Fréttatíminn - 23.05.2014, Blaðsíða 14
Sætúni 8, 105 Reykjavík. Sími: 531 3300. ritstjórn@frettatiminn.is Ritstjórar: Jónas Haraldsson jonas@frettatiminn.is og Sigríður Dögg
Auðuns dóttir sigridur@frettatiminn.is. Fréttastjóri: Höskuldur Daði Magnússon hdm@frettatiminn.is. Framkvæmda- og auglýsingastjóri: Valdimar Birgisson valdimar@
frettatiminn.is. Útgáfustjóri: Teitur Jónasson teitur@frettatiminn.is . Fréttatíminn er gefinn út af Morgundegi ehf. og er prentaður í 82.000 eintökum í Landsprenti.
H
Húsakostur Landspítala er óviðunandi.
Leggja þarf áherslu á viðhald og endur-
bætur á núverandi húsa- og tækjakosti
stofnunarinnar þar til varanleg lausn
fæst. Svo sagði meðal annars í stefnu-
yfirlýsingu núverandi ríkisstjórnar. Þar
sagði jafnframt, í kafla um velferðar-
mál, að íslenskt heilbrigðiskerfi verði að
vera samkeppnisfært við nágrannalönd
um tækjakost, aðbúnað sjúklinga og að-
stæður starfsmanna.
Fullyrða má að í samfé-
laginu sé sátt um það að
bæta þurfi aðstöðu sjúklinga
og starfsfólks á Landspítal-
anum – hvort heldur menn
kalla þær aðgerðir nýjan
spítala eða nýbyggingar að
hluta eða endurnýjun eldra
húsnæðis – auk nauðsynlegra
tækjakaupa, að sjálfsögðu.
Bættur aðbúnaður eykur
öryggi sjúklinga og rekstur
verður hagkvæmari. Starf-
semi spítalans er nú á 17 stöðum víða á
höfuðborgarsvæðinu, í um 100 húsum.
Samstaða er einnig um málið á Alþingi.
Hún kom fram við þinglok er samþykkt
var þingsályktunartillaga um byggingu
nýs Landspítala. Gert er ráð fyrir að
byggt verði við núverandi húsnæði Land-
spítalans, auk endurbóta. Fyrsti flutnings-
maður tillögunnar var Kristján L. Möller
alþingismaður og var hún samþykkt með
atkvæðum allra viðstaddra þingmanna,
56 að tölu, en 7 voru fjarverandi.
Línurnar hafa því verið lagðar, sem er
vel. Vilji Páls Matthíassonar, forstjóra
Landspítalans, hefur komið fram um
það að framkvæmdum við endurnýjun
Landspítalans verði lokið árið 2020. For-
stjórinn segir að húsnæði Landspítalans
í Fossvogi verði notað áfram, til dæmis
sem legudeild. Bráðamóttaka og gjör-
gæsla verði hins vegar öll á einum stað,
við Hringbraut. Kristján Þór Júlíusson
heilbrigðisráðherra segir að sá tíma-
punktur sem forstjórinn nefnir sé eins
raunhæfur og hver annar en tekur það
fram að hann hafi hvorki sett sér mörk
á upphaf framkvæmda né lokapunkt.
Framkvæmdir við verkið ráðist af því
hvernig það verði fjármagnað. Ráð-
herrann segir að selja verði eignir ríkis-
ins til þess að fjármagna þessa endurnýj-
un Landspítalans. Lántökur séu vart inni
í myndinni vegna mikillar skuldsetningar
ríkissjóðs og þungra vaxtagreiðslna af
þeim sökum.
Kristján L. Möller fagnar einróma sam-
þykkt þingsályktunartillögunnar. Með
henni hafi orðið allsherjarsátt – þjóðar-
sátt – um að taka á brýnasta hagsmuna-
máli Íslendinga í heilbrigðisþjónustu. Í til-
lögunni segir að stærsta hindrunin í vegi
framkvæmdanna sé að ekki hafi tekist
að tryggja fjármögnun þeirra. Þar eru
þrjár leiðir nefndar. Í fyrsta lagi að fara
hefðbundna leið fjármögnunar ríkisfram-
kvæmda. Sú leið væri tiltölulega einföld
en hefði fyrirsjáanlega í niðurskurð í för
með sér á öðrum sviðum ríkisrekstrar.
Í öðru lagi gæti spítalinn eða ríkissjóð-
ur fjármagnað framkvæmdirnar með
lántöku og í þriðja lagi væri hægt að fjár-
magna þær með sérstakri tekjuöflun, til
dæmis því að tiltekinn hluti andvirðis af
framtíðarsölu ríkiseigna rynni til þeirra.
