Morgunblaðið - 06.01.2012, Blaðsíða 16

16 FRÉTTIRInnlent
MORGUNBLAÐIÐ FÖSTUDAGUR 6. JANÚAR 2012
–– Meira fyrir lesendur
Katrín Theódórsdóttir
Sími: 569 1105
kata@mbl.is
NÁNARI UPPLÝSINGAR GEFUR:
PÖNTUNARTÍMI AUGLÝSINGA:
Fyrir kl. 16, mánudaginn 16. janúar
Morgunblaðið gefur út
sérblað um Þorrann
föstudaginn 20. janúar.
Þetta sérblað verður
með ýmislegt sem tengist
þorranum bæði í mat
og öðru spennandi efni.
Þorrinn
SÉRBLAÐ
MEÐAL EFNIS:
Allt um Þorramatinn.
Viðtal við sanna þorramatmenn.
Þorrablót í heimahúsum.
Þorrabjórinn.
Þorramatur sem allir geta borðað.
Saga Þorrablótshefðarinnar.
Þorrablót um land allt.
Heimaverkun á þorramat.
Vinsæl sönglög á þorrablótum.
Þorraminningar
þekktra Íslendinga.
Ásamt fullt af spennandi
efni um Þorrann.
Þrettándahátíð Vesturbæjar verð-
ur haldin í dag, föstudaginn 6. jan-
úar. Venju samkvæmt verður safn-
ast saman við Frostaskjól kl. 18.
Þaðan verður haldið í skrúð-
göngu að brennustæðinu á Ægi-
síðu. Ýmislegt verður gert til
skemmtunar í göngunni. Brennan
verður tendruð um kl. 18:30. Þar
verður fjöldasöngur og Guðmundur
Steingrímsson þenur nikkuna. Um
klukkan 18:50 hefst flugeldasýning
á vegum KR-flugelda.
Þrettándahátíð
Ögmundur Jónasson innanrík-
isráðherra og Logi Már Einarsson,
formaður Arkitektafélags Íslands,
hafa undirritað samning um út-
færslu hönnunarsamkeppni um
byggingu nýs fangelsis á Hólms-
heiði í Reykjavík. Gert er ráð fyrir
að framkvæmdir geti hafist í lok
ársins og að nýtt fangelsi verði tek-
ið í gagnið 2014.
Dómnefnd sem skipuð var vegna
samkeppninnar hefur nú lokið við
gerð samkeppnislýsingar. Dóm-
nefnd skipa fyrir hönd ráðherra
Steinunn Valdís Óskarsdóttir, for-
maður, Páll E. Winkel fangels-
ismálastjóri og Pétur Örn Björns-
son arkitekt og tilnefnd af
Arkitektafélagi Íslands arkitekt-
arnir Gylfi Guðjónsson og Hildur
Gunnarsdóttir.
Hönnunarsamkeppnin er auglýst
á Evrópska efnahagssvæðinu. Sam-
keppnisgögn verða afhent kepp-
endum þann 9. janúar næstkomandi
og er gert ráð fyrir að niðurstaða
dómnefndar liggi fyrir um mán-
aðamótin maí/júní 2012.
Undirritun Ögmundur Jónasson og Logi Már Einarsson skrifuðu undir samninginn í inn-
anríkisráðuneytinu. Með þeim er Steinunn Valdís Óskarsdóttir, formaður dómnefndar.
Hönnunarsamkeppni nýs fangelsis verður
auglýst á evrópska efnahagssvæðinu
Gámaþjónustan hf verður sem
fyrr með samstarf við Skógrækt-
arfélag Reykjavíkur við söfnun
jólatrjáa á höfuðborgarsvæðinu
nú í lok jóla. Verð á þjónustunni
er óbreytt kr. 800 og er gróð-
ursetning á einu tré í Jólaskóg-
inum innifalin. Best er að panta
þjónustuna á netinu á slóðinni
www.gamar.is fyrir 10. janúar,
segir í tilkynningu.
Fyrir hvert jólatré sem Gáma-
þjónustan safnar gróðursetur
Skógræktarfélagið tré í Jólaskóg-
inum í Heiðmörkinni. Starfs-
mönnum og viðskiptavinum
Gámaþjónustunnar hf hefur boð-
ist að aðstoða starfsmenn Skóg-
ræktarfélagsins við gróðursetn-
inguna. Meðfylgjandi mynd er
tekin í Jólaskóginum í Hjalladal
við gróðursetningu á jólatrjám.
Sami háttur verður á næsta sum-
ar. „Ekki þarf að fjölyrða um
uppeldisgildi þessa starfs, börnin
læra um mikilvægi þess að stuðla
að sjálfbærni í Jólaskóginum,“
segir í tilkynningunni.
Tré gróðursett fyrir
hvert jólatré
Ólafur Ragnar Grímsson, forseti Íslands, verður heið-
ursgestur við setningu Íslandsmóts barna í Rimaskóla
sem hefst á laugardaginn klukkan 11. Forsetinn mun
hitta keppendur, foreldra, áhugamenn og forystumenn í
íslensku skáklífi og leika fyrsta leikinn á mótinu.
