Kjarninn - 09.01.2014, Qupperneq 57

05/06 kjarninn tÓNLiSt
greiðslur til listamanna gera það líka. Spotify hefur hins
vegar ekki skilað hagnaði hingað til og óvíst er hversu marga
áskrifendur þarf til þess.
Eiður Arnarsson, forstöðumaður tónlistardeildar Senu,
segir Spotify ágætis viðbót við
markað inn en eiga langt í land ef
hún eigi að koma í staðinn fyrir
hefðbundna plötusölu: „Þetta er fín
viðbót við markaðinn en eins og
staðan er í dag er stafræni markaður-
inn víðs fjarri því að geta tekið við
af efnis markaðnum til að standa
undir kostnað inum við útgáfu á nýrri
tónlist.“ Þetta eigi sérstaklega við um
nýja útgáfu en fyrir katalóga eldri
listamanna sem séu búnir að borga
sig upp henti þetta mjög vel. Hann
segir áhrifin á tónlistar markaðinn
geta verið margþætt og bæði góð og
slæm. „Það jákvæða er að þetta virðist
ná til hluta kynslóðar sem hefur alist
upp við það að stela tónlist á netinu,
og fá hana til að borga fyrir tónlistar-
notkun. Það neikvæða er að stór-
notendur á tónlist sem áður hefðu
keypt mikið af plötum gætu nú hætt
því og í staðinn einungis greitt áskrift
að Spotify eða álíka tónlistarveitu.“
Eiður tekur dæmi af því að ein keypt
breiðskífa með tíu lögum skili um 1.500 krónum í heildsölu-
verði til rétthafa. Ef sami tónlistar neytandi ákveði hins vegar
að hlusta á plötuna á Spotify í staðinn þyrfti hann að hlusta
á hana um 200 sinnum til þess að það skilaði sömu upphæð
til rétthafa. „Það gefur augaleið að fólk hlustar ekki svo oft
á neitt nema örfáar uppáhalds plötur sínar og þess vegna er
sláandi munur á framlagi milli keyptrar plötu og spilana á
tónlistarveitu.“
snjallsími í stað iPod
Símar þjóna orðið margvís-
legum tilgangi, til dæmis tón-
listarflutningi. Spotify hefur
ekki orðið eftir í þeirri þróun
og bjóða til dæmis upp á öpp
fyrir helstu gerðir snjallsíma
og spjaldtölva.