Morgunblaðið - 09.03.2012, Blaðsíða 23
Brúðkaupsblað
Föstudaginn 16. mars kemur út hið árlega
BrúðkaupsblaðMorgunblaðsins.
–– Meira fyrir lesendur
SÉ
R
B
LA
Ð
NÁNARI UPPLÝSINGAR GEFUR:
PÖNTUNARTÍMI AUGLÝSINGA:
Fyrir kl. 16, mánudaginn 12. mars
Brúðkaupsblaðið hefur verið eitt af vinsælustu sérblöðum Morgunblaðsins
í gegnum árin og verður blaðið í ár sérstaklega glæsilegt.
Látið þetta glæsilega Brúðkaupsblað ekki framhjá ykkur fara ...
það verður stútfullt af spennandi efni.
Sigríður Hvönn Karlsdóttir
sigridurh@mbl.is
Sími: 569-1134
Brú
ðka
up
MEÐAL EFNIS:
Fatnaður fyrir brúðhjónin.
Förðun og hárgreiðsla
fyrir brúðina.
Veislumatur
Brúðkaupsferðin.
Undirbúningur fyrir
brúðkaupið.
Giftingahringir.
Brúðargjafir
Brúðarvöndurinn.
Brúðarvalsinn.
Brúðkaupsmyndir.
Veislusalir.
Veislustjórnun.
Gjafalistar.
Og margt fleira skemmtilegt
og forvitnilegt efni.
UMRÆÐAN 23
MORGUNBLAÐIÐ FÖSTUDAGUR 9. MARS 2012
Í hlíðinni suður af bænum Fagra-
nesi í Aðaldal standa tæplega
fimmtíu ára gamlar byggingar,
sem áður voru nýttar fyrir sum-
arbúðastarfsemi á vegum Þjóð-
kirkjunnar. Hlutverk þeirra hefur
breyst með tíð og tíma og nú er
þarna starfrækt kirkjumiðstöð sem
speglast í lygnu Vestmannsvatni á
góðviðrisdögum. Landslag og um-
hverfi er einstaklega fagurt, við
erum að tala um hreina útivistarp-
aradís. Kirkjumiðstöð þessi er
sjálfseignarstofnun og rekin á eig-
in ábyrgð fyrir ýmsa starfsemi á
vegum Þjóðkirkjunnar og er ætlað
að stuðla að aukinni samvinnu
safnaðanna.
Kirkjustarf við Vestmannsvatn á
sér ríka sögu allt frá því fyrrver-
andi biskupar, hr. Pétur Sigur-
geirsson og hr. Sigurður Guð-
mundsson, hrundu þessari góðu
sumarbúðahugmynd af stað með
dyggum stuðningi, enda var barna-
og ungmennastarf kirkjunnar þeim
báðum afar hugleikið. Á þeim tíma
var sumarbúðarekstur við Vest-
mannsvatn þýðingarmikil vítamín-
sprauta og kjölfesta í æskulýðs-
starfi norðan heiða. Ófá börn og
ungmenni, sem síðan hafa vaxið úr
grasi, horfa til staðarins í ljóma og
þökk. Þá er sá hópur orðinn stór,
sem hefur gegnt margvíslegum
störfum í þágu kirkju og kristni
við Vestmannsvatn.
Þrátt fyrir þá breytingu sem
orðið hefur á hlutverki starfsem-
innar við Vestmannsvatn, þá skipt-
ir hún ennþá mjög miklu máli fyrir
söfnuði í Eyjafjarðar- og Þingeyj-
arprófastsdæmi og ekki hvað síst
fyrir æskulýðsstarf innan þeirra.
Aðstöðuna má leigja í lengri eða
skemmri tíma fyrir barnahópa,
fermingarhópa og hverskonar
skólahópa, fyrir kóra og sem
funda- og fræðsluaðstöðu fyrir
starfsmenn safnaða, svo fátt eitt sé
nefnt. Þarna er einnig gott að
halda fjölskyldumót og fleira það
er eflir mannlíf og samfélag á
kristnum grunni. Tilvalin helgar-
dvöl.
