Fréttatíminn - 16.09.2011, Page 12

F arsímar á Íslandi eru ekki nýjar fréttir. Við höfum fylgst með þróun þeirra í hartnær þrjátíu ár. Við fylgdumst
spennt með Ómari Ragnarssyni með nokk-
urra kílóa farsíma hangandi utan á sér
snemma á níunda áratugnum og tókum
Nokia 5110 fagnandi þegar Tal kom og rauf
einokun Símans á þeim tíunda. Á fyrsta
áratug nýrrar aldar var það Steve Jobs á
svarta Apple-sviðinu árið 2007 þar sem hann
kynnti iPhone-símann í fyrsta sinn. Þar sagði
hann að iPhone væri fimm árum á undan
öllum öðrum símum. Nú er annar áratugur
aldarinnar hafinn og þessi fimm ár um það
bil liðin. Margt hefur líka breyst á snjall-
símamarkaðnum síðan Jobs lét þessi orð falla
um árin fimm. Núna flæðir allt í símum og
flestir ef ekki allir hafa stælt Apple. Símar
keyrðir áfram á Android seljast í bílförmum
og meira að segja fyrirtækin sem virtust
aldrei ætla að átta sig, Blackberry og Nokia,
eru nú komin með síma með snertiskjá og
reyna að ná sneið af kökunni. Baráttan í dag
snýst því ekki jafn mikið um símtækin sem
slík, heldur um tæknina sem að baki þeim
býr, stýrikerfið.
Kerfisflækjur mörlandans
Það eru fleiri möguleikar í stöðunni en
menn grunar. Það eru yfir tíu stýrikerfi
fyrir snjallsíma á markaðnum en þau fjögur
stærstu eru iOs frá Apple, Android þróað af
Google, Symbian sem Nokia stendur fyrir og
Windows Phone 7 sem tölvurisinn Microsoft
þróaði. Margur bankamaðurinn mun svo
ekki skilja við Blackberry-símann sinn fyrr
en hann verður rifinn úr köldum dauðum
höndum hans. En það
er önnur saga. Þótt
þróun Nokia á Symbi-
an-stýrikerfinu sé að
þokast í rétta átt er
það sennilega of seint
í rassinn gripið. Enda
hafa þeir finnsku samið
við Microsoft um að
nota Windows Phone
7 til að keyra flottustu
símana sína á í fram-
tíðinni. Það kerfi er þó
enn mjög nýtt og ekki
margir símaframleið-
endur farnir að nýta
sér það. Lítið ef nokk-
uð er til af þeim símum
í boði á Íslandi. Það
er því í raun einungis
Android-stýrikerfið
frá Google sem getur
steypt Apple af stall-
inum enn sem komið
er. Þetta byrjaði smátt árið 2008 en hefur nú
þróast í að nú er kominn alvöru samkeppn-
isaðili við eplið. Á markaðinn hefur komið
aragrúi af símum keyrðum áfram á Android,
í öllum verðflokkum. Á Íslandi koma í augna-
blikinu eiginlega bara tvö til
greina, Android frá
Google og iOs frá
Apple. Symbian er
of gamaldags og
Windows Phone 7 er
of nýtt.
Hver er munur-
inn?
iOs frá Apple var,
sem fyrr segir,
langt í frá fyrsta
snjallsímakerfið
en það sem það
hafði umfram
alla aðra sam-
keppnisaðila,
eins og svo oft
áður hjá þeim
þarna í ávaxta-
félaginu, var
einfaldleikinn.
Það þurfti ekki
tölvunörd á
launaskrá til
þess að rata
um símann.
Það þurfti
heldur ekki
sérstakan
penna til að
nota símann
heldur dugði
puttinn.
Stærsti
munur-
inn var
þó þegar
Apple opn-
aði fyrir aðgang að App-búðinni um ári eftir
að síminn var kynntur. Það gerði þriðju að-
ilum kleift að hanna ný og sniðug forrit til að
auka notagildi símtækisins; leikir og forrit
til að skemmta og fræða flæddu um búðina.
