SunnudagsMogginn - 18.12.2011, Blaðsíða 8
8 18. desember 2011
„Það er ekki markmið mitt með
þessari bók og heimildamynd um
séra Pétur Þórarinsson að gera úr
honum einhvern dýrling enda væri
það ekki í hans anda. Hann var
hins vegar hvunndagshetja og
lífsganga hans og konu hans,
Ingibjargar Svöfu Siglaugsdóttur,
var afar sérstök. Þetta er dæmi-
saga um harðduglegt lífsglatt
fólk, sem bognar en brotnar ekki
við mótlæti. Þess í stað er blásið
til sóknar og horft til sólar á með-
an stætt er.“ Það er Gísli Sig-
urgeirsson kvikmyndagerð-
armaður og fyrrverandi
fréttamaður Sjónvarpsins á Ak-
ureyri, sem þannig kemst að orði.
Hann stendur að útgáfu á veglegri
bók, sem komin er út í minningu
sr. Péturs Þórarinssonar í Laufási,
en Pétur hefði orðið sextugur á
árinu. Hann lést 2007 eftir lang-
vinna baráttu við sykursýki.
Horft til sólar á meðan stætt er
Jólin 1994 á Fjórðungssjúkrahúsinu á Akureyri. Sonurinn Þórarinn, Hólm-
fríður kona hans, Pétur, Inga, sonurinn Jón Helgi og dóttirin Heiða Björk.
Við skulum ekki hafaþetta mjög hátíðlegt,“segir Gísli Sigur-geirsson, fyrrverandi
fréttamaður, í samtali við blaða-
mann í tilefni útgáfu bókar og
mynddisks um séra Pétur Þór-
arinsson heitinn í Laufási og Ingu
konu hans. „Það hæfir ekki Pétri.
Við skulum hafa þetta svolítið
glannalegt, það er alveg í hans
anda. Hann fór langt á húm-
ornum,“ segir Gísli.
Á diski sem fylgir bókinni eru
upptökur frá tónleikum í menn-
ingarhúsinu Hofi sem haldnir
voru fyrr á árinu, í tilefni þess að
Pétur hefði orðið sextugur.
„Ég minnist þess þegar ég kom
fyrst til hans eftir að hann var bú-
inn að missa báða fætur. Óskar
vinur minn Pétursson var með
mér og við vorum svona hálf-
vandræðalegir til að byrja með. Þá
byrjaði Pétur að gera grín að öllu
saman, eins og ekkert væri sjálf-
sagðara. Þá var nýbúið að kjósa
hann mann ársins á Norðurlandi
með miklum yfirburðum. – Hinir
komust ekki með tærnar þar sem
ég hafði hælana, sagði Pétur.“
Pétur var greindur með sykur-
sýki tíu ára gamall. „Það var al-
vörumál fyrir tápmikinn dreng,“
segir Gísli. „Í þá daga var líka taf-
samt og erfitt að fylgjast með
blóðsykrinum, þannig að Pétur
lenti oft í sykurfalli. Hann var
iðulega borinn heim af leik-
félögum meðvitundarlítill, eftir
að hafa gengið um of á orkutank-
inn. Þetta fór illa með líkamann
og Pétur dregur enga dul á það í
bókinni og heimildamyndinni, að
hann hefði betur borið meiri
virðingu fyrir sykursýkinni í
æsku.“
Pétur lét þetta ekki aftra sér,
hann var kraftmikill, duglegur og
kröfuharður við sjálfan sig sem
aðra. „Hann starfaði mikið með
Æskulýðsfélagi Akureyrarkirkju
og tók það svo alvarlega, að hann
trúlofaðist formanninum, Ingi-
björgu Svöfu Siglaugsdóttur. Það
var mikið lán fyrir þau bæði. Þótt
bókin heiti séra Pétur þá er hún í
raun um Pétur og Ingu.“
Pétur vígðist prestur að Hálsi í
Fnjóskadal, þá ekki nema 25 ára
gamall. „Fnjóskdælingum þótti
strákurinn ekki sérlega prests-
legur, tóku hann þó fljótt í sátt,
en voru sárir þegar prests-
fjölskyldan á Hálsi flutti í Möðru-
velli. Þar fór Pétur að finna fyrir
fylgikvillum sykursýkinnar svo
um munaði.“
Í bókinni segir frá því að eftir
blóðtappa fór að bera á persónu-
leikabreytingum, miklum geð-
sveiflum og þunglyndi. Einn
morguninn vildi Pétur ekki taka
lyfin sín og neitaði að fara á fætur.
Inga kallaði sr. Pálma Matthíasson
til, en hann var frændi og vinur
og þá þjónandi í Glerárprestakalli.
Pálmi segir frá þessu í bókinni og
hann segir Pétur hafa verið lagst-
an banaleguna, því hann vissi að
hann lifði ekki lengi ef hann tæki
ekki lyfin sín. Pálmi reyndi að
koma vitinu fyrir Pétur, en ekk-
ert gekk. Pétur gat nefnilega verið
óhagganlegur sem klettur, ef
hann tók eitthvað í sig. En hann
gaf sig að lokum, eftir eintal við
föður sinn, og tók lyfin.
Í bókinni er lífsganga Péturs
rakin, en þar er oft vitnað til sam-
tala, sem Friðrik Erlingsson átti
við Pétur og Ingu þegar hann
skrifaði bókina Lífskraftur.
„Þarna eru líka greinar eftir Pétur
og í lokin greinar samferða-
manna. Í mínum huga er bókin og
myndin eins konar dæmisaga.
Saga um fólk sem lendir í hverju
hretinu á eftir öðru, en gefst aldr-
ei upp. Saga um fólk, sem er
tilbúið að miðla af reynslu sinni
og hjálpa öðrum,“ segir Gísli Sig-
urgeirsson.
Pétur Þórarinsson og Ingibjörg Svafa Siglaugsdóttir við Laufáskirkju.
„Hann fór langt
á húmornum“
Bók og mynddiskur í minningu
séra Péturs í Laufási
Vikuspegill
Skapti Hallgrímsson skapti@mbl.is
ADVANCED TECHNOLOGY IN SLEEPING
DUXIANA www.dux iana.is H Á Þ R Ó A Ð U R S V E F N B Ú N A Ð U R ÁRMÚLA 10 108 REYKJAVÍK S:568 9950
Excellent kr.55.700
D R A U M A S Æ N G I N
Með hverri Excellent
gæsadúnssæng fylgir
Xleep koddi
(verðmæti kr.19.980).
JÓLATILBOÐ