Framleiðsluuppgjör þjóðhagsreikninga 1973-1978 - 01.10.1982, Qupperneq 15

13
svo einstakir geirar fengið tekjur frá útlöndum sbr. Wa og
Oa í töflunni að framan svo og frá öðrum geirum eins og áður
segir. Niðurstaðan af tekjum og útgjöldum hvers geira
verður svo sá sparnaður, sem hver geiri hefur til
ráðstöfunar. í beinu framhaidi af tekjuskiptingar-
uppgjörinu er síðan fjármagnsstreymi, sem sýnir hvað verður
um sparnaðinn í hverjum geira og þá jafnframt í
þjóðarbúskapnum í heild. Fjármagnsstreymið lítur þannig út:
Fjármagnsstreymi
Birgða- og bústofnsbreyting B ! ! Sparnaður S
F já rmunamyndun I ! Afskriftir D
Lánveitingar, nettó L ! ! ! Fjármagnstil- færslur. nettó, frá útlöndum CaTr
Framleiðslufjármuna- ! F jármögnun
myndun ! ! framleiðslufjár- munamyndunar
Á jöfnuformi:
B+I+L=S+D+ CaTr.
I framhaldi af fjármagnsstreymi einstakra geira taka síðan
við efnahagsyfirlit en þeim verður ekki lýst hér.
1.7. íslensk þjóðhaqsreikninqagerð
Upphaf íslenskrar þjóðhagsreikningagerðar má rekja til
ársins 1953. Þá var Framkvæmdabanka íslands með lögum frá
24. des. 1953, falið að "semja áætlun um þjóðartekjurnar,
myndun þeirra, skiptingu og notkun". Fyrstu áætlanir
bankans voru birtar í riti hans "Ur þjóðarbúskapnum" í júní
1955. Þar er að finna áælun um verðmæti þjóðarfram-
leiðslunnar árin 1950-1953 bæði á verðlagi hvers árs og eins
reiknað til verðlags ársins 1953. Oafnhliða þessum
frumáætlunum hófst vinna við ýmsar sérrannsóknir, sem
ætlunin var að fella síðan saman í eina heild, sem næði allt
frá árinu 1945. Sérathuganir þessar voru um verðmæti
skipastólsins, vélvæðingu iðnaðar og iðju, byggingar-
framkvæmdir, verðlagsþróunina, heildarfjármunamyndun, búskap
ríkis og sveitarféiaga, þróun erlendra skulda, þjóðarauðinn
og afskriftir hans og um neyslu einstaklinga á vöru og
þjónustu. í 12. hefti rits Framkvæmdabankans "Úr þjóðar-
búskapnum", sem út kom í júní 1962, birtist síðan yfirlits-
grein eftir þá Torfa Ásgeirsson og Bjarna Braga Oónsson,
Þjóðarframleiðsla, verðmætaráðstöfun og þjóðartekjur,
1945-1960. Sjálfstæðar einkaneyslurannsóknir náðu þó
einungis til síðustu fjögurra áranna 1957-1960. Tveimur
árum áður hafði þó birst í sama tímariti grein Árna
Vilhjálmssonar: "Þjóðhagsreikningatölur og aðrar tölur um
hagþróun áranna 1948-1958. Þar var að finna áætlun um
ráðstöfunarfé þjóðarinnar á grundvelii séráætlana um
einkaneyslu, samneyslu, fjármunamyndun og birgðabreytingar.