Það var því sú ágæta verslun, sem íslenskir
iPhone-eigendur þurftu þangað til í sumar að
redda sér aðgangi að erlendis frá, sem gerði
IPhone-inn svo frábrugðinn öllu öðru sem
fólk hafði séð. Forritabúðin er líka það sem
samkeppnisaðilarnir eru búnir að apa eftir.
En þótt iOs sé elst af þessum nútímakerfum
virkar það enn mjög vel. Enda búið að upp-
færa það nokkrum sinnum. Það góða við það
er að einfaldleikinn er enn til staðar. Það
slæma er það sama og hefur loðað við vörur
frá Apple síðan áður en menn byrjuðu að
kaupa niðursneitt brauð: kerfið er gjörsam-
lega lokað. Í augnablikinu er bara einn sími í
boði og hann er dýr.
Android er á hinn bóginn algerlega opið
kerfi og hægt er að fá síma frá mýmörgum
framleiðendum í öllum verðflokkum. Þetta
byrjaði með ekki alltof skemmtilegu kerfi en
hefur þróast mjög hratt í það að vera einfalt
og notendavænt fyrir fjöldann. Sá stóri galli
er þó á kerfinu að hver og einn símafram-
leiðandi gerir það sem hann vill við kerfið
sem þýðir yfirleitt óþarfa jukk ofan á grunn-
inn. Við sjáum því aldrei „hreint“ Android.
Sumir framleiðendur eru með
marga flýtitakka, aðrir
fáa, símarnir eru mis-
stórir og það sem
betra er –misdýrir.
Forritamarkaður-
inn í Android er svo
risastór og yfirleitt
býðst að velja milli
þess að borga fyrir
forritið eða að fá það
ókeypis. Í staðinn fyrir
að borga núll kr. fær
notandinn þó auglýs-
ingu á skjáinn.
Fyrir hinn venjulega
ótæknivædda mör-
landa, sem þó vill gjarna
vera inni í málunum, er
Android-kerfið því ein-
faldara að komast inn í.
Það er opið og ekki þarf
að skrá sig í eitt eða neitt,
kjósi maður svo. iPhone
er hins vegar læstur við
Apple-heiminn og nær
allar aðgerðir þurfa að fara
fram í gegnum iTunes.
Svo er það fælni Steve
Jobs við hugbúnað sem
hans fólk fann ekki upp, og
þá sér í lagi margmiðlunar-
forritið Flash. Fyrir þá sem
ekki vita er Flash notað í
mjög miklum mæli á netinu og
geta þeir sem nota iPhone og Ipad enn
ekki vafrað um vefsíður gerðar með því. Það
er mjög hvimleitt að ekki er hægt að nota
vörur frá þessu annars ágæta eplafélagi án
árekstra við önnur tæki. Apple virðist því
vera að einangrast í sínum eigin heimi og
ekki í fyrsta skipti. Tækin þeirra tala full-
komlega hvert við annað en vilja helst ekkert
hafa með umheiminn að gera. Android er því
svolítið eins og PC-tölvan – langt í frá full-
komið en blandar geði við aðra alveg einstak-
lega vel. Einföld USB-snúra veitir aðgang að
öllu í símanum þínum. Þú getur notað hann
sem harðan disk og breytt honum í þráðlaust
net fyrir tölvuna þína. Stór kostur á símtæk-
inu sjálfu er svo að í flestum Android-símum
er hægt að skipta sjálfur um rafhlöðu og
setja í hann auka minniskort eftir því sem
plássið tæmist. Það er ekki hægt með epla-
símanum.
Niðurstaðan
Allir snjallsímarnir á markaðnum bjóða upp
á 3G og Wi-Fi netsamband. Nokkrir bjóða
meira að segja upp á 4G, sem er þó ekki
enn komið til Íslands. Myndavél er til staðar
í þeim öllum og flestir bjóða upp á vídeó,
jafnvel í fullri HD-upplausn. Í það minnsta
einn sími sem kominn er á markað hér á
landi býður meira að segja upp á upptöku í
þrívídd.