Það er áhugavert að halda til
haga allri þeirri reynslu, sem
kirkjustarfsemin við Vestmanns-
vatn felur í sér og það er áhuga-
vert fyrir allan þann mannskap er
hefur átt þarna gæðastundir að
eiga greiðan aðgang að ýmsu því
efni, sem til er um tæplega fimm-
tíu ára starf kirkjunnar við Vest-
mannsvatn. Nú styttist í stór-
afmæli, sem verður nánar tiltekið
28. júní árið 2014, og þess vegna
langar undirritaða að kalla eftir
minningabrotum og myndum sem
hægt verður að setja inn á ný-
stofnaða síðu á Facebook er nefn-
ist „Vinir Vestmannsvatns.“ Þá er
ekki loku fyrir það skotið að úr
verði minningabók í tilefni af af-
mælinu, sem getur hæglega vakið
upp og nært sælar minningar frá
helgum stað. http://www.facebo-
ok.com/pages/Vinir-Vestmanns-
vatns/336271453090505
BOLLI PÉTUR BOLLASON
OG GYLFI JÓNSSON,
vinir Vestmannsvatns.
Frá Bolla Pétri Bollasyni
og Gylfa Jónssyni
Vinir Vestmannsvatns
Þann 21. janúar sl. lentum við kon-
an mín, Jóna Einarsdóttir, í ótrú-
legri lífsreynslu þegar Landcruiser-
bifreið okkar
flaug yfir veg-
handrið í Kömb-
unum, fram yfir
sig á toppinn, aft-
ur á hjólin og enn
á toppinn og end-
aði lengst fyrir
neðan veginn á
hjólunum. Við
hjónin stigum út
úr bifreiðinni
óbrotin og ekki skráma á okkur.
Þetta var algjört kraftaverk.
Annað kraftaverkið er þegar bif-
reiðin var sótt fljótlega af bifreiða-
verkstæði Jóhanns hér í bæ. Sonur
hans, Þórarinn, var ekki með nógu
langa línu þar sem bifreiðin var
langt fyrir neðan veginn. Hann
gekk að bifreiðinni til að kanna að-
stæður og sá þá að lykillinn var í
bílnum, fór inn og setti í gang.
Landcruiser-bifreiðin, sem er mikill
bíll og sterkur, komst í snjónum alla
leið upp á þjóðveginn.
Þriðja kraftaverkið er að þennan
dag fyrir rúmum sex árum fór ég
inn á Vog í áfengismeðferð og án
áfengis hef ég verið síðan. Þegar ég
lít um öxl hérna stoppa ég við SÁÁ
og líknarheimilið að Vogi. Það er
óskiljanlegt að ráðamenn þjóðar-
innar, þ.e.a.s. ríkisvaldið, stjórn
Reykjavíkurborgar og stjórnir bæj-
arfélaga skuli ekki forgangsraða
betur styrkjum til SÁÁ og spítalans
á Vogi. Sérþekking fagfólks Vogs á
alkóhólisma, eiturlyfjum og spila-
fíkn er sú besta í heiminum. Stjórn-
endur landsins og sveitarfélaga, les-
ið þetta vel. Vogur er mun ódýrari
en sjúkrahúslega á spítala svo ég
tali nú ekki um innlagnir í fang-
elsum.
Oft er sagt að viljinn sé allt sem
þarf. Við hjónin þökkum lífgjöfina
og ef einhver sem les þessar línur
vill hjálpa SÁÁ sem kemur inn á
hvert heimili landsins á einhvern
hátt og gleymist oft í dagsins önn,
þá er kennitala SÁÁ: 521095-2459
og reikningsnúmerið: 116-26-452.
Guð blessi ykkur öll.
JÓN HELGI
HÁLFDANARSON
meðhjálpari í Hveragerði.
SÁÁ er lífæð mín
Frá Jóni Helga Hálfdanarsyni
Jón Helgi
Hálfdanarson
Bréf til blaðsins
Á Íslandi sem og í
öðrum réttarríkjum
gildir meginreglan
um opinbera máls-
meðferð. Meginregl-
una er að finna í 1.
mgr. 70. gr. stjórn-
arskrár lýðveldisins
Íslands en þar segir:
„Öllum ber réttur til
að fá úrlausn um
réttindi sín og skyld-
ur eða um ákæru á
hendur sér um refsiverða háttsemi
með réttlátri málsmeðferð innan
hæfilegs tíma fyrir óháðum og
óhlutdrægum dómstóli. Dómþing
skal háð í heyranda hljóði nema
dómari ákveði annað lögum sam-
kvæmt til að gæta velsæmis, alls-
herjarreglu, öryggis ríkisins eða
hagsmuna málsaðila“. Í 1. mgr. 6.
gr. mannréttindasáttmála Evrópu
er kveðið á um rétt til opinberrar
málsmeðferðar. Sáttmálinn hefur
lagagildi á Íslandi. Þá er í 10. gr.
laga um meðferð sakamála nr. 88/
2008 kveðið á um að þinghöld í
sakamálum skuli haldin í heyr-
anda hljóði.
