Læknablaðið - 15.12.1986, Blaðsíða 18

332
LÆKNABLAÐIÐ
Tafla I sýnir atvinnugreinar og ISIC 1968 númer
(tveir stuðlar), eins og þau eru í alþjóðlegu
flokkuninni, en eins og áður er sagt er fiskvinnsla
tekin sérstaklega undir aukanúmerinu 30.
Þegar farið var yfir sjúkraskýrslur slasaðra á
Slysadeildinni voru hinir slösuðu flokkaðir eftir
því við hvaða atvinnugrein þeir höfðu unnið og
var þá höfð til hliðsjónar þýðing á frumgögnum
ISIC-1968. Sú flokkun er gerð á grundvelli
fjögurra stuðla í ISIC-1968. Að sjálfsögðu var
þetta í sumum tilvikum erfitt þar sem upplýsingar
í sjúkraskrám miða ekki sérstaklega að slíkri
flokkun. Vegna þessa var ekki hægt að flokka
alla einstaklingana eftir tveim fyrstu stuðlunum
en nokkra reyndist ómögulegt að færa undir
nokkurn flokk Qg gengn þeir af sem óflokkaðir.
Ætla má að þeir, sem ekki reyndist unnt að flokka
undir ákveðria atvinnugrein, hafi að jafnaði
komið til Slysadeildarinnar vegna minniháttar
slysa og þess vegna hafi skort upplýsingar til að
gera slíka flokkun. Atvinnugreinaflokkunin segir
ekki nákvæmlega til um hvaða störf hinir slösuðu
höfðu eða hvað þeir voru að gera þegar slysið
varð.
Slysin, sem athuguð voru og hægt var að að
Tafla I. Atvinnugreinar og ISIC 1968 númerþeirra
(tveir stuölar), fiskvinnsla er greind sérstaklega.
Atvinnugreinar ISIC
Landbúnaður................................. 11
Fiskveiðar.................................. 13
Fiskvinnsla................................... 30
Matvælaiðnaður ............................... 31
Vefjariðnaður ................................ 32
Trjávöruiðnaður............................... 33
Pappírsvöruiðnaður ........................... 34
Efnaiðnaður................................... 35
Steinefnaiðnaður.............................. 36
Ál- og járnblendi............................. 37
Málm- og skipasmiðar.......................... 38
Ýmis iðnaður.................................. 39
Veitur ........................................ 40
Byggingar...................................... 50
Heildverslun................................... 61
Smásöluverslun................................. 62
Veitingar og hótel............................. 63
Flutningar..................................... 71
Póstur og sími................................. 72
Bankar ........................................ 80
Opinber stjórnsýsla........................... 91
Götu- og sorphreinsun......................... 92
Opinberþjónusta .............................. 93
Menningarstarfsemi ........................... 94
Persónuleg þjónusta........................... 95
flokka eftir atvinnugrein voru alls 1902, 1.617
karl og 285 kona. Fjö'ldi þeirra í úrtakinu, sem
ekki var hægt að flokka eftir atvinnugrein var 274
karlar og 96 konur.
Fjöldi starfandi samkvœmt upplýsingum
Framkvæmdastofnunar ríkisisns. Samkvæmt
munnlegum upplýsingum frá Birni Ólafssyni
starfsmanni Framkvæmdastofnunar kemur fram
á launamiðum hversu margar vinnuvikur hver
launþegi hefur unnið á ári. í þeim fáu tilvikum
sem þessar upplýsingar vantar á launamiðana, er
vinnuvikufjöldi fundinn með því að deila
meðalvikulaunum upp í tekjur viðkomandi
einstaklings. Á þennan hátt er hægt að henda
reiður á vinnuvikum hvers einstaklings. Allir sem
voru starfandi meira en 13 vikur eru taldir með.
Skipti launþegi um starf innan atvinnugreinar eru
vikur hans lagðar saman eins og um eitt starf væri
að ræða. Skipti hann um atvinnugrein eru vikur
hans taldar í hverri atvinnugrein, en hann er
aðeins talinn starfandi í aðalatvinnugreininni, þar
sem hann hefur flestar vinnuvikur. Samtals
hlutastörf eru því jöfn fjölda starfandi.
Upplýsingar um fjölda starfandi á
höfuðborgarsvæðinu 1983 voru sérstaklega
tölvuunnar úr frumgögnum
Framkvæmdastofnunar fyrir þessa rannsókn.
Hlutfallslegur fjöldi slysa. Eftir þessum tölum,
sem nefndar eru hér á undan, og miðað við þann
fjölda af hvoru kyni af höfuðborgarsvæðinu, sem
komið hafði til Slysadeildarinnar vegna
vinnuslysa á árinu 1983, samtals 5.541
einstaklingar, 4.589 karlar og 952 konur, var
reiknaður út hlutfallslegur fjöldi þeirra, sem
komið höfðu til deildarinnar í hverri
atvinnugrein. Sem dæmi má taka að 13 karlar
höfðu slasast úr atvinnugreininni landbúnaður.
Til að reikna út þann fjölda, sem slasast hefur á
hverju ári úr landbúnaði er 13 margfaldað með
4.589 og deilt með 1.621 sem gefur 36.9. Á
þennan hátt hefur verið reiknaður út
hlutfallslegur fjöldi slasaðra, sem síðar verður
grundvöllur reikninga á fjölda slasaðra á hverja
10.000 starfandi.
Landfrœðileg mörk. Enda þótt slasað fólk leiti til
Slysadeildar Borgarspítalans úr öllum
landshlutum er augljóst að langmestur hluti þess
kemur frá hinu svonefnda höfuðborgarsvæði þ.e.
á búsetu í sveitarfélögunum Reykjavík,
Seltjarnarnesi, Kópavogi, Garðabæ, Hafnarfirði,
Bessastaðahreppi, Mosfellssveit, Kjalarneshreppi