Kjarninn - 15.05.2014, Blaðsíða 16

09/13 menntamál
ekki í pólitík
Guðrún Johnsen, lektor í fjármálum við Háskóla Íslands,
hefur vakið athygli fyrir nýja bók sína „Bringing Down the
Banking System: Lessons from Iceland“, þar sem farið er
ítarlega yfir orsakir hrunsins. Hún hefur verið óhrædd að
rifja upp í fjölmiðlum hvað fór úrskeiðis í hruninu en segist
velja vel hvaða mál hún tjái sig um. „Þegar eftir því var leitað
fannst mér t.d. það vera borgaraleg skylda mín að benda
á það, áður en Landsdómsmálið fór í atkvæðagreiðslu, að
það var raunverulega hægt að forða tapi með aðgerðum en
ráðamenn þjóðarinnar gerðu ekki neitt þegar áhlaup var gert
á Landsbankann í lok mars 2008,“ segir Guðrún og rifjar upp
að ummæli hennar í viðtali þessa efnis hafi valdið nokkru
fjaðrafoki á sínum tíma.
Þóra Ellen segist hafa verið
beðin um að tjá sig um ýmislegt
sem snúi að umhverfismálum. „En
ég hef dregið línuna við ákveðinn
hluta náttúruverndarmála og ég vil
meina, þó með einni undantekningu
kannski, að ég hafi eingöngu tjáð
mig sem fræðimaður innan míns
fræðasviðs,“ segir Þóra. Hún bætir
við að háskólafólki sé þannig á vissan hátt afmarkaður einn
bás, sem sé ekki endilega sanngjarnt því hver manneskja
hafi fleiri en eina rödd og eina skoðun. „En raunveruleikinn
er einhvern veginn sá að á þessum vettvangi hættir maður
trúverðugleika sínum sem fræðimaðuref maður fer að tjá sig
um mjög óskyld mál. Þá er búið að stimpla að maður sé í póli-
tík, sem ég hef stundum verið sökuð um og tel að sé ákaflega
ósanngjörn ásökun. Ég hef aldrei verið í pólitík,“ segir Þóra
Ellen. Í sama streng tekur nafna hennar, Þóra Hallgríms-
dóttir, sem segir: „Ég held ekki með neinum stjórnmálaflokki
og ef ég hef eitthvað að segja vil ég frekar að það birtist á
miðli sem er ekki skilgreindur sem pólitískur.“
„Ég held ekki með neinum
stjórnmálaflokki og ef ég
hef eitthvað að segja vil
ég frekar að það birtist
á miðli sem er ekki skil-
greindur sem pólitískur.“