Mikill áhugi er fyrir mótinu og er búist við spennandi
og skemmtilegri keppni. Þátttökurétt hafa börn í 1. til 5.
bekk (fædd 2001 og síðar) og sigurvegarinn fær sæmd-
arheitið Íslandsmeistari barna 2012 og ferð á Norð-
urlandamótið í skólaskák í Finnlandi í febrúar. Að auki
verða fjölmörg verðlaun í boði, m.a. 50 þúsund króna
inneignarkort í Bónus. Skráning er á www.skak.is.
Alls verða tefldar 9 umferðir með 10 mínútna umhugsunartíma. Eftir
fimm umferðir munu 15 efstu keppendur halda áfram í lokakeppni um Ís-
landsmeistaratitilinn en öðrum börnum býðst að tefla í fjöltefli við Helga
Ólafsson stórmeistara og skólastjóra Skákskóla Íslands.
Forsetinn mun leika fyrsta leikinn
Ólafur Ragnar
Grímsson
Föstudaginn 6. janúar verða jólin
kvödd með þrettándabrennum í
Grafarholti og Grafarvogi. Þrett-
ándabrenna í Grafarholti verður í
Leirdal, við grasæfingasvæði Fram
við enda Þorláksgeisla. Klukkan
19:30 hefst blysför frá Guðríð-
arkirkju með fánabera frá Árbúum,
álfa og ynjur úr æskulýðsstarfi
Guðríðarkirkju, unga álfaprinsa og
prinsessur. Þrettándagleði Graf-
arvogsbúa verður haldin við Gufu-
nesbæinn og hefst kl. 17:00 með
kakó- og kyndlasölu við Hlöðuna
þar sem skólahljómsveit Graf-
arvogs leikur létt lög. Blysför verð-
ur að brennunni og kveikt í kl.
17:45. Við tekur skemmtun og
söngur á sviði. Gleðin endar á flug-
eldasýningu.
Jólin kvödd í kvöld
STUTT
Egill Ólafsson
egol@mbl.is
Pétur H. Pálsson, framkvæmda-
stjóri Vísis í Grindavík, segir að það
séu miklir möguleikar á að nota ís-
lenskt hráefni í meira mæli við fram-
leiðslu á beitu. Nýtt fyrirtæki á
þessu sviði, Voot beita, ætlar að
leggja áherslu á þróunarstarf sam-
hliða innflutningi á beitu. Pétur segir
mikilvægt að vanda sig við fram-
leiðslu á beitu því beita sé viðkvæm-
asti þátturinn í línuveiðum.
Síðustu ár hefur fyrirtækið
Bernskan framleitt pokabeitu í
Súðavík, en Vísir keypti meirihluta í
félaginu og hefur framleiðslan nú
verið flutt til Grindavíkur. Pétur
segir að nýja félagið verði í innflutn-
ingi, sölu, dreifingu og framleiðslu á
beitu. Lögð verði áhersla á að flytja
inn eins ódýra og góða beitu og hægt
er. „Stóra málið er að ná utan um
okkar innkaup og samræma dreif-
ingu á pokabeitunni sem verksmiðja
okkar í Grindavík framleiðir.“
Ætla að auka fjölbreytni
í pokabeitu
Pétur segir að vinna þurfi meiri
þróunarstarf við framleiðslu á fjöl-
breyttari pokabeitu. Verksmiðjan sé
að framleiða góða ýsubeitu sem að-
greini ýsuna frá öðrum fiski. Fyrir-
tækið ætli sér að halda áfram þróun-
arstarfi til að finna góða beitu fyrir
fleiri tegundir. Hann segist telja lík-
legra að það takist með því að vinna
það starf samhliða innflutningi á
beitu.
„Markmiðið hjá okkur er að nota
það prótein sem fellur til innanlands
svo við þurfum ekki að vera að flytja
eins mikið inn. Það þarf hins vegar
að vanda mjög til verka. Við gerum
okkur grein fyrir að beita er við-
kvæmasti þátturinn í línuveiðum og
því þarf að stíga varlega til jarðar.
En það er enginn vafi á því að það
eru miklir möguleikar í beitugerð úr
því próteini sem við notum ekki í dag
hér innanlands.“
Pétur segist gera sér vonir um að
sala beitu hjá Voot beitu verði um
4.000 tonn á þessu ári. Hann segir að
starfsmenn verði 4-5 við framleiðslu,
þrír verði í sölu og einn starfsmaður
verði alfarið í þróunarstarfi.
Pétur segist vera bjartsýnn á
rekstur félagsins. Það sé með góðar
tengingar við innkaup erlendis. „Þó
að það sé lengra í árangur í pokabeit-
unni höfum við mikla trú á þeirri
framleiðslu til lengri tíma.“
Hægt að efla innlenda
beituframleiðslu
Morgunblaðið/Golli
Beita Góð beita er lykilatriði við línuveiðar. Stór hluti þeirrar beitu sem ís-
lenski flotinn notar er innfluttur, en Voot beita framleiðir einnig beitu.
 Nýtt félag í sölu og innflutningi á beitu tekur til starfa