarðinn og það má segja að
áhuginn hafi kviknað þar,“ segja þær
Helga María og Berglind Björk. „Við
komum heim með góða uppskeru og
svo sannarlega reynslunni ríkari.“
Í garðinum við Bjarmastíg háttaði
þannig til að nauðsynlegt var að laga
hann aðeins til og m.a. voru felldar
þrjár gamlar stórar aspir. Lagt var
til atlögu við garðinn í fyrrahaust
og nú er hann mjög skjólgóður og
sólríkur og hentar einkar vel til
grænmetisræktunar. Systurnar eru
með fjölda tegunda í ræktun, kál af
ýmsu tagi, salat, rófur, gulrætur og
þar má líka finna jarðarberjaplöntur,
en berin sem af þeim munu koma er
líður á sumarið eru þó aðallega til
heimabrúks. Innandyra má svo finna
margvíslegar kryddjurtir sem nýtast
vel, bæði heima við og á Kaffi Ilmi.
Ekki verra að hafa smátekjur
Þær systur segja að vissulega fylgi því
þó nokkur vinna að sinna ræktuninni,
það þarf að vökva reglulega þegar
ekki rignir og svo verður að halda
arfanum í skefjum, þannig að alltaf
er hægt að finna sér eitthvað við að
vera úti í garði. „Það er mjög gaman
að fylgjast með þessu, frá því sett er
niður að vori og hvernig grænmetið
smám saman vex og dafnar þar til
hægt er að taka það upp. Ekki er verra
að geta hafa smátekjur af þessu öllu
saman,“ segja þær Helga María og
Berglind Björk og eru bara þokkalega
ánægðar með verðið sem móðir þeirra
greiðir fyrir grænmetið.
/MÞÞ
Systur rækta grænmeti í garðinum heima
„Mamma kaupir grænmetið og
notar á kaffihúsinu sínu“
Helga María og Berglind Björk rækta grænmeti í garðinum við heimili sitt og
það af þeim brakandi og ferskt. „Þetta er mjög skemmtilegt sumarstarf,“
segja systurnar. Mynd / MÞÞ
www.buvis.is
Ve r i ð v e l k o m i n á v e f s í ð u o k k a r
• AFLÚRTAK OG ÞRÍTENGI
• 130 HESTAFLA VÉL
• VARIO SKIPTING
• 3,5 TONNA LYFTIGETA Í 6 METRUM
• FJÓRHJÓLASTÝRI
• OG FLEIRA OG FLEIRA
SKOTBÓMULYFTARI
MEÐ AFLÚRTAKI
TIL SÝNIS OG SÖLU HJÁ BÚVÍS OG Á www. dieci.is
KAUPI BER
Íslensk hollusta ehf.
islenskhollusta@islenskhollusta.is
Sími 864-4755