Dagblaðið Vísir - DV - 17.08.2007, Blaðsíða 47

Meistarinn
Elsa Yeoman Matgæðingurinn
DV Helgarblað föstudagur 17. ágúst 2007 47
„Ég fékk Ameríkana í mat og lang-
aði til að bjóða honum upp á hrefnu-
kjöt. Ég fékk þá hugmynd að þessu
og kokkaði þetta bara upp. Og þetta
var ofsa gott,“ segir Elsa Yeoman,
húsmóðir í Vesturbænum og mat-
gæðingur vikunnar, sem býður upp
á hvalkjötsforrétt og humarsúpu.
Að sögn Elsu getur hvalkjötsréttur-
inn líka alveg virkað sem aðalréttur.
Hún hefur aðeins eldað hann í þetta
eina skipti fyrir gestinn að vestan en
hyggst gera það margoft í framtíðinni
þar sem vel tókst til.
Humarsúpuna kokkaði Elsa
líka bara upp úr sjálfri sér fyrir tólf
manna matarboð sem hún var með
nýverið. „Súpan var æði, var algjört
hit,“ segir Elsa sem neitar því að vera
einhvers konar áhættufíkill, þótt hún
taki upp á því að prófa nýjan rétt fyr-
ir tólf manna matarboð. „Mér finnst
bara svo gaman að prófa og bulla
bara eitthvað úr alls konar hráefni.
Ég held að fólk þurfi einmitt að prófa
að púsla alls kyns hráefni saman og
opna á sköpunargáfuna. Ef það verð-
ur vont fær fólk sér bara pylsu á leið-
inni heim.“
Hrefnu-Gull
fyrir 4
1 pakki blandaðir sveppir (fæst í
Hagkaupum)
8 sneiðar beikon
1 ½ teskeið svartur pipar
400 g hrefnukjöt frá KáEss
1 gullostur
Blóðberg eftir smekk (má sleppa)
saltað eftir smekk
steikt á pönnu: beikon, sveppir og
pipar.
steikt á sérpönnu: fínt skorið hrefnu-
kjöt, steikt um það bil 1 ½ mínútu á
hvorri hlið.
gullostur skorinn í 4 sneiðar þvert á
hringinn og hrefnukjötið lagt ofan á
sneiðarnar og sveppablöndunni
hellt ofan á. Kryddað með
blóðbergi og salti eftir smekk og
stemningu.
Humarsúpa
fyrir 4
500 g humar (tekinn úr skeljum)
1 l vatn
2 grænmetisteningar
1/2 blaðlaukur
1 laukur
3 hvítlauksrif
1 teskeið svartur pipar
2 matskeiðar hunang
2 matskeiðar tómatþykkni
250 g smjör
2 bollar hvítvín
ferskt óreganó
ferskur parmesanostur
Soðið í potti: humarskeljarnar,
vatnið, grænmetisteningar, blaðlauk-
ur, laukurinn, hvítlaukurinn, pipar-
inn, hunangið og þykknið í um það
bil 1 klst. Jukk og skeljar sigtað frá og
vökvi færður í stærri pott. Bætið þá út
í smjörinu. Humarinn settur út í og
látin malla í um það bil 3 mínútur. Að
lokum er hvítvíninu hellt út í. Borið
fram með fersku óreganó og rifnum
parmesanosti.
Yndislegt er að drekka kalt þýskt
eða austurrískt hvítvín með þessum
rétti.
Elsa skorar á vinkonu sína,
Hörpu Hilmarsdóttur, að vera
matgæðingur næstu viku.
Shiraz-þrúgan
í Ástralíu
Nafnið á shiraz-þrúgunni er dregið af borginni shiraz í Íran en á þeim slóðum er talið að vínrækt hafi hafist fyrir um 7000 árum. sagan
segir að krossfarinn guy de´sterimberg
hafi komið með þrúguna til frakk-
lands. Hann varð einsetumaður í
rónardalnum og vínbúgarður
hans nefndur Hermitage. Þrúgan
er kölluð syrah í frakklandi og yfir-
leitt í Bandaríkjunum en í ástralíu,
Kanada og suður-afríku nefnist
hún shiraz. Petite sirah er hins
vegar blendingur og því
ekki sama þrúgan. Lengst
af var hún reyndar kölluð
hermitage í ástralíu.
Það var James Busby sem
kom með shiraz-þrúg-
una til ástralíu 1832.
shiraz er algengasta
þrúgan í ástralíu en svo
hefur ekki alltaf verið. á
áttunda áratugnum
voru ýmsar hvítvíns-
þrúgur svo vinsælar að
shiraz-þrúgan var víða
rifin upp með rótum.
