Sveitarstjórnarmál - 01.04.1976, Blaðsíða 30

er til, að Grunnskóli ÍSÍ komi að svipuðum not-
um við menntun leiðbeinenda I íþróttastarfi, er
tímar líða.
Nú er hafið athyglisvert samstarf milli ÆRR
og landshlutasamtaka sveitarfélaga, og á ég þar
við könnun þá, sem nú er hafin á Norðurlandi
um framkvæmd og aðstöðu til æskulýðsstarfs
í fjórðungnum. Vænti ég þess, að slík könnun
nái til landsins alls innan tíðar og samvinna tak-
ist við önnur landshlutasamtök um slíkt sam-
starf. ÆRR hefur nú tekið upp einarða baráttu
fyrir samnýtingu skólahúsnæðis og aðstöðu til
almennrar félagsstarfsemi og meðal annars hald-
ið eina ráðstefnu um rnálið. Það er skoðun ráðs-
ins, að í sumum hinna fámennari sveitarfélaga
megi einnig nýta íþróttasali í sama tilgangi og
er raunar gert á stöku stað.
Vegna stóraukins tilkostnaðar við uppbygg-
ingu slíkra mannvirkja hlýtur það að teljast
þjóðhagslega hagkvæmt að hafa slíkt í liuga við
hönnun þessara mannvirkja í næstu framtíð,
enda í fyllsta samræmi við reynslu annarra þjóða
í þessum efnum.
Viðræður um þessi mál eru hafnar I fullri al-
vöru og hreinskilni fyrir frumkvæði hæstvirts
menntamálaráðherra, Vilhjálms Hjálmarsson-
ar, og vænti ég þess, að þær leiði til jákvæðrar
niðurstöðu, og gagnkvæmur skilningur skapist
milli byggingadeildar menntamálaráðuneytis-
ins, skólamanna, sveitarstjórnarmanna og for-
ystumanna í frjálsu félagsstarfi. Hagkvæmnin
er heildinni fyrir beztu í þessum efnum sem
öðrum og skilar okkur fyrr en ella viðunandi
aðstöðu til starfa á þessunt vettvangi.
Ungmennafélögin hafa frá öndverðu lagt áherzlu á íslenzka glímu og þjóðdansa og átt rikan þátt í að viðhalda þjóðlegri hefð á þessu
sviði. Myndin er frá þjóðdansasýningu á landsmótinu á Sauðárkróki árið 1971.
SVEITAKSTJÓRNARMÁL