Morgunblaðið - 30.11.2011, Side 6

6 FRÉTTIRInnlent
MORGUNBLAÐIÐ MIÐVIKUDAGUR 30. NÓVEMBER 2011
Hátíðarkörfur
Ostabúðarinnar
eftir þínu höfði
OSTABÚÐIN
SKÓLAVÖRÐUSTÍG
Við erum byrjuð að taka á móti pöntunum
í síma 562 2772 og á ostabudin.is
Opið: Mán - Fim 11:00 - 18:00
Fös 10:00 - 18:30 & Lau 11:00 - 16:00
Skapti Hallgrímsson
skapti@mbl.is
Hólmfríður Stefánsdóttir fæddist í
Grímsey en bjó frá 12 ára aldri á Ak-
ureyri með móður sinni eftir að for-
eldrarnir skildu. Hún er nú búsett á
dvalarheimilinu Kjarnalundi þar í
bæ og fagnaði 100 ára afmælinu í
gær ásamt fjölskyldu sinni, m.a.
systurinni Birnu, sem er 94 ára og
einnig búsett á Kjarnalundi.
Afmælisbarnið segist sjá illa og
heyrnin er líka orðin léleg, en hún
hló og gerði að gamni sínu þegar
blaðamaður leit inn hjá henni í gær.
„Æ, mér leiðist! En það er ekki
nema ósköp eðlilegt,“ sagði hún.
Kann samt vel við sig á Kjarnalundi
og hefur ekki undan neinu að kvarta
þar, en finnst reyndar að fjörið
mætti alveg vera meira. „Þetta er
ekki eins og þegar ég vann á síld fyr-
ir austan og á Siglufirði. Þegar land-
lega var hjá okkur dönsuðum við í
eldhúsinu. Þá var
heldur betur fjör,“
rifjar hún upp.
Bætir svo við,
skellihlæjandi:
„Þeir eru svo and-
skoti ljótir karl-
arnir hérna!“
Eiginmaður
Hólmfríðar,
Ellert Þór-
oddsson, lést
árið 1972.
Hafði þá verið
mjög veikur í
rúman áratug,
eftir að hann
„Þetta er mesta magn vopna sem
fundist hefur í einni húsleit,“ sagði
Karl Steinar Valsson, aðstoðaryfir-
lögregluþjónn lögreglu höfuð-
borgarsvæðisins, í samtali við frétta-
vef Morgunblaðsins í gær. Lögreglan
lagði fyrir síðustu helgi hald á veru-
legt magn af vopnum í tengslum við
skotárásarmálið svonefnda í
Bryggjuhverfi nýlega. Voru fjöl-
miðlum sýnd vopnin um miðjan dag í
gær.
Talið er að málið tengist skotárás-
inni við Bryggjuhverfið, en lög-
reglan hefur farið í nokkrar húsleitir
í tengslum við rannsókn á málinu. Í
leitunum hefur fundist talsvert af
fíkniefnum og einnig vopn. Í einni
húsleitinni fundust fjórar byssur, þar
af ein afsöguð haglabyssa, um fimm-
tíu hnífar, hnúajárn og skotfæri.
Vélhjólasamtök viðriðin málið
Það var upplýst á blaðamanna-
fundinum í gær að karlmaður, fædd-
ur árið 1980, hefði verið handtekinn
á mánudag í tengslum við vopna-
fundinn. Hann hefur verið úrskurð-
aður í gæsluvarðhald til 8. desember.
Sá hefur oft áður komið við sögu lög-
reglu og segir lögregla hann vera fé-
laga í vélhjólasamtökunum Outlaws.
Ýmislegt þykir benda til þess að sá
hópur tengist málinu. Tveir sitja því í
gæsluvarðhaldi vegna skotárás-
armálsins og einn hóf afplánun eldri
dóms.
Vélhjólasamtökin Outlaws tengj-
ast samtökunum Black Pistons sem
verið hafa töluvert til umfjöllunar í
fjölmiðlum að undanförnu. Black
Pistons urðu formlegir meðlimir
Outlaws nýverið og eru því í grunn-
inn sömu samtök. Skemmst er að
minnast þess að tveir félagar sam-
takanna voru dæmdir til fangels-
isvistar fyrir frelsissviptingu og lík-
amsárás.
Haglabyssur og
hnífar fundust við
húsleit lögreglu
 Félagi í vélhjólasamtökunum Out-
laws handtekinn í tengslum við málið
Morgunblaðið/Júlíus
Vopnabúr Lagt var hald á fjölmörg
vopn í húsleit lögreglu fyrir helgi.
Íbúðalánasjóður hefur yfirtekið
2.038 íbúðir frá árinu 2006 en lang-
flestar þeirra voru teknar yfir á ár-
unum 2010 (872) og 2011 (564), eða
1.436 talsins. Heildarverðmæti
eigna sem sjóðurinn hefur yfirtekið
er rúmur 21 milljarður kr.
Þetta kemur fram í svari velferð-
arráðherra við fyrirspurnum Sig-
mundar Ernis Rúnarssonar, þing-
manns Samfylkingarinnar. Fram
kemur að fjórðungur íbúðanna sé á
Suðurnesjum, eða 470 íbúðir. Höf-
uðborgarsvæðið kemur næst á eftir
með 392 íbúðir. Heildarverðmæti
eigna sem Íbúðalánasjóður hafi yf-
irtekið ef miðað sé við fasteignamat
2011 sé rúmur 21 milljarður kr.
