Sveitarstjórnarmál - 01.08.1976, Side 11
6. ÁFSSFUNDUR
HAFNASAMBANDS
SVEITARFELAGA
Sjötti ársfundur Hafnasambands
sveitarfélaga var haldinn að Hótel
Loftleiðum í Reykjavík 21. nóvem-
ber 1975. Fundinn satu 40 fulltrú-
ar 30 hafna af 46, sem aðild áttu
að sambandinu, en á fundinum
bættist við 47. höfnin, og var það
Tálknafjarðarhöfn. Auk kjörinna
fulltrúa sátu fundinn 15 gestir,
þar á meðal Halldór E. Sigurðs-
son, samgönguráðherra, og Aðal-
steinn Júlíusson, hafnarmálastjóri.
Gunnar B. Guðmundsson, for-
maður sambandsins, setti fundinn
og stjórnaði honum, en Jóhann
Klausen, bæjarstjóri á Eskifirði,
ritaði fundargerð.
Mesta hafnargerðarár
sögunnar
Halldór E. Sigurðsson, sam-
gönguráðherra, flutti ávarp við
setningu fundarins. Gat liann þess,
að árið 1975 myndi verða mesta
framkvaemdaár í sögu íslenzkra
hafnargerða. Unnið yrði fyrir
meira en 2 milljarða króna. Mesta
framkvæmdin væri við Þorláks-
höfn, 727 millj. króna, og samtals
færu til landshafna 844 millj. kr.
Af almennum liöfnum væri mest
unnið í Grindavík eða fyrir 140
millj. króna, en fjármagn til þess-
ara tveggja hafna væri fengið að
°/io hlutum að láni hjá Alþjóða-
bankanum vegna eldsumbrotanna
í Vestmannaeyjum árið 1973. Við
fjórar aðrar hafnir myndi unnið á
árinu fyrir meira en 100 millj. kr.,
á Neskaupstað, í Sandgerði og > í
Karlsey á Breiðafirði vegna þör-
ungaverksmiðjunnar, sem þar er í
smíðum. 37 aðrar almennar hafnir
hafa síðan fengið ámóta fjárhæð
samanlagt til hafnarframkvæmda
og framantaldar fimm hafnir.
Ráðherra vék að málefnum
Hafnabótasjóðs. Sjóðurinn liafði
til útlána á árinu 281 millj. kr.,
þar af voru 165 millj. króna fengn-
ar að láni hjá Viðreisnarjóði Evr-
ópu. Ráðherra taldi nauðsynlegt
að setja um það reglur, livað ríkis-
framlagið ásamt lánsútvegun úr
Hafnabótasjóði ætti að vera mik-
ið, og taldi, að jietta fjármagn eigi
ekki að fara yfir 90% af fram-
kvæmdakostnaði. Engan veginn
væri eðlilegt, að Hafnabótasjóður
útvegi lánsfé að fullu til þess að
fjármagna þann hluta hafnargerð-
anna, sem ekki fengist greiddur
með óafturkræfu framlagi úr ríkis-
sjóði. Loks skýrði ráðherra frá því,
að Reykjavíkurborg hefði nú f
fyrsta skipti fengið aðgang að láni
úr Hafnabótasjóði til byggingar
ferjubryggju. Heildarframkvæmdir
Reykjavíkurhafnar á árinu námu
um 40 millj. kr.
í lok ræðu sinnar sagði Halldór
E. Sigurðsson: „Eg lýsi ánægju
minni yfir því, sem áunnizt hefur
i hafnarframkvæmdum á yfirstand-
andi ári, en verð jafnframt að
gera fundarmönnum grein fyrir
Jiví, að úr hraða framkvæmdanna
verður að draga a. m. k. á næsta
ári til að treysta stöðu ríkissjóðs
og draga úr spennu og verðbólgu
i efnahagskerfinu. Eg treysti á gott
samstarf um [já framkvæmd, þar
sem fyllsta hagsýni og aðgæzla
verður að ráða ferðinni, til þess að
það fjármagn, sem til hafna verður
varið, komi til nota eins fljótt og
nokkur tök eru á.“
Skýrsla stjórnar
Gunnar B. Guðmundsson gerði
grein fyrir störfum stjórnar Hafna-
sambandsins frá seinasta ársfundi.
Stjórnin hafði haldið 7 fundi og
mesta áherzlu lagt á breytingar á
gjaldskrám hafnanna og á breyl-
ingar á hafnalögum í sambandi
við birtingu auglýsinga um gjald-
skrárbreytingar. Einnig fjallaði
hann um 4 ára áætlanir um hafnar-
framkvæmdir, sem gera ber sam-
kvæmt hafnalögum. Þá fjallaði for-
maður um málefni Hafnabóta-
sjóðs og hin miklu skipatjón í ltöfn-
um, rafmagnssölu til skipa í höfn-
um og nokkur önnur málefni, svo
sem um gerð eyðublaða fyrir fiski-
skipadagbók og aflagjöld, sem unn-
ið ltefur verið að á vegum sam-
bandsins.
Pétur Bjarnason, liafnarstjóri á
Akureyri, gerði grein fyrir árs-
reikningum sambandsins, og voru
Jieir samjiykktir samhljóða. Niður-
stöðutölur rekstrarreiknings voru
kr. 1.563.000 og efnahagsreiknings
pr. 31. 10. 1975 627.764 krónur.
Fjármál hafna og
gjaldskrár
Á fundinum voru flutt eftirfar-
andi framsöguerindi:
Gylfi ísaksson, verkfrœðingur,
lagði fram skýrslu, sem hann hafði
tekið saman fyrir stjórn sambands-
ins um fjárhagsstöðu hafna og
gjaldskrármál. Af þessari skýrslu
höfðu og unnið þeir dr. Kjartan
Jóhannsson, verkfræðingur, og
Guðmundur Sigurðsson, viðskipta-
fræðingur. í henni kom m. a fram,
að flestar liafnir landsins hafa um
skeið verið reknar með tapi.
Þannig var talið, að rekstrartap 15
hafna, sem kannaðar voru sérstak-
lega, næmi um 13 milljónum kr.
SVEITARSTJÓRNARMÁL