Framleiðsluuppgjör þjóðhagsreikninga 1973-1978 - 01.10.1982, Blaðsíða 27

25
4.2.2 Fiskveiðar (atv.gr. 13)
Auk reksturs báta og togara telst til fiskveiða
fiskirækt, veiði í ám og vötnum í atvinnuskyni, gæsla
veiðiréttar, hvalveiðar og selveiðar. Heimildir um rekstur
báta og togara er að finna í atvinnuvegaskýrslum
Þjóðhagsstofnunar, en heimildir fyrir síðustu ár eru þó enn
óbirtar. Rekstur hvalveiðiskipa er byggður á heimildum úr
ársreikningum Hvals h.f. Heimildir um aðrar greinar
fiskveiða, þ.e. fiskirækt og selveiði eru ekki reistar á
traustum grunni, enda ekki um stórar greinar að ræða. Að
mestu er stuðst við vinnuaflsskýrslur og ársreikninga fyrir
eina laxeldisstöð, Laxeldisstöð ríkisins í Kollafirði.
4.2.3 Fiskiðnaður (atv.gr. 30)
Til þessarar greinar teljast frysting, söltun og
hersla, síldarsöltun, hvalvinnsla, lifrarbræðsla og
fiskmjölsvinnsla. Allar þessar greinar er að finna í
atvinnuvegaskýrslum Þjóðhagsstofnunar . Til viðbótar eru hér
einnig taldir jöfnunar- og miðlunarsjóðir sjávarútvegs, en
þeir eru Verðjöfnunarsjóður fiskiðnaðarins, Trygginga-
sjóður fiskiskipa, Aflatryggingasjóður og Olíusjóður
fiskiskipa 1974-1975. Sérstakur framleiðslureikningur er
búinn til fyrir þessa sjóði. Framleiðsluvirði þessa
reiknings samanstendur af greiðslum í Verðjöfnunarsjóð og
tekjum Tryggingasjóðs og Aflatryggingasjóðs af
útflutningsgjaldi. Aðföng þessa reiknings eru að stærstum
hluta iðgjaldsstyrkur Tryggingasjóðs og aflabætur
Af1atryggingasjóðs. Af einstökum vinnsluvirðisþáttum er
rétt að nefna, að til launa eru taldar greiðslur
áhafnadeildar Aflatryggingasjóðs á fæðispeningum til
sjómanna .
4.2.4 Slátrun oq kjötiðnaður (hluti af atv.gr. 31)
Til atvinnugreinar 31, annars matvælaiðnaðar, telst
matvælaiðnaður, annar en fiskiðnaður, þ.e. slátrun og
kjötiðnaður, mjólkuriðnaður, niðursuða, brauð og kökugerð,
kexgerð, sælgætisgerð, öl- og gosdrykkjagerð og annar
matvælaiðnaður. Heimildir um þessar atvinnugreinar er að
finna í atvinnuvegaskýrslum Þjóðhagsstofnunar um iðnað með
þeirri undantekningu þó, að slátrun og kjötiðnað er þar ekki
að finna. Framleiðslureikningur fyrir þá grein hefur því
verið áætlaður sérstaklega. Annars vegar hefur þá verið
byggt á rekstrarreikningum nokkurra stórra kjötvinnslu-
fyrirtækja og áætlunum um markaðshlutdeild þessara
fyrirtækja. Hins vegar hefur rekstur slátrunar verið
áætlaður á grundvelli athugana Framleiðsluráðs landbúnaðar-
ins um vinnslu- og dreifingarkostnað við sauðfjárslátrun.
Þær athuganir sýna vinnslu- og dreifingarkostnað á hvert kg
kjöts en Þjóðhagsstofnun hefur fært kostnaðartölurnar upp
til heildar á grundvelli áætlana um heildarslátrun alls
búfjár.