Fréttatíminn - 23.05.2014, Blaðsíða 53

tíska 53Helgin 23.-25. maí 2014
Gefðu fallega hönnun!
Laugavegi 32 - S:553-2002
Úrval Útsýn er í Hlíðasmára 19, Kópavogi.
Sími 585 4000 www.uu.is
Kynntu þér siglingar á uu.is
MIÐJARÐARHAF
Lúxus sigling 12.–22. september
Breiður kúnnahópur
Ingólfur opnaði dyr Sturlu fyrir
tæpu ári því hann fann aldrei
réttu fötin á sjálfan sig. „Ég
bara tók sénsinn og valdi merki
í búðina sem ég hef alltaf verið
hrifinn af sjálfur, en það eru til
dæmis hágæðamerkin „Scotch
and Soda“ og „Maison Scotch“.
Í upphafi átti þetta bara að vera
fyrir herrana en svo vatt þetta
upp á sig og nú er ég komin með
dömulínuna líka,“ segir Ingólfur
og bætir því við að viðbrögðin
hafi farið fram úr sínum björtustu
vonum. „Það kemur svo sem ekki
á óvart því þetta er svo vandað
merki, en á líka á góðu verði.
Merkið var stofnað á áttunda
áratugnum í Amsterdam og
leggur sérstaka áherslu á vönduð
snið og efni en notar líka munstur
og snið sem eru oft skemmtilega
óvenjuleg. Þetta eru föt fyrir fólk á
öllum aldri, kúnnahópurinn minn
er ótrúlega breiður.“ Auk þessa
hollenska gæðamerkis býður
Ingólfur upp á sólgleraugu og
tónlist í Sturlu. „Stemningin sem
við viljum hafa hér í búðinni er
sú sem lætur fólki líða vel. Hér er
alltaf skemmtileg tónlist og gott
andrúmsloft í bland við flott föt.
Mér sýnist viðskiptavinirnir bara
kunna vel að meta þetta.“
Halla Harðardóttir
halla@frettatiminn.is