Læknablaðið - 01.06.1969, Qupperneq 18

74
LÆKNABLAÐIÐ
LÆKNIR
f. 6. nóvember 1894 — d. 20. október 1967
DANIEL V. FJELDSTED
Daníel V. Fjeldsted var fæddur í Ferjukoti í Borgarfirði. For-
eldrar: Vernharður bóndi þar Daníelsson Fjeldsted og kona hans,
Vigdís Pétursdóttir.
Daníel varð stúdent í Reykjavík í júní 1915, cand. phil. í júní 1916
frá Háskóla íslands og cand. med. í júní 1921. Dvaldi hann síðan á
Haukeland sjúkrahúsi í Bergen sept.—des. 1921 á lyflæknisdeild og
handlæknisdeild sama sjúkrahúsi jan,—maí 1922; var á fæðingardeild
Rigshospitalets í júní 1922. Aðstoðarlæknir á Vífilstaðahæli í júlí
1921; staðgengill héraðslæknis í Húsavíkurhéraði okt.—des. 1922;
aðstoðarlæknir héraðslæknis í Grímsneshéraði í marz—apríl 1923:
settur 19. maí 1923 héraðslæknir í Patreksfjarðarhéraði frá 1. júlí
að telja til 1. júní 1924. Hann var starfandi læknir í Reykjavík frá
júlí 1924 til júní 1926 og staðgöngumaður Bjarna læknis Snæbjörns-
sonar í Hafnarfirði frá júní 1926 til jan. 1927. Eftir það var hann
aftur starfandi læknir í Reykjavík, en jafnframt að nokkru leyti
staðgöngumaður bæjarlæknis 1928 til 1929. Hann gegndi læknis-
störfum í Kjós, Kjalarnesi, Mosfellssveit og Reykjavíkurhéraði utan
kaupstaðarins frá 1927 og einnig í Þingvallasveit frá 1935, unz hann
var skipaður 1941 héraðslæknir í Álafosshéraði frá 1. okt. að telja,
en sat í Reykjavík. Hann var staðgöngumaður héraðslæknisins í Rang-
árhéraði 15. febr. til maí 1940; settur 22. júní 1959 staðgöngumaður
héraðslæknis í Kópavogshéraði í ágúst og sept. jafnframt því að þjóna
eigin héraði. Lausn frá embætti frá 1. jan. 1961, en settur aftur sem
staðgöngumaður héraðslæknisins í Álafosshéraði frá 1. jan. til marz
og ráðinn aðstoðarlæknir sama héraðslæknis 20. ágúst. til 20 sept.
1961. Hann var starfandi læknir í Reykjavík til æviloka og dó þar.
Daníel var fyrst kvæntur Fjólu Ingvarsdóttur frá Grásíðu í Keldu-
hverfi. Síðari kona hans var Margrét Bessadóttir frá Kýrholti í Við-
víkursveit. Kjördóttir: Kristjana Vigdís Hjaltadóttir, fædd 25. júlí
1933. Dóttir af síðara hjónabandi: Ragnheiður, fædd 21. nóv. 1955.