Fréttatíminn - 16.09.2011, Blaðsíða 6

Jónas
Haraldsson
jonas@
frettatiminn.is
H
V
ÍT
A
H
Ú
S
IÐ
/
S
ÍA

ms.is
Ostur eins
og krakkar
vilja hafa
hann
Fékkstu ekki
Fréttatímann
heim?
Fréttatímanum er dreift á öll heimili á höfuðborgarsvæðinu.
Ef þú fékkst ekki blaðið heim, láttu okkur þá vita með
tölvupósti á dreifing@frettatiminn.is
Sjáðu blaðið líka á frettatiminn.is
Sr. Arna Grétars-
dóttir, prestur
íslenska safnaðarins
í Noregi. Söfnuðurinn
hefur stækkað um 50%
eftir efnahagshrunið
á Íslandi enda hafa
Íslendingar streymt til
Noregs í atvinnuleit.
 Noregur ÍsleNski söfNuðuriNN hefur stækkað um 50% eftir hruN
Vildi gjarna fá djákna
til aðstoðar – það er
meira mál að ráða prest
Í slendingar hafa streymt til Noregs vegna þess að þar er mikla vinnu að hafa og þeir þykja duglegir og eru
eftirsóttir,“ segir sr. Arna Grétarsdóttir,
sóknarprestur íslenska safnaðarins í
Noregi. Arna, sem áður var prestur við
Seltjarnarneskirkju, reiknaði ekki með
rólegu starfi þegar hún hélt utan árið
2007 en sá ekki, frekar en aðrir, fyrir sér
stækkun þessa íslenska safnaðar í kjölfar
efnahagshrunsins. Stækkunin er um og
yfir 50%; safnaðarmeðlimir eru nú rétt
um sex þúsund en voru innan við fjögur
þúsund þegar Arna kom til starfa.
Álagið á Örnu er því mikið enda vega-
lengdir miklar í Noregi. Hún nýtur ekki
annarrar aðstoðar en ritara í hlutastarfi
á skrifstofunni í Noregi. „Maður sinnir
bara algerum grunnþörfum, skírnum og
giftingum,“ segir Arna. Útfarir eru ekki
margar, fremur minningarathafnir látist
Íslendingar ytra. Jarðarfarirnar fara yfir-
leitt fram á Íslandi. Arna messar mánaðar-
lega í Ósló og er með guðsþjónustu einu
sinni til tvisvar á ári á öðrum stöðum. „Ég
hef þó ekki farið norðar en til Tromsö en
nú eru tvö fermingarbörn í Hammerfest.
Það er því aldrei að vita hvert maður fer,“
segir hún.
Fermingarbörnin koma alls staðar af
landinu til Óslóar, tvær langar helgar á
fermingarnámskeið. Börnin sækja síðan
messu á sínum heimastað, auk þess sem
fjarkennsla fer fram í gegnum netið.
Arna segir Íslendinga koma mun betur
undirbúna til Noregs en var fyrst eftir
hrun. Þar sem söfnuðurinn hafi stækkað
eins mikið og raun ber vitni þekki flestir
einhvern sem aðstoði þegar út er komið.
Net Íslendinganna sé því farið að virka
betur. Hinum mikla fjölda fylgi hins vegar
mikil fjölgun í sálgæslusamtölum. „Fólk
sem er að fóta sig hér kemur með sömu
lífsspurningarnar og vandamálin og það
hafði heima. Þegar fólk er að tala um sín
dýpstu mál og tilfinningar er það móður-
málið sem gildir. Flestir standa sig vel en
það getur verið erfitt í upphafi að komast
t.d. inn í heilbrigðiskerfið vegna tungu-
málavandræða.“
Spurð um það hvort ekki sé þörf á að-
stoðarpresti við þessar aðstæður segir
Arna að alltaf sé umræða þar um en málið
þurfi að skoða vandlega því ekki sé vitað
hvort um tímabundið ástand sé að ræða.
„Ég vildi hins vegar gjarna fá aðstoð, t.d.
með ráðningu djákna. Það er meira mál
að ráða prest. Djákni gæti unnið í öldr-
unarþjónustu, við barnastarf og ekki síst
hjálpað til við fermingarfræðsluna því það
eru komin svo mörg fermingarbörn.“
Tekjur íslenska safnaðarins í Noregi
eru sóknargjöld miðað við höfðatölu, þ.e.
sama kerfi og á Íslandi. „Þegar fólk er
búið að dvelja hér lengi og vill taka þátt
í kirkjustarfi fer það gjarna inn í norsku
kirkjuna. Við eru með góðar tekjur núna
eftir fjölgunina en vitum ekki hve það
varir lengi.“
Arna segir að almennt sé Íslendingum
vel tekið, nánast sé litið á þá sem litla
bróður. Norðmönnum finnist íslenskan
spennandi og saga þjóðanna sé samofin.
Viðhorf til Íslendinga hafi ekki breyst
eftir efnahagshrunið.
