Kjarninn - 01.05.2014, Blaðsíða 51

01/01 Sjö Spurningar
Hvað á að gera um helgina?
Með hækkandi hita á landinu
fjölgar leikjunum sem hægt er
að fara í með börnunum, þannig
að ég geri ráð fyrir rólegri helgi í
Breiðholtinu þar sem tíminn verður
notaður í leiki með þeim.
Hvaða hljómplata er í uppáhaldi
þessa dagana?
Hef hlustað á nýju Elbow- og Beck-
plöturnar og þær eru prýðilegar.
Svo er ég mjög skotinn í nýja
bandinu hans Chino Moreno úr
Deftones sem heitir Crosses. Mæli
með nýrri samnefndri plötu með
því. Annars dett ég oftast í David
Sylvian-plötuna Gone to Earth,
en ég er smám saman að átta mig
á því að það er bara besta plata í
heimi.
Hvernig leggst sumarið í þig?
Sumarið leggst gífurlega vel í mig.
Nú þegar eru komnir fleiri góðir
dagar en í fyrra, en það er ekkert
sérstakt planað hjá mér í sumar.
Hvaða lið verður enskur
meistari í fótbolta?
Ég ræði ekki enskan fótbolta.
Næsta spurning!
Hverjir verða heimsmeistarar í
fótbolta?
Af gömlum vana segir maður
Brasilíumenn þrátt fyrir að hafa
séð lítið til þeirra en þeir eru
bara alltaf bestir og verða auk
þess núna á heimavelli. Svo eru
Þjóðverjar með frábært lið og spila
meira að segja fínan fótbolta, sem
þeir voru á móti hér áður fyrr. En
að sjálfsögðu segi ég Ítalía. Ég
hef haldið með Ítölum síðan 1978
og það var gaman að sjá þá vinna
1982. Það hefur verið erfitt að
halda með Ítalíu öll þessi ár, enda
spilar liðið hundleiðinlegan bolta,
en þú skiptir ekki um lið. Auk þess
er Ítalía eina liðið sem bauð upp á
Baggio.
Hvaða lið verða Íslands-
meistarar í fótbolta?
Ég held að kvennalið Stjörnunnar
sé besta liðið og muni vinna
kvennadeildina. Ég ætlast svo að
gerast svo kræfur að spá Blikum
titlinum í ár karlamegin (eins og
ég hef gert síðustu tvö ár), þar sem
ungviðið springur út með látum í
sumar.
Hvernig myndir þú eyða 100
milljóna króna lottóvinningi?
Ég myndi detta hressilega í það,
svo man ég ekki meir...
Sjö Spurningar
Þórður Helgi Þórðarson
dagskrárgerðarmaður
01/01 sjö sPURNINGAR kjarninn 1. maí 2014