Kristján þingmaður hefur sagt, eftir
samþykkt ályktunarinnar, að hann sjái
fyrir sér blandaða leið. Sala ríkiseigna
greiði hluta kostnaðar og þar lítur hann
meðal annars til sölu banka – og „hinn
hlutinn verði tekinn að láni hjá „sneisa-
fullum lífeyrissjóðum“.“ Fulltrúar líf-
eyrissjóðanna undirrituðu raunar vilja-
yfirlýsingu árið 2009, ásamt þáverandi
ríkisstjórn, um að hefja samstarf við
undirbúning að fjármögnun og fram-
kvæmdum við nýbyggingu Landspítala
við Hringbraut.
Rétt er að stefna að sölu ríkiseigna í
þessu skyni en hvað á að selja, hversu
hratt það gengur fyrir sig og hversu
auðvelt það verður er óljóst. Heilbrigðis-
ráðherra segir, vegna orða Kristjáns L.
Möller um bankasölu, að vel kunni að
vera „að það skapist hér aðstæður til að
gera einhvern pening úr því.“ Skulda-
staða ríkissjóðs er þannig að frekari
skuldsetning hans er lítt fýsileg. Því
er ekki annað að sjá en hagræða verði
annars staðar í ríkisrekstrinum, til við-
bótar við það sem mögulegt er að ná
með eignasölu, svo áætlun um nýjan og
endurbættan Landspítala nái fram að
ganga. Forgangsröðun ríkisfjármuna
verður að taka mið af þeirri þörf sem er
á endurbótum á húsakosti og aðstöðu
Landspítalans – og þeirri samstöðu sem
er meðal þings og þjóðar um framgang
málsins.
Sala ríkiseigna og hagræðing
Þjóðarsátt um
spítalaframkvæmdir
Jónas Haraldsson
jonas@frettatiminn.is
Þetta verður að stöðva
Þetta er svona alþjóðleg
keðja yfir staði sem gera
út á fáklæddar konur.
Það er ekki í samræmi
við okkar siði að
„gúddera“ slíkt.
Björk Vilhelmsdóttir,
borgarfulltrúi Samfylk-
ingar, um skemmtistað-
inn Shooters – Coyote Club
sem brátt verður opnaður í
Austurstræti
Og þrjú ár í
kosningar
Eft ir fer tugt þarf
maður að berj ast
fyr ir hverj um 100
grömm um.
Guðlaugur Þór
Þórðarson alþingis-
maður greindi frá því
á Smartlandi Mörtu
Maríu að hann hafi
grennst um 5-7 kíló að undanförnu.
Eigi skal höggva
Þetta eru orðin hjaðninga víg ef þetta
held ur svona áfram.
Fram kvæmda stjóri fag sölu sviðs Byko
í símtali við vörustjóra timburdeildar
hjá Húsasmiðjunni þar sem þeir stilltu
saman strengi sína til að
halda verði á markaði
uppi.
Já, þetta er
gleðidagur
Við erum ánægðir
með þessa niðurstöðu.
Vonir standa til þess að
flest það öfluga starfs-
fólk sem hefur unnið
að þessu verkefni bjóðist
áframhaldandi starf við fjölmiðla, og
skiptir það höfuðmáli. Það verður
gaman að fylgjast með framhaldinu.
Sigmar Vilhjálmsson virtist hæstánægður
með að samkeppnisaðilinn, 365, tók
yfir rekstur sjónvarpsstöða Konunglega
kvikmyndafélagsins, skömmu eftir að
þær fóru í loftið.
Allir upp úr
Ég fór alltaf ein í sund og fór að spjalla
við gamla fólkið því mér fannst svo
gaman að heyra frá lífinu þeirra. Og ég
spjallaði við þau alveg heillengi kannski
klukkutíma. Og svo þegar þau spurðu
mig hvað ég héti þá sagði ég Biljana
Boloban. Og þá hættu þau bara að tala
við mig og reyndu að fjarlægast mig
eins og þau gátu.
Íslensk kona af serbneskum uppruna
kveðst mæta fordómum
vegna nafns síns.
En þeir eru svo
góðir
„Ég vil nú ekki halda
því fram að prestar
séu að svindla á
kerfinu. Vonandi er það
bara þannig að þeir gefa
þetta allt upp til skatts,
eins og lög og reglur gera ráð
fyrir. Ég get ekki ímyndað mér annað.
Agnes M. Sigurðardóttir biskup um
presta sem nýta sér hlunnindi kirkjujarða.
Vikan sem Var
Snittur
Brauðtertur
Veisluþjónusta
að hætti Jóa Fel
–allt fyrir útskriftina!
tertur
Fylltar SúkkulaðiSkálar
sími: 588 8998
14 viðhorf Helgin 23.-25. maí 2014