Morgunblaðið - 27.04.2012, Qupperneq 6

6 FRÉTTIRInnlent
MORGUNBLAÐIÐ FÖSTUDAGUR 27. APRÍL 2012
Morgungöngur Ferðafélags
Íslands og VÍS 2012
Við fyrsta hanagal
Komdu með í frískandi fjallgöngu í morgunsárið og vaknaðu
með fuglunum í eina viku. Einstök náttúruupplifun, gleði og
göngustemning. Ókeypis þátttaka. Brottför á eigin bílum úr
Mörkinni 6 kl. 06.00 eða mæting á upphafsstað göngu.
Nánari upplýsingar á www.fi.is
Fararstjórar: Páll Ásgeir Ásgeirsson og Rósa Sigrún Jónsdóttir.
Fjöll vorsins:
Mánudagur 30.apríl. Helgafell við Hafnarfjörð.
Þriðjudagur 01. maí. Mosfell í Mosfellsdal.
Miðvikudagur 02. maí. Helgafell í Mosfellssveit.
Fimmtudagur 03. maí. Vífilsfell.
Föstudagur. 04. maí. Úlfarsfell – morgunmatur í boði FÍ.
Ferðafélag Íslands
www.fi.is | fi@fi.is | Sími 568 2533
SVIÐSLJÓS
Ingvar P. Guðbjörnsson
ipg@mbl.is
Truenorth ehf. mun koma að tökum á
þremur stórum kvikmyndaverk-
efnum hér á landi í sumar og nýlega
var greint frá þeirri nýjustu, Noah,
eða Nóa, með Hollywood-leikaranum
Russel Crowe í aðalhlutverki.
Myndin verður byggð á Biblíu-
sögunni um Nóa sem bjargaði mann-
kyninu og öllum dýrum jarðar frá út-
rýmingu í syndaflóðinu.
„Það eru náttúrlega marg-
þættar ástæður fyrir því af hverju
menn eru svona spenntir fyrir Íslandi
akkúrat núna. Ein af þeim er sú að
við erum búin að vinna langt og mikið
undirbúningsstarf í mörg ár með
kynningum á landinu og því sem Ís-
land hefur upp á að bjóða,“ sagði
Helga Margrét Reykdal, fram-
kvæmdastjóri Truenorth ehf., þegar
hún var spurð út í vinsældir Íslands
til kvikmyndagerðar.
„Svo er að hjálpa líka að hér er í
gildi 20% endurgreiðslukerfi sem
gerir okkur samkeppnishæf og það
að slíkt kerfi sé í gangi og virki vel er
höfuðmál í framleiðslu svona kvik-
mynda og í þriðja lagi gerir krónan
það að verkum að það er hagkvæm-
ara fyrir þá að koma,“ sagði Helga.
Okkar verðmætustu túristar
„Það má segja að þetta séu okk-
ar verðmætustu túristar sem eru að
koma í svona verkefni. Bæði eru þeir
að eyða hér á landi eins og aðrir túr-
istar gera, en að auki kaupa þeir fullt
af annarri þjónustu og það sem
ennþá betra er að markaðsáhrif
svona kvikmynda teygja sig yfir fjöl-
mörg ár. Þetta eru þeir túristar sem
við eigum að hafa svolítið í heiðri og
hlúa að,“ segir Helga.
Stefnt er á að hefja framleiðslu á
Nóa í júlí, en Helga segir að það geri
þeim þó erfitt fyrir að finna gistingu
fyrir alla sem að þessu koma. „Sem
betur fer eigum við virkilega gott
samstarf við hótel úti um allt land í
þessum málum. Þetta er flókið mál
og við erum ekki alveg búin að klára
allt saman ennþá en við vonumst til
að það gangi upp með góðri hjálp
heimaaðila,“ sagði Helga.
„Það er ekki orðið fast í hendi
nákvæmlega hvar við erum ennþá.
Við erum bara að vinna þetta með
réttum aðilum,“ sagði hún aðspurð
hvar á landinu tökur færu fram.
