Kjarninn - 06.03.2014, Síða 72

02/02 áLit
Þetta vekur líka spurningar um eðlið og óeðlið sem þessir
einstaklingar virðast hafa á heilanum. Er ekki hreint og klárt
óeðli að dæma fólk í lífstíðarfangelsi fyrir það eitt að elska?
Má ekki líka telja það til óeðlis að dæma móður eða föður í
fangelsi fyrir að upplýsa ekki yfirvöld um ástartilfinningar
barnanna sinna? Við hvað eru þessir sendiboðar hatursins
svona hræddir?
Þegar lönd eins og Úganda fá að komast upp með það að
setja þvílík ólög á hinsegin fólk mun þessi hatursáróður ber-
ast víða. Fordæmið er sett og mun setja hrinu harmleikja af
stað. Ástandið mun versna. Nú þegar hefur forseti Simbabve,
Robert Mugabe, hótað að setja sambærileg
lög í sínu heimalandi. Það ætti ekki að koma
á óvart því Mugabe hefur ekki sparað stóru
orðin þegar kemur að hinsegin fólki. Hatrið
er yfirgengilegt. Óskiljanlegt.
Það er kominn tími til að standa upp
og láta systkini okkar í Úganda, Nígeríu
og Simbabve vita að þau eru ekki ein. Þau
eru ekki gleymd, heldur erum við að safna
kröftum og viljum koma að því að styðja
baráttu þeirra fyrir mannréttindum þeirra.
Við vitum hverju baráttan hefur skilað hér
heima. Við verðum líka að muna að hér er um líf einstaklinga
að ræða. Þetta er ekki bara einhver „hópur“ út í bæ. Þetta eru
raunverulegar manneskjur. Þau bera nöfn. Þetta gætu verið
börnin þín, foreldrar þínir, frændi, frænka eða vinur.
Við hvetjum alla til að mæta á Tónleika með tilgang
í Hörpu á fimmtudagskvöld. Mætið með fjölskylduna og
njótið þess að hlýða á Siggu Beinteins og Stjórnina, Sykur,
Pál Óskar, Retro Stefson, Bjarna Snæbjörnsson og Siggu
Eyrúnu. Saman skulum við senda þau skilaboð til Museveni,
Pútín, Mugabe og annarra stjórnarherra að hatursáróður
þeirra og mannréttindabrot séu óásættanleg. Stöndum með
vinum okkar í Úganda og réttindum þeirra til lífs. Að lokum
hvetjum við alla til að ganga í Amnesty International og
Samtökin 78. Stöndum með mannréttindum.
„Má ekki líka telja
það til óeðlis að
dæma móður eða
föður í fangelsi
fyrir að upplýsa
ekki yfirvöld um
ástartilfinningar
barnanna sinna?“