Hefur tekið yfir
1.400 íbúðir á
tveimur árum
„Við höfum sagt við skólann að við
skiljum að hann sé að fara fram á þetta
núna. Þeir færa ágætis rök fyrir því og
segjast vera farnir að nota hluta af
rekstrartekjum sem eiga að fara í
rekstur skólans í að fjármagna það
sem skráningargjöldin eiga að gera,“
segir Lilja Dögg Jónsdóttir, formaður
Stúdentaráðs, um þá breytingartillögu
meirihluta fjárlaganefndar Alþingis,
að skrásetningargjald í ríkisháskólum
verði hækkað úr 45 þúsund krónum í
60 þúsund krónur frá og með háskóla-
árinu 2012-2013. Hún tekur fram að í
yfirstandandi prófatíð hafi Stúdenta-
ráð ekki haft færi á að setjast niður og
fara heildstætt yfir tillöguna. Hins
vegar sé frekar erfitt að kyngja því að
skorið sé niður til háskólans á sama
tíma og skráningargjöld til stúdenta
eru hækkuð. Hækkunin virki eins og
skref til skólagjalda.
Katrín Jakobsdóttir mennta- og
menningarmálaráðherra segist hafa
farið fram á hækkun skrásetningar-
gjalda að beiðni rektora ríkisháskól-
anna sem „hafa lagt fram ítarlega
greinargerð um að kostnaður sem hef-
ur verið talinn felast í þessu skráning-
argjaldi hafi hækkað verulega út frá
almennri vísitölu“. Sér þætti eðlilegt
að leggja til hækkun í ljósi þess að
námslán hafa hækkað um þriðjung á
tveimur árum og gjöldin ekki hækkað
síðan 2005.
Katrín segir það LÍN að meta hvort
skrásetningargjöldin verði lánshæf.
„Stúdentar hafa lagt til að það yrði lán-
að fyrir gjaldinu eða því skipt og ég
legg það til í lagafrumvarpinu að því
verði skipt.“
sigrunrosa@mbl.is
„Erfitt að kyngja hækkun“
 Formaður stúdentaráðs segir erfitt að una hækkun skráningargjalda á meðan
skorið sé niður til háskóla  Ráðherra lagði til að greiðslunni yrði skipt upp
Skráningargjöld
» Hækkun skráningargjalda er
ætlað að fjármagna aukinn
kostnað ríkisháskólanna vegna
launa- og gengishækkana.
» Á meðan háskólunum er
gert að skera niður hefur að-
sókn í þá aukist með tilheyr-
andi kostnaði.
Hólmfríður Stefánsdóttir fæddist í Grímsey 29. nóvember
1911. Faðir hennar var Stefán Eðvaldsson sjómaður, bóndi
og sigmaður í Efri-Sandvík og Vallakoti í Grímsey og
móðir hennar hét Elín Halldórsdóttir. Hólmfríður átti
tvær systur, Finnbjörg var elst, fædd 1875 en lést
1945, 69 ára að aldri, og yngst er Birna Sigrún,
fædd 1917, nú 94 ára og einnig búsett á Kjarna-
lundi. Eiginmaður Hólmfríður var Ellert Þór-
oddsson vélstjóri á Akureyri og eignuðust
þau sex börn. Þórhallur Stefán, Páll Elinór
og Gunnar eru látnir en Kristrún Sig-
urbjörg, Gauja og Guðmundur Ásgeir
fögnuðu afmælinu með móður sinni í
gær.
Litla systir er bara 94 ára
HÓLMFRÍÐUR OG BIRNA SIGRÚN
Systurnar Hólm-
fríður og Birna.
fékk heilablóðfall. Elsta soninn
missti Hólmfríður 29 ára gamlan
þegar Súlan fórst og annar sonur
hennar lést aðeins 22 ára. „Ég veit,
vinur minn, hvað lífið er. Það hefur
ekki alltaf verið létt. Ég er bæði búin
að lifa gott og illt. En maður verður
að taka lífinu, hvurnig sem það
gengur.“
Hún hefur alltaf unnið mikið. Var í
síldinni sem fyrr greinir og vann síð-
an árum saman í fiski hjá Útgerð-
arfélagi Akureyringa.
„Að hugsa sér að maður skuli vera
orðinn 100 ára. Mér finnst ég að
verða dálítið gömul! Það er algjör
óþarfi að láta mig verða svona
gamla; maður er víst ekki lengi að
fara yfir, en ég ætla nú samt ekkert
að fara þangað strax.“
Eftir að hafa svarað nokkrum
spurningum snýr Hólmfríður taflinu
við, þannig að vekur kátínu fjöl-
skyldunnar.
„Hvað vinnur þú vinur minn?“
spyr hún svo.
Eftir að hafa fengið svar við því
heldur afmælisbarnið áfram:
„Ertu giftur?“
Gesturinn kýs að svara samvisku-
samlega með jái.
„Er það góð kona?“
– Aldeilis ljómandi góð, er svarið.
„Eigið þið börn?“
Hún fær að vita um dæturnar
þrjár.
„Hvað segirðu, ertu alltaf að?“
Þá er mikið hlegið í Kjarnalundi.
Hólmfríður hefði örugglega getað
orðið góður blaðamaður.
Morgunblaðið/Skapti Hallgrímsson
Aldarafmæli Afkomendur Hólmfríðar og Ellerts Þóroddssonar heimsóttu móður sína í Kjarnalund í gær og fögn-
uðu stórafmælinu. Hér er hún með börnum sínum, Kristrúnu Sigurbjörgu, Gauju og Guðmundi Ásgeiri.
„Mér finnst ég að
verða dálítið gömul“
 Hólmfríður Stefánsdóttir á Akureyri varð 100 ára í gær
Skannaðu kóðann
til að lesa viðtal
við Karl Steinar.