Frítími Örnu hefur verið takmarkaður
undanfarin ár en hún segist hafa tekið sér
frí í sumar. „Svo fer ég á einstaka kúrsa í
guðfræði og sálgæslumálum. Maður reyn-
ir að fylla á tankinn eftir mörgum leiðum.
Ég vil ekki kvarta en maður heldur ekki
lengi út í svona starfi þótt allir séu vel-
viljaðir og vilji hjálpa til. Ég er hins vegar
ekkert að hætta á næstunni en ég kem
heim að lokum – og er ekkert viss um að
ég þrífist í rólegu brauði.“
Jónas
Haraldsson
jonas@
frettatiminn.is
Álag á íslenska
prestinn í
Noregi, sr.
Örnu Grétars-
dóttur, er
mikið. „Fólk
sem er að fóta
sig hér kemur
með sömu lífs-
spurningarnar
og vandamálin
og það hafði
heima.“
Maður
heldur
ekki lengi
út í svona
starfi.
Hanna Birna Kristjánsdóttir, leiðtogi Sjálfstæðis-
flokksins í borgarstjórn Reykjavíkur og fyrrver-
andi borgarstjóri í Reykjavík, nýtur meira fylgis í
formannsembætti Sjálfstæðisflokksins en Bjarni
Benediktsson, formaður flokksins, samkvæmt
nýrri skoðanakönnun sem MMR/Markaðs- og
miðlarannsóknir birtu í gær.
Af þeim sem tóku afstöðu sögðust 58,6% heldur
vilja Hönnu Birnu, 13,4% sögðust heldur vilja
Bjarna en 27,9% vildu hvorugt þeirra.
Sé eingöngu litið til þeirra sem sögðust ætla að
kjósa Sjálfstæðisflokkinn í næstu alþingiskosn-
ingum vildu 66,3% heldur að Hanna Birna gegndi
formannsembættinu, 26,4% vildu heldur að Bjarni
yrði áfram formaður og 7,3% vildu hvorugt þeirra.
Stuðningur við Hönnu Birnu reyndist jafnframt
umtalsverður meðal stuðningsmanna Fram-
sóknarflokksins, Samfylkingarinnar og Vinstri
– grænna, eða á bilinu 47,8% til 59,8%, að því er
fram kemur á síðu MMR.
Spurt var: „Kosningar um forystu Sjálfstæðis-
flokksins fara fram á landsfundi flokksins dagana
17.-20. nóvember næstkomandi. Í fjölmiðlum
hefur verið rætt um tvo aðila sem gætu boðið sig
fram til að gegna embætti formanns Sjálfstæðis-
flokksins, þau Bjarna Benediktsson og Hönnu
Birnu Kristjánsdóttur. Hvort þeirra myndir þú
heldur vilja að yrði formaður Sjálfstæðisflokks-
ins.“
Samtals tóku 81,4% afstöðu til spurningarinnar.
 skoðaNaköNNuN laNdsfuNdur sjálfstæðisflokksiNs Í Nóvember
Fleiri styðja Hönnu Birnu en Bjarna til formennsku
Dagur íslenskrar náttúru haldinn
hátíðlegur í fyrsta skipti í dag
Dag íslenskrar náttúru, sem hátíðlegur verður haldinn í fyrsta sinn í dag, föstudag,
ber upp á fæðingardag Ómars Ragnarssonar. Í ávarpi Svandísar Svavarsdóttur
umhverfisráðherra, í tilefni dagsins, kemur fram að Ómar hafi verið óþreytandi
við að opna augu almennings fyrir þeim auðæfum sem felast í náttúru landsins og
mikilvægi þess að vernda hana og varðveita.
Fjölbreytt dagskrá verður um land allt í tilefni dagsins enda
hefur umhverfisráðherra sent hvatningu til sveitarfélaga, skóla
og félagasamtaka um að nota daginn til að vekja athygli á gildi
náttúrunnar og þeim náttúruperlum sem er að finna um allt
land. Stofnanir umhverfisráðuneytisins á sviði náttúruverndar,
Umhverfisstofnun, Náttúrufræðistofnun, Vatnajökulsþjóð-
garður, Landgræðsla ríkisins og Skógrækt ríkisins efna til ýmiss
konar viðburða í tilefni dagsins. Umhverfisráðherra efnir til
hátíðarsamkomu þar sem hápunkturinn verður afhending fjöl-
miðlaverðlauna ráðuneytisins, sem hér eftir verða veitt árlega.
Á vef ráðuneytisins kemur fram að íslensk náttúra fái liðstyrk á degi íslenskrar
náttúru þegar ný háskólastofnun, Líf- og umhverfisvísindastofnun, tekur formlega
til starfa við HÍ. Stofnunin verður vettvangur rannsókna og þróunarstarfs á fræða-
sviðum lífvísinda, landafræði, umhverfis- og auðlindafræði og ferðamálafræði. -jh
6 fréttir Helgin 16.-18. september 2011