Meginreglan á m.a. að tryggja
réttaröryggi sakborninga. Meiri
hætta er á því að þeir séu beittir
órétti ef mál þeirra eru afgreidd
bak við luktar dyr. Reglan veitir
dómurum ákveðið aðhald því að-
gerðir þeirra við réttarhöldin geta
sætt gagnrýni séu þær ómálefna-
legar, órökréttar eða rangar. Erf-
iðara er fyrir dómara að taka geð-
þóttaákvarðanir eða taka málstað
annars aðilans fram yfir hins við
flutning málsins. Eflaust hefur
verið meiri þörf á því að fram-
fylgja þessari meginreglu á fyrri
tímum. Nú í dag eru ekki miklar
líkur á því að dómarar misbeiti
valdi sínu. Það má þó ekki gleyma
því að þetta er grundvallarmeg-
inregla og dómarar geta gert mis-
tök eða í sérstökum tilfellum upp-
lifað atburði með óeðlilegum
hætti.
Reglan getur einnig verið til
þess fallin að auka traust almenn-
ings á dómstólum landsins. Ef
menn sjá að málsmeðferðin er
eðlileg og réttlát sannfærast þeir
um færni dómstólanna og þurfa
ekki að treysta á gróusögur, hlut-
drægan málflutning aðila málsins
eða tengdra aðila.
Þar sem reglan er gömul og
rótgróin er spurning hvort það sé
kominn tími til að endurskoða
hvernig við viljum framkvæma
hana. Í ljósi framfara í tækni og
þróun samfélagsins er áhugavert
að velta fyrir sér
hvort dómstólar ættu
að taka upp réttarhöld
og hafa þau aðgengi-
leg á vefsíðum sínum.
Samkvæmt meginregl-
unni má hver sem er
mæta í dómsal og
horfa á réttarhald.
Hvers vegna má þá
ekki hver sem er
fylgjast með réttar-
höldum í tölvunni
sinni eða í sjónvarpi?
Aðhaldið sem er
fólgið í því að almenningur mæti
og fylgist með réttarhöldum virð-
ist ekki mjög virkt. Enda er það
sjaldgæft að fólk mæti í dómsal og
fylgist með réttarhöldum. Flestir
dómsalir landsins eru afar litlir og
rúma ekki marga. Réttarhöld fara
fram á vinnutíma fólks og því
nokkuð mikil fyrirhöfn fyrir ein-
staklinga að mæta. Þá getur verið
afar heppilegt í málum þar sem
upp kemur deila um hvað fór ná-
kvæmlega fram í réttarhaldinu að
hafa sjónvarpsupptöku af atvikinu
og þurfa ekki að treysta á upp-
lifun viðstaddra. Sem kann að
vera mismunandi.
Að sjálfsögðu myndu undan-
tekningar sem nú gilda leiða til
þess að mál væru ekki birt á vef-
síðum dómstólanna. Og vitna-
yfirheyrslur myndu ekki fara fram
í beinni útsendingu heldur yrðu
málin birt á vefsíðunni þegar þeim
væri lokið eða engin hætta væri á
réttarspjöllum. Þá gæti verið rétt
að hafa upptökurnar tímabundið
inni á vef dómstólsins. Í þessari
stuttu grein er þó óþarfi að fara
út í nánari útfærsluatriði á þessari
vangaveltu.
Gallinn við þessa vangaveltu er
þó sá að ekki eiga öll mál erindi
við almenning og fjölmiðla-
umfjöllun um sum opinber mál
getur verið óþörf og íþyngjandi.
Hins vegar myndi mál eins og hið
svokallaða landsdómsmál vera vel
til þess fallið, þó svo að máls-
meðferðin þar fari síður en svo
fram bak við luktar dyr í kyrrþey.
Sjónvarpað frá
réttarhöldum?
Eftir Ólaf Egil
Jónsson
Ólafur Egill
Jónsson
»Meginreglan á m.a.
að tryggja réttar-
öryggi sakborninga.
Meiri hætta er á því að
þeir séu beittir órétti ef
mál þeirra eru afgreitt
bak við luktar dyr.
Höfundur er meistaranemi í lögfræði.