Sveitarstjórnarmál - 01.06.1976, Blaðsíða 21

Síldarsöltunarstöðvar
á Siglufirði á
annríkistíma.
skipstjórinn stígur á land. Um það voru allar
konur, sem þarna voru staddar, sammála, að
skipstjórinn, sem þarna kom neðan bryggjuna,
væri langfallegasti Norðmaðurinn, sem nokkru
sinni hefði stigið fótum á siglfirzka grund. Hann
var urn þrítugt, hár og íturvaxinn, ljós yfirlitum
og norrænn á svip. En þarna á malarkambinum
voru saman kornnir því nær allir íbúar Siglu-
fjarðarþorps, ungir og gamlir, enda var fólks-
fjöldinn ekki mikill í þá daga. Allir vildu fagna
og heilsa hinu nýja skipi.
Þá var einhver, sem spurði, hvað það væri,
sem skip lians hefði á þilfari og glitraði svo mjög.
Þá brosti skipstjóri og sagði, að það væri síld.
- Síld?
— Já, Við létum reka í fyrrinótt og fengum
þá ellefu tunnur. En svo létum við reka aftur
í nótt, og þá komu í netin sextíu og sjö tunnur
síldar. Við verðum að fá hjálp til að koma þessu
í salt. — Skipið leggst að bryggju og allt kemst
á ferð og flug. Snjóhvítar tunnur hlaðast upp
í stafla ofan við bryggjuna. Og er þannig hafði
gengið um stund, hófst sá starfinn, sem mest var
um verður: Fyrsta hafsíldin, sem veidd var á
djúpmiðum, er affermd til söltunar á Siglufirði.
Klukkan eitt miðnættis er fyrsta siglfirzka
hafsíldin komin í salt. Fólkið er að hætta og
farið að þvo sér og þrífa sig. Þá kemur skipstjór-
inn með tvær litlar skjóður. Hann ber sína í
livorri liendi. Hann sezt á tóman síldarstamp
og hefur hreina heiltunnu fyrir afgreiðsluborð.
Og þarna greiðir hann fólkinu kaup þess í gler-
liörðum peningum. Þetta var nýlunda í Siglu-
firði. Hver gengur til sinna heimkynna í blíðu
sumarnæturinnar í þann mund, er nætursólin
hellir geislaflóði sínu yfir bæinn og breytir hverri
rúðu í lýsigull. Á morgun er helgidagur. Þetta
er sunnudagsnótt. Nú eru peningar komnir inn
á hvert heimili á Siglufjarðareyri. Menn leggj-
ast til hvílu ánægðir í friði og kyrrð sólskins-
næturinnar. I hverju brjósti ríkir óvenjulegt
öryggi og sælublandin von. Menn sofna með
bros á vör. Það er kominn nýr dagur. — Nýi
tíminn hefur haldið innreið sína í hið litla, fá-
tæklega þorp norður við heimskautsbauginn."
Þannig byrjaði síldarævintýrið í Siglufirði.
Tímabil Norðmanna
á Siglufirði 1903—1930
Norðmenn gerðust nú umsvifamiklir á Siglu-
firði. Þeir reistu síldarsöltunarstöðvar, síldar- ig3
SVEXTARSTJÓRNARMÁL