Læknablaðið - 15.09.1993, Blaðsíða 11

LÆKNABLAÐIÐ
263
hægra greinrofs. Samanburðarhóp mynduðu
allir þátttakendur í hóprannsókn Hjartaverndar
fyrir utan þá sem voru greindir með hægra
greinrof.
Skilgreining á hægra greinrofi samkvæmt
Minnesota lykli (16) var eftirfarandi:
Fullkomið hægra greinrof (í fjarvist Wolff-
Parkinson-White heilkennis): QRS bilið sé
0,12 sekúndur eða meira í einni af eftirfarandi
leiðslum; I, II, III, aVL, aVF einnig að R' (R
prime) sé stærri en R, eða að mesta breidd R-
takka sé 0.06 sekúndur eða meiri í leiðslum
VI eða V2. Wolff-Parkinson-White heilkenni
var skilgreint samkvæmt Minnesota lykli (16).
Rannsóknarstöð Hjartaverndar
hefur jafnan staðist stöðlunarpróf
Alþjóðaheilbrigðisstofnunarinnar (WHO) á
hjartarafritsúrlestri samkvæmt Minnesota lykli
(16).
Eftirfarandi breytur voru sérstaklega kannaðar
og bornar saman hjá greinrofshópi og
samanburðarhópi:
1. Reykingar: Reykingamenn töldust þeir
sem reyktu þegar þeir komu í skoðun.
2. Notkun digitalis.
3. Notkun kínidíns.
4. Háþrýstingur: Slagþrýstingur mælist
160 mmHg eða hærri eða þanþrýstingur
mælist 95 mmHg eða hærri og/eða
þátttakendurnir notuðu háþrýstingslyf.
5. Þyngd: Þyngdarstuðull, þyngd/hæð2
(kg/m2).
6. Kransæðasjúkdómur: Þátttakandinn
hefur kransæðasjúkdóm. hjartadrep eða
hjartaöng.
7. Sykursýki/skert sykurþol: Glúkósi er
hæni en 130 mg/100 ml 1,5 klukkustund
eftir sykurinngjöf í sykurþolsprófi, eða
þátttakandi telur sig hafa sykursýki eða
notar sykursýkislyf.
8. Heilablóðfall.
9. Lokusjúkdómar.
10. Aðrir sjúkdómar
11. Heildarkólesteról í sermi.
12. Hematókrít.
13. Þríglýseríðar.
14. Hámarksöndunarhæfni (Forced vital
capacity).
15. Hjartastækkun: Hjarta er talið stækkað
ef það reiknast á röntgenmynd meira en
550 ml/m2 hjá körlum og 500 ml/m2 hjá
konum.
16. Hjartsláttartíðni.
17. Aðrar breytingar en hægra greinrof á
hjartarafriti.
Upplýsingar um sjúkdómsgreiningar úr fyrsta
áfanga hóprannsóknar Hjartaverndar voru
fengnar úr sjúkraskýrslum rannsóknarinnar
en aðrar upplýsingar fyrir áfanga I-V voru
fengnar úr gagnabanka Hjartaverndar.
Algengi fékkst með því að leggja saman
fjölda allra með hægra greinrof í öllum
áföngum karla og kvenna og deila í með
heildarfjölda þeirra sem komu til skoðunar
(sjá viðauka).
Nýgengi var reiknað út frá þeim
einstaklingum í hópum B og C sem höfðu
hægra greinrof í einhverjum áfanga en
höfðu mætt í næsta áfanga á undan og þá
ekki haft hægra greinrof. Deilt var í þá tölu
með heildarfjölda þeirra er mættu í báða
áfangana og árafjölda á milli áfanganna.
Nýgengið var reiknað á 100.000 íbúa/ár
(sjá viðauka). T-próf, kí-kvaðrat og Fisher’s
exact próf voru notuð við tölfræðireikninga.
P gildi minna eða jafnt og 0,05 var talið
tölfræðilega marktækt. Fisher’s exact próf var
notað ef gildin í fjórliðatöflunni voru <10
(17) . Fjölbreytuaðhvarf (stepwise multiple
regression) var gert þar sem háða breytan
var hægra greinrof en aðrar breytur voru
skýribreytur. Notað var BMDP-forritið 2R
(18) . Einnig var gerð aðhvarfsgreining með
hlutfallsáhættulíkani Cox (19). Notað var
BMDP-forritið 2L (18).
NIÐURSTÖÐUR
Af 197 hjartarafritum sem samkvæmt
skráningu úr hóprannsókn Hjartaverndar voru
með hægra greinrof reyndust fjögur ekki rétt
greind eftir endurskoðun. Eitt af þeim 193
hjartarafritum sem eftir voru sýndi QRS bilið
lengra en 0,12 sekúndur en var hvorki með
R’ né R meira en 0,06 sekúndur. Um var að
ræða leiðslutruflun í hægri grein leiðslukerfis
hjartans því að S-takki í VI, V2 og I var stór
og breiður. Ekki var hægt að llokka þetta
rit í aðra flokka leiðslutruflana og var ritið
því talið sýna hægra greinrof. Rangt greind
hjartarafrit voru 2,0%.
Wolff-Parkinson-White heilkenni fannst ekki
í hjartarafriti með hægra greinrof. Af 200