Niðurstaðan er því þessi: Apple er aug-
ljóslega frumkvöðullinn og hefur útlitið og
einfaldleikann alltaf með sér. Steve Jobs
hafði rétt fyrir sér þegar hann sagði að iP-
hone væri fimm árum á undan öllum öðrum.
En eins og áður segir eru þau ár að líða hjá.
Eigirðu allt í Apple er iPhone-síminn einfalt
og gott val og biðin eftir fimmunni er farin
að taka á taugarnar. Ef Apple-heimurinn er
hins vegar ekki eins og himnaríki og Steve
Jobs ekki eins og Guð í þínum augum er
Android fyrsta val.
Droidið er svo sannarlega ekki gallalaust
en er það kerfi sem er í hvað örustum vexti.
Nýjasta uppfærslan býður líka upp á svo
margt sem ekki fyrirfinnst annars staðar,
eins og að geta vafrað um netið eins og í
venjulegri tölvu. En það er líka fjölbreytnin
í símtækjunum sem gerir Android-kerfið
svona áhugavert. Þótt dýru símarnir séu
vissulega þar sem kerfið skín skærast eru
ódýrari gerðirnar alltaf að verða betri og
betri. Valið er þar sem það á að vera, hjá
neytandanum.
Haraldur Jónasson
hari@frettatiminn.is
Valið er þar sem það á að
vera, hjá neytandanum.
Snjallsímar – baráttan um stýrikerfin
Allt flæðir í símum og flestir ef ekki
allir hafa stælt Apple. Símar keyrðir
áfram á Android seljast í bílförmum og
meira að segja fyrirtækin sem virtust
aldrei ætla að átta sig, Blackberry og
Nokia, reyna að ná sneið af kökunni.
Lófatölvur blönduðust símum
Snjallsími er samheiti yfir síma sem geta eitthvað umfram einfalt
talsamband. Fyrst var boðið upp á SMS, svo tölvuleiki, en hinn
eiginlegi snjallsími varð til þegar lófatölvurnar svokölluðu
blönduðust símunum. Tölvupóstur og netið komu í símana
ásamt myndavél og núna vídeó í HD-gæðum.
Á Íslandi má ekki gleyma Nokia. Langflestir snjallsímar
á Íslandi eru frá finnska risanum. Þótt Nokia hafi dregist
aðeins aftur úr með notendaviðmótið, notar stór hluti
Íslendinga ekki annað. Með forritabúðinni Ovi store og samningi
Nokia við Microsoft um stýrikerfi munu þeir finnsku styrkja stöðu sína á ný
og ekki skemmir fyrir að flottustu símarnir búa yfir frábærri myndavél.
hari@frettatiminn.is
Iphone var
langt í frá fyrsti snjall-
síminn en hann var sá sem breytti
markaðnum.
Langflestir snjallsím-
arnir á Íslandi eru frá
Nokia. Þessir gömlu
góðu eru nefnilega
margir ansi snjallir.
Eignastýringarsafn ÍV-I
Eignastýringarsafn ÍV-II
Eignastýringarsafn ÍV-I og Eignastýringarsafn ÍV-II eru verðbréfasjóðir skv.
lögum nr. 30/2003 um verðbréfasjóði og fjárfestingarsjóði. Rekstrarfélag
verðbréfasjóða ÍV hf. er rekstrarfélag sjóðanna. Útboðslýsingu og nánari
upplýsingar er hægt að nálgast á heimasíðu www.iv.is. Fjárfestar eru
hvattir til að kynna sér útboðslýsingu sjóðanna og þá sérstaklega umfjöllun
um áhættuþætti.
Strandgata 3 600 Akureyri I Sigtún 42 105 Reykjavík
Sími: 460 4700 I www.iv.is I iv@iv.is
Hafðu samband við
ráðgjafa okkar í
síma 460 4700 eða
kynntu þér málið
á www.iv.is
Hagkvæm eignastýring
Hátt vægi ríkistryggðra eigna
Staðgreiðsla á skatti einungis við innlausn
Tvær nýjar ávöxtunarleiðir
12 úttekt Helgin 16.-18. september 2011