Vinsælt er orðið að taka auglýs-
ingamyndbönd upp hér á landi fyrir
ýmis stórfyrirtæki. Truenorth hefur
komið að vinnu við fjölmörg þeirra og
unnið með leikstjórum á borð við
Fredrik Bind, Ivan Zacharias, Paul
Arden, Kevin Thomas og Dominic
Murphy. Slíkar kvikmyndatökur fara
gjarnan fram við stórbrotnar að-
stæður á jöklum, við strendur eða
inni á hálendinu.
Truenorth verður auk Nóa með
fleiri kvikmyndaverkefni í ár. Fyr-
irtækið kemur auk Nóa að tökum á
myndunum Oblivion með Tom Cruise
og The Secret Life of Walter Mitty
með Ben Stiller.
Truenorth ehf. virðist vinsæll
samstarfsaðili Hollywood-manna hér
á landi og er skemmst frá að minnast
taka á myndinni Prometheus, sem
meðal annars var tekin upp í ná-
grenni Heklu síðasta sumar og verð-
ur frumsýnd nú í júní. Vinna við gerð
hennar hér á landi skapaði nokkur
hundruð manns vinnu, bæði erlend-
um sem og íslenskum. Þá kom True-
north að myndinni Flags of Our Fat-
hers sem Clint Eastwood leikstýrði
og einnig má nefna Hollywood-
myndirnar Journey 3-D, Hostel Part
II og Stardust.
Morgunblaðið/RAX
Í eyðimörk Tökur á Hollywood-myndinni Prometheus fóru fram á svörtum sandi í nágrenni Heklu í fyrra og
vann Truenorth að gerð hennar. Tökur á Nóa gætu farið fram á svipuðum slóðum, þó það hafi ekki fengist staðfest.
Hluti Nóa framleiddur hér
 Truenorth ehf. kemur að gerð þriggja Hollywood-mynda á Íslandi þetta árið
 Framkvæmdastjóri segir þetta árangur mikillar kynningar og markaðsstarfs
Vilja vera við Veiðivötn
» Truenorth ehf. hefur lagt
fram beiðni til Rangárþings
ytra um að fá að kvikmynda í
nágrenni Veiðivatna í sumar.
» Ekki liggur fyrir um hvaða
kvikmynd af þessum þremur er
að ræða.
» Vel mögulegt er þó um sé
að ræða kvikmyndatökusvæði
fyrir myndina Nóa með Russel
Crowe, en fékkst ekki staðfest.
» Hreppsráð Rangárþings
ytra tók erindið fyrir í gær og
samþykkti það með nokkrum
skilyrðum.
Ingveldur Geirsdóttir
ingveldur@mbl.is
Fimmtíu og ein kona hefur farið í
aðgerð á Landspítalanum til að
láta fjarlægja úr sér PIP-brjóstap-
úða. Þar af reyndust vera lekir
púðar hjá 23 konum en heilir púðar
hjá 28 konum. Átta konur þurftu
innlögn yfir nótt í kjölfar aðgerð-
arinnar en aðrar útskrifuðust sam-
dægurs. Er þetta samkvæmt upp-
lýsingum frá
Landlæknisembættinu. Brottnáms-
aðgerðirnar hófust 20. febrúar og
eiga að standa yfir til sumarloka.
Alls hafa 159 konur með PIP-
brjóstapúða leitað á dag- og
göngudeildir skurðlækningasviðs
Landspítalans. Flestar þeirra hafa
komið oftar en einu sinni auk þess
sem ráðgjöf og þjónusta um síma
hefur verið umtalsverð til þessa
hóps og eins til kvenna sem ekki
hafa enn komið inn á deildir spít-
alans.
60% kvenna með leka púða
Í gær rann út sá tími sem þær
konur sem fengu boð um ómskoð-
un hjá Leitarstöð Krabbameins-
félagsins höfðu til að panta tíma. Í
dag og í gær voru 47 konur bókað-
ar í ómskoðun hjá Leitarstöðinni. Í
síðustu viku voru 23 konur óm-
skoðaðar og þar af greindust fjór-
tán með leka púða. Í heildina er
búið að ómskoða yfir þrjú hundruð
konur.
