Læknablaðið - 01.04.1976, Page 22
64
LÆKNABLAÐIÐ
Suðurálma sjúkrahúss Vestmannaeyja, þar sem heilsugæzlustöðin er til húsa. Sjúkra-
húsið var vígt í nóvember 1974 þegar uppbyggingu eftir eldgosið lauk. Yfirlæknir
sjúkrahússins og heilsugæzlustöðvarinnar er Einar Valur Bjarnason.
Ég tel það nauðsynlegt íslenzka heil-
brigðiskerfinu að tengja betur læknisþjón-
ustu utan sjúkrahúsa og læknisþjónustu á
sjúkrahúsum. Það er gleðilegt tímanna
tákn, að nú virðist flestum orðin ljós
nauðsyn þess að brjóta niður þann múr,
sem skilið hefur að þessa tvo þætti heil-
brigðisþjónustunnar á íslandi.“
HVAÐ MÁ BETUR FARA í UNGBARNA-
OG SMÁBARNAEFTIRLITI?
Halldór Hansen yngri, læknir, ræddi um
ungbarna- og smábarnaeftirlit, og sagði,
að ýmsir þættir ungbarna- og smábarna-
eftirlits á Reykjavíkursvæðinu væru í við-
unandi horfi, jafngóðar og sennilega betri
en víða annars staðar í heiminum, þar sem
hann þekkti til. Halldór benti á nokkur
atriði, sem betur mættu fara:
„Ungbama- og smábarnaeftirlitið verð-
ur mjög vart við ýmsa vankanta á heil-
brigðisþjónustu fyrir börn í borginni eins
og t. d.:
a) hve margir ná ekki til læknis, þegar
barn veikist.
b) hve mörg börn, sem þurft hefði að sinna
betur, eru afgreidd með ,,simlyfseðli“
einum saman.
c) mistök, sem verða, vegna þess að „vakt-
læknir“ er ekki nógu vanur að fást við
börn.
d) „Chroniskt" veik börn, sem stöðugt eru
meðhöndluð til bráðabirgða af mismun-
andi vaktlæknum, vegna þess að ekki
næst til heimilislæknis á þeim tíma,
sem foreldrar eru heima (venjulega á
kvöldum, nóttum og helgidögum). Þessi
vandamál þyrfti að íhuga gaumgæfi-
lega.
Ef efla á ungbarna- og smábarnaeftirlit
á Reykjavíkursvæðinu er það ekki hægt,
nema aðstaða sé til að bæta fjárhagsgrund-
völl verulega, auka starfslið og samræma
húsnæðisaðstöðu þörfum starfsins.
Og þá mundi væntanlega einnig koma
til kasta enn frekari samvinnu barnalækna,
heimilislækna og heilsuverndarhjúkrunar-
kvenna en verið hefur. Tíminn leyfir hins
vegar ekki að ræða þessi atriði lið fyrir
lið, en hafa þyrfti eftirfarandi í huga:
a) Reynsla heimilislækna er yfirleitt
fólgin í því að fást við veik börn, en þeir
vita oft lítið um heilbrigð börn. Hins vegar
þurfa þeir nauðsynlega að hafa aðstæður
til að kynnast vel fjölskyldum, sem þeir
eiga að sinna og þá einnig yngstu með-
limunum.
b) Heilsuverndarhjúkrunarkonur eru í
essinu, þegar þær fást við heilbrigð börn
og vita meira um þau og þeirra þarfir en
almennir læknar. Þær eru og bezt til þess
fallnar að sjá um, að vandamálum og fyr-
irmælum sé fylgt eftir. Auk þess hafa þær
betur vit en aðrir á ýmsum atriðum í sam-
bandi við skipulagningu og stjórn.
c) Barnalæknar vita venjulega sínu viti
bæði um heilbrigð börn og sjúk. Sam-
kvæmt starfsreynslu sinni eru þeir bezt