Kjarninn - 06.03.2014, Qupperneq 32

05/05 fótbOLti
Ég spái því að Ísland komi á óvart og berjast um annað sætið
í riðlinum. Á pappírunum eru allir andstæðingar Íslands lítið
síðri, líka Kasakstan. En það býr mikið í íslenska liðinu og
það mun mæta til leiks í undankeppnina reynslunni ríkara
eftir ótrúlega frammistöðu í undankeppni HM, þar sem
Króatar reyndust of stór biti.
Engin innlánasöfnun að trufla
Við feðgar gerum okkur yfirleitt að leik að giska á hver verði
maður leiksins. Heimir Andri nefnir alltaf tvo menn, Gylfa
Sigurðsson og Eið Smára Guðjohnsen. Hann ber ævintýralega
virðingu fyrir þeim báðum og getur ekki til þess hugsað að
sá síðarnefndi sé nálægt því að ljúka ferli sínum með lands-
liðinu. Ég veðja yfirleitt á Kolbein Sigþórsson. Mér finnst
leikur Íslands oft standa og falla með því hvernig gengur að
koma honum í takt við leikinn þar sem varnarmenn þurfa að
hafa mikið fyrir því að glíma við hann.
Hvernig sem undankeppni EM fer er það huggun
harmi gegn að glórulaus innlánasöfnun íslenskra banka í
útlöndum, og hrun bankakerfisins, mun mjög ólíklega trufla
einbeitingu leikmanna í þetta skiptið.
Smelltu hér til að
sjá helstu atvik
úr leik Íslands og
Hollands 11.
október 2008