Kjarninn - 01.05.2014, Síða 40

07/07 dómSmál
lykilstjórnendur voru í báðum félögum, sátu stjórnarfundi
í þeim og undirrituðu samningana sem veittu umræddan
afslátt. Héraðsdómur var sammála skiptastjóranum og
dæmdi Rauðsól, sem þá hafði verið sameinuð dótturfélaginu
365 miðlum undir nafni þess síðarnefnda, til að greiða
þrotabúinu 160 milljónir króna til baka. 365 miðlar þurftu því
að greiða þrotabúi 365 vegna kaupa á bréfum í 365 miðlum!
... Þegar skiptum í þrotabúi íslenskrar afþreyingar ehf. lauk
í júní 2012 þá höfðu fengist 467 milljónir króna upp í tæplega
4,2 milljarða króna kröfur. Gatið, sú upphæð sem kröfuhafar
sátu uppi með, var því aðeins hærra en Ari Edwald hafði
tilkynnt um á stjórnarfundinum fræga í byrjun nóvember
2008, eða samtals um 3,7 milljarðar króna.“