Kjarninn - 01.05.2014, Qupperneq 13

04/07 HEilbrigðiSmál
„Við erum ekki að fara eftir þessum klínísku leið-
beiningum í dag, og það er auðvitað grafalvarlegt mál,“
segir Hrund Þrándardóttir. „Yrði jafn léttt tekið á því ef ekki
væri farið eftir klínískumleiðbeiningum um meðhöndlun
krabbameina?“
Sálfræðingafélag Íslands hefur áhyggjur af því að margir
sem kljást við kvíða og þunglyndi taki frekar lyf, en að leita
sér sálfræðiaðstoðar í formi hugrænnar atferlismeðferðar.
„Það er ódýrara að kaupa sér lyf en að fara í nokkur skipti til
sálfræðings eins og staðan er í dag. Hendur heimilislækna
eru bundnar þar sem þeir hafa í raun ekki í önnur úrræði að
vísa en lyfjameðferð. Ef þessir hlutir eru ekki meðhöndlaðir
rétt og vel í byrjun, eru líkur á að vandinn aukist enn frekar,“
segir Hrund.
Sálfræðiþjónusta verði hluti af „kerfinu“
Eins og áður segir hafa fulltrúar frá Sálfræðingafélagi
Íslands átt fjölmarga fundi með heilbrigðismálayfirvöldum
á undanförnum misserum í þeirri viðleitni að brugðist verði
við. Krafa þeirra er að stöðum sálfræðinga hjá heilsugæslum
landsins verði fjölgað, og sálfræðiþjónusta verði hluti af
almannatryggingakerfinu. „Við viljum bara að það sé gott
aðgengi að sálfræðiþjónustu og sálfræðimeðferð á stofunum
verið niðurgreidd af hinu opinbera. Á síðasta fundi okkar
með heilbrigðisráðherra óskuðum við eftir því að stofnaður
yrði starfshópur með aðild okkar, þar sem leitað yrði leiða til
að koma þessum hlutum í skikkanlegt horf. Við finnum fyrir
miklum skilningi hjá stjórnvöldum, en því miður hefur enn
lítið gerst,“ segir formaður Sálfræðingafélagsins.
„Þetta er auðvitað margþættur vandi og við teljum að það
ætti að vera í boði lagskipt þjónusta. Heilsugæslurnar ættu
í fyrsta lagi að geta boðið fólki með geðrænan vanda upp
á hópmeðferð, sem gagnast mörgum, einhverjir þyrftu svo
einkaviðtöl og aðrir eitthvað meira. Auðvitað fylgir þessu
kostnaður, en rannsóknir víða erlendis hafa sýnt að það er
fjárhagslega hagkvæmt fyrir samfélagið að bjóða upp á svona
þjónustu. Kostnaðurinn við að ráðast í breytingar á kerfinu