Þetta breyttist á níunda
og tíunda áratugnum, meðal annars
vegna velgengni vína eins og Lindem-
ans og Jacob´s Creek í Bretlandi og ros-
emount í Bandaríkjunum. skattastefna
stjórnvalda undir lok síðustu aldar ýtti
einnig undir ræktun á shiraz og fleiri
þrúgum. Þrúgan er aðallega rækt-
uð í suður-ástralíu, í Barossa-daln-
um, McLaren Vale og Clare-daln-
um.
áströlsk shiraz-vín eru yfirleitt afar
bragðmikil og alkóhólrík.
Þau eru með mikið og
gott tannín og afar vel
fallin til geymslu. Mörg
þeirra er gott að
geyma í 10 til 15 ár.
dökk ber, fjólur, súkku-
laði, espressokaffi,
svartur pipar, villtar
kryddjurtir, mold, leð-
ur og trufflur er oft
notað til að lýsa þess-
um vínum. áströlsk vín
hafa farið sigurför um
heiminn og eru vinsæl á
Íslandi. Það kemur því
mörgum á óvart að fram-
leiðsla ástralíu er 1/12 hluti
framleiðslunnar á Ítalíu og
aðeins 2% af heimsframleiðsl-
unni.Pálmi jónasson
vínsérfræðingur DV
TEMPUS TWO VINE VALE SHIRAZ 2005
tempus two er skemmtilegt fyrirtæki í örum vexti. upphafsár-
ið 1997 framleiddu þeir 6.000 kassa af víni en nú eru þeir yfir
100.000. Víntegundirnar eru 19 og flöskurnar sérinnfluttar,
sérkennilegar í laginu og með miða úr málmi. Venjulega eru
slíkar æfingar til að skapa útlit utan um ómerkilegt innihald
en ekki hér. Þetta er afar áfengt (15%) og ágengt vín. sterkur
ilmur af plómum, sveskjum, brómberjum, pipar og eikarvan-
illu. Þessi mikla og áfenga lykt minnir á bláan Ópal, Victory V
og hóstasaft. Í munni enn meiri pipar, plómur og brómber
með karmellukeim af tólf mánuðum í eikartunnum. Mjög
kraft- og bragðmikið vín. áberandi tannín
sem myndi mildast á nokkrum árum í
kjallara. Kröfuhart vín sem reyndist vel með
villibráð og sterkum ostum. 1.830 krónur.
D´ARENBERG FOOTBOLT SHIRAZ 2003
Það eru ekki mörg fjölskyldufyrirtæki eftir í ástralskri víngerð, en
þetta er sannarlega eitt þeirra. Bindindismaðurinn Joseph
Osborn keypti fyrirækið 1912 en hann var framkvæmdastjóri
vínfyrirtækisins thomas Hardy & sons. sonur hans tók við
rekstrinum 1943 og sonarsonurinn, francis d´arenberg, hætti í
skóla 16 ára til að hjálpa sjúkum föður sínum. Hann tók við
rekstrinum 1957 og innleiddi rauða strikið sem hefur einkennt
flöskurnar æ síðan. sonur hans, Chester d´arenberg Osborn, varð
aðalvíngerðarmaður 1984 og þeir feðgar stýra enn rekstrinum.
Vínið heitir footbolt eftir veðhlaupahestinum sem gerði
stofnandanum kleift að kaupa víngerðina. angan af dökku
súkkulaði, dökkum berjum, rúsínum, kryddi og kirsuberjum.
Bragð af dökkum berjum, pipar, leðri, tóbaki, mold, rúsínum,
kaffi og villtum kryddjurtum.
Lokað í upphafi en tók hressilega við sér við öndun.
Batnar örugglega enn frekar við geymslu. 1.650 krónur.
WYNDHAM ESTATE BIN 555 SHIRAZ 2004
fyrirtækið hefur framleitt vín í meira en 175 ár. Það var
breskur innflytjandi, george Wyndham, sem hóf vínrækt á
bökkum árinnar Hunter árið 1830. sjö árum síðar kom
fyrsta vínið á markað, undir merkjum dalwood Wines.
Nafninu var breytt í Wyndham Estate árið 1970, hundrað
árum eftir lát stofnandans, george Wyndham. Bin 555 er
með áberandi lykt af lakkrísjurt og plómum en einnig má
greina bláan Ópal, kerfil, sveskjur og möndlur. Meiri plómur
og lakkrís í munni, sveskjusteinn, hindber, möndlur og
súkkulaði. Milt tannín og lítil eik miðað við 15 mánuði á
tunnu. Þykkt og bragðmikið. gott vín en nær ekki alveg
fjórða glasinu. 1.550 krónur.
Einkunn í vínglösum:
IIIII Stórkostlegt
IIII Mjög gott
III Gott
II Sæmilegt
I Slakt
á heimleiðinni
Pylsa
ef illa fer