Hinn 20. mars síðastliðinn höfðu
253 konur verið ómskoðaðar hjá
Leitarstöðinni. Af þeim höfðu 151
greinst með leka púða og 92 með
heila púða, hlutfall kvenna með
leka púða var þá 60%. Þá höfðu níu
konur greinst með heila púða en
með sílikon í eitlum, þær voru bún-
ar að skipta um púða. Ein kona án
púða var ómskoðuð en hún var bú-
in að láta fjarlægja púða sem höfðu
lekið en vildi láta kanna eitla.
Samkvæmt upplýsingum frá
Krabbameinsfélaginu er ekki búið
að bóka fleiri konur í ómskoðun en
um 50 eru á biðlista eftir því að fá
tíma. Búist er við því að Krabba-
meinsfélagið ljúki sínu hlutverki á
næstu vikum.
Stöðugt unnið í málinu
Aðspurður segir Geir Gunn-
laugsson landlæknir að ekki sé
hægt að segja nákvæmlega hver
verði næstu skref í PIP-brjóstap-
úðamálinu.
„Við erum stöðugt að vinna í
þessu máli. Ómskoðunum lýkur á
næstunni og vinnan á Landspít-
alanum gengur vel. Við höfum ver-
ið að leita gagna sem hefur gengið
treglegar en reiknað var með,“
segir Geir og vísar þar í álit Per-
sónuverndar sem taldi lýtalækna
ekki skylduga til að láta frá sér
gögn um þær konur sem fengið
hafa PIP-púða ígrædda.
„Álit Persónuverndar hefur tafið
upplýsingaöflunina en það sem
snýr að konunum sjálfum hefur
gengið vel,“ segir Geir ennfremur.
Búið er að fjarlægja PIP-
brjóstapúða úr 51 konu
 Alls hafa 159 konur með PIP-púða leitað til Landspítalans
Frönsku sílikonpúðarnir
» PIP-brjóstapúðar hafa verið
fjarlægðir úr 51 konu á Land-
spítalanum. Af þeim hafa 23
verið með leka púða.
» Áætlaður kostnaður ríkisins
vegna brottnáms púðanna er á
bilinu 90-150 milljónir króna.
» Eftir er að ómskoða um
fimmtíu konur með PIP-púða
sem hafa leitað til Leitarstöðvar
Krabbameinsfélagsins.
537 sjómenn á 29 skipum skora á
alþingismenn að taka ábyrga af-
stöðu með tilliti þeirra „hörmu-
legu afleiðinga sem frumvörp um
stjórn fiskveiða kæmu til með að
hafa á afkomu sjómannastétt-
arinnar og þar með þjóðfélagsins í
heild.“ Segir í yfirlýsingu sjó-
mannanna að þeir fordæmi þá
grímulausu aðför að kjörum
þeirra sem blasi við í frumvörp-
unum.
Frumvörpin aðför
að kjörum sjómanna
Dögun hefur hrint af stað undir-
skriftasöfnun þar sem skorað er
á Alþingi að láta fara fram þjóð-
aratkvæðagreiðslu um
framtíðarfyrirkomulag við stjórn
fiskveiða. Verði Alþingi ekki við
áskoruninni og samþykki ný lög
um stjórn fiskveiða verða undir-
skriftirnar sem safnast afhentar
forseta Íslands með beiðni um að
hann synji þeim staðfestingar.
Í frétt frá Dögun segir að með
nýjum lögum um stjórn fiskveiða
væri núverandi handhöfum afla-
heimilda tryggður forgangur,
sem standist ekki jafnræð-
isákvæði stjórnarskrárinnar, til
að minnsta kosti 20 ára. Auk
þess standist það engan veginn
nýja stjórnarskrá sem stjórnlag-
aráð hafi samið.
Núverandi stjórnarmeirihluti
hafi lofað fyrir síðustu kosn-
ingar að breyta stjórnkerfi fisk-
veiða þannig að jafnræði yrði
tryggt. Það frumvarp sem liggi
fyrir Alþingi gangi í þveröfuga
átt.
Vilja þjóðaratkvæði
um stjórn fiskveiða