Fréttatíminn - 06.06.2014, Page 25

M ér finnst þetta algerlega geðveikt. Það gerist ekki flottara en að fara á HM.
Ég er mjög stoltur,“ segir Jóhann
Gíslason, faðir Arons Jóhannssonar.
Jóhann og Helga Guðmunds-
dóttir, móðir hans, fylgjast grannt
með gengi sonarins. Þau munu sjá
tvo leiki Arons á HM ásamt bróður
hans og Magnúsi Agnari Magnús-
syni, umboðsmanni Arons.
„Við ætlum að sjá leikina við
Portúgal og Þýskaland. Þetta verða
tveir gríðarlega erfiðir leikir og það
verður spennandi að sjá hvort Aron
eigi eitthvað í pokahorninu. Það
þarf allt að ganga upp til að þetta
unga lið Ameríkananna eigi mögu-
leika. Fyrsti leikurinn, við Gana,
verður reyndar líka erfiður.
Og þarna fylgist þið með öllum
stórstjörnunum; Ronaldo, Özil og
Jóhannssyni?
„Jájá, ég ætla að bera þá alla sam-
an,“ segir Jóhann og hlær. „Nei, maður
vonar bara að strákurinn fái einhverjar
mínútur og standi sig vel. Og ef amer-
íska landsliðið nær góðum úrslitum þá
verð ég góður.“
Bjóstu við því að hann gæti náð
svona langt?
„Já, ég hef sagt það frá því hann var
níu eða tíu ára að hann ætti eftir að
spila á þessu „leveli“. Hann hló alltaf
bara að mér en hafði alltaf sín markmið
og hélt þeim fyrir sig. Ég sagði honum
að ef hann nennti að leggja mikið á
sig þá gæti hann náð þessu. Það þarf
nefnilega að fórna ansi mörgu. Það
gleymist oft hvað íþróttamenn þurfa
að fórna mörgu til að ná langt.“
Þetta hefur verið ótrúlegur upp-
gangur hjá Aroni síðustu fjögur
ár. Hann fer frá Fjölni út í atvinnu-
mennsku og er nú að fara að spila á
HM...
„Já, þetta er nefnilega nokkuð
sem allir íþróttamenn ættu að horfa
á. Ef maður leggur hart að sér og
hefur trú á sjálfum sér getur maður
náð ansi langt, alveg sama í hvaða
íþrótt það er. Aron hefur rétta hug-
arfarið og hann fer aldrei léttustu
leiðina í neinu. Hann fer alltaf sína
leið. Eins og þegar hann valdi að
spila fyrir Bandaríkin. Hann pælir
ekki í því hvað öðrum finnst. Ég er
ánægður með hann og ég var glað-
ur þegar hann tók þessa ákvörðun.
Þetta var samt hans val, alfarið.“
Hvað segir Aron?
Það er mjög góður andi í liðinu. Það er
meiri léttleiki yfir liðinu nú þegar það
er búið að velja 23 manna hópinn,“
segir Aron Jóhannsson.
Aron gat því miður ekki veitt Fréttatím-
anum viðtal vegna anna við undirbún-
ing fyrir HM en hann féllst á að svara
nokkrum spurningum í tölvupósti.
Aron hefur ekki verið í byrjunarliðinu
í síðustu tveimur leikjum bandaríska
liðsins og hann veit ekki hvort hann
eigi víst sæti á HM. „Það eru þrír aðrir
góðir framherjar þarna þannig að
baráttan verður hörð. En ég mun gera
allt sem ég get til að byrja inn á.“
Þið eruð í erfiðum riðli með Gana,
Portúgal og Þýskalandi. Telurðu að þið
eigið möguleika að komast áfram?
„Já auðvitað. Ef við trúum ekki á
verkefnið þá eigum við aldrei séns.
Við erum klárir á því að við komumst
áfram í riðlinum og það er markmiðið.“
Hvaða þjóð heldurðu að vinni HM?
„Eru ekki Brassarnir sigurstrang-
legastir á heimavelli?“
Ákvörðun þín að spila fyrir Bandaríkin
vakti mikið umtal. Þó sumir hafi verið
ósáttir virðist sem flestir séu orðnir
spenntir að fylgjast með þér á HM.
Heldurðu að Íslendingar séu ekki búnir
að taka þig í sátt?
„Jú, ég held það.“
Aron Jóhannsson á heimavelli með kærust-
unni, Bryndísi Stefánsdóttur, og hundinum
Míu. Ljósmynd/Hulda Sif Ásmundsdóttir
Trúði alltaf að hann gæti náð langt
Alls eru sjö leikmenn í 23 manna hópi
Bandaríkjanna með tvöfalt ríkisfang.
Rétt eins og Aron völdu þeir að spila fyrir
Bandaríkin. Fimm þeirra eru aldir upp
í Þýskalandi og eru synir bandarískra
hermanna. Þeir eru John Anthony Brooks,
Timothy Chandler, Fabian Johnson,
Jermaine Jones og Julian Wesley Green. Þá
er Mix Diskerud hálfur Norðmaður.
Fjölþjóðlegur her
HÆSTA EINKUNN Ap
ríl
2
01
3
Í könnun Neytendablaðsins, 1. tbl. 60. árg. mars 2014, fékk Siemens
uppþvottavélin SN 45M231SK bestu einkunn.
Sænska neytendablaðið Råd & Rön gerði úttekt á uppþvottavélum frá
ýmsum framleiðendum og kom Siemens uppþvottavélin SN 45M231SK
best út. Þetta er fjórða árið í röð sem Siemens uppþvottavél hlýtur
fyrsta sætið*. Vélin fær toppeinkunn fyrir þurrkhæfni, þökk sé
einstakri nýjung: zeolite-þurrkun, sem skilar sérlega þurru og glitrandi
hreinu leirtaui. Frekari upplýsingar um þessa uppþvottavél er að finna
á heimasíðu okkar, www.sminor.is.
*SN 45M203SK, Råd & Rön, 8. tbl. 2010; SN 45M206SK, Testfakta, 16.9. 2011 (www.testfakta.se);
SN 45M205SK, Råd & Rön, 4. tbl. 2012; SN 45M231SK, Råd & Rön, 3. tbl. 2013.
www.sminor.is
Sigurgangan heldur áfram!
úttekt 25 Helgin 6.-8. júní 2014