Morgunblaðið - 25.05.2012, Blaðsíða 6

6 FRÉTTIRInnlent
MORGUNBLAÐIÐ FÖSTUDAGUR 25. MAÍ 2012
BAKSVIÐ
Baldur Arnarson
baldura@mbl.is
Hljóðið í forystumönnum verkalýðs-
félaga er þungt þegar talið berst að
atvinnumálum.
Gylfi Arnbjörnsson, forseti ASÍ,
hefur gagnrýnt ríkisstjórnina fyrir
svikin loforð í atvinnumálum og
skort á nýjum störfum, sjónarmið
sem formenn nokkurra verkalýðs-
félaga á landsbyggðinni taka undir.
Kristján G.
Gunnarsson, for-
maður Verka-
lýðs- og sjó-
mannafélags
Keflavíkur og ná-
grennis, telur
ríkisstjórnina
hafa svikið gefin
loforð.
„Það hefur
ekkert orðið úr
þessum stóru
áformum í atvinnumálum. Flugvöll-
urinn hefur bjargað því sem bjargað
verður fyrir okkur Suðurnesjamenn
og vertíðin tekur alltaf sitt. Ég er
löngu búinn að afskrifa ítrekuð lof-
orð ríkisstjórnarinnar um ný störf.
Þegar ég horfi eingöngu til minna fé-
lagsmanna hefur hlutfall atvinnu-
lausra stundum farið yfir 20%. Hlut-
fallið er nú 12-13%. Atvinnustigið fer
ekki í viðunandi horf fyrr en stór
verkefni fara af stað. Allt of seint.
Alltof hægt og alltof rólegt eru orðin
sem lýsa aðgerðaleysinu,“ segir
Kristján.
Úrræði en ekki störf
Signý Jóhannesdóttir, formaður
Stéttarfélags Vesturlands, segir rík-
isstjórnina hafa boðið upp á úrræði
en ekki störf fyrir atvinnulausa.
„Við erum umboðsskrifstofa
Vinnumálastofnunar á Vesturlandi.
Við erum því nokkuð nálægt þeim
einstaklingum sem eru án vinnu á
okkar starfssvæði í Borgarbyggð.
Kerfið hjá Vinnumálastofnun hefur
ekki virkað illa á Vesturlandi, enda
er atvinnuástandið ekki eins slæmt
hér og það hefur verið víða annars
staðar. Það er samt þannig að það
gengur ekki nógu vel að para saman
þá sem eru atvinnulausir og þau
tækifæri sem eru í boði. Þau átaks-
verkefni sem ríkisstjórnin hefur lagt
fram til atvinnusköpunar fela at-
vinnuleysið að hluta til með því að
bjóða fólki sem er án vinnu að fara í
nám, í stað þess að fara í vinnu.
Ríkisstjórnin hefur ekki verið að
búa til störf heldur úrræði. Það er
gott og blessað svo langt sem það
nær. Það þarf að efla vinnumiðlunina
og koma í framkvæmd þeim verk-
efnum sem ríkisstjórnin hefur boðað.
Nýjasta útspilið, að nýta hugs-
anlegar tekjur af veiðigjaldinu og
hugsanlegar tekjur af sölu á hlut rík-
isins í bönkunum til að fjármagna
fjárfestingaáætlunina, kemur ekki til
framkvæmda fyrr en á næstu árum.
Það gerist ekki strax. Þetta er eins
og að lofa að kaupa miða í lottóinu og
gera hugsanlega eitthvað fyrir vinn-
inginn, ef maður á þá fyrir miðanum.
Allt frá því að stöðugleikasáttmálinn
var gerður höfum við hjá Stétt-
arfélagi Vesturlands beðið eftir inn-
spýtingu frá ríkisstjórninni til að efla
atvinnulífið. Við bíðum enn.“
Vilhjálmur Birgisson, formaður
Verkalýðsfélags Akraness, segir rík-
isstjórnina hafa brugðist.
„Það hefur lítið sem ekkert gerst í
atvinnumálum í tíð núverandi ríkis-
stjórnar. Það liggur fyrir að um
11.000 manns eru án atvinnu í dag og
það hafa um 6.000 flutt af landi brott
síðan 2009. Í raun hefur ekki nokkur
skapaður hlutur gerst í atvinnu-
málum síðan efnahagshrunið varð.
Ríkisstjórnin fær því algjöra fall-
einkunn í atvinnumálum.
Það er með ólíkindum að ríkis-
stjórn sem kennir sig við félags-
hyggju og jöfnuð – og á að vera ríkis-
stjórn alþýðunnar – skuli hafa unnið
gegn vissum störfum. Ef við tökum
stóriðjustörfin sem dæmi eru þau ein
best launuðu störfin sem bjóðast
ófaglærðu fólki. Ég sé engin merki
um uppbyggingu á því sviði.“
– Nú er farið að greiða með at-
vinnulausu fólki. Hvað segir það um
ástandið í atvinnumálum?
„Það segir aðeins eitt. Það er verið
að fela atvinnuleysi með slíkum að-
gerðum. Vissulega er virðingarvert
að reynt skuli að koma fólki aftur út
vinnumarkaðinn. Hitt er þó augljóst
að það þarf að skapa aðstæður í at-
vinnulífinu þar sem ekki þarf að
greiða með fólki.“
Refsað fyrir að vinna
Vilhjálmur gagnrýnir að hluta-
störf skerði tekjur atvinnulausra.
„Reglurnar breyttust um áramót-
in á þann veg að þegar fólki er til
dæmis boðið 50% hlutastarf getur
það endað með minni ráðstöfunar-
tekjur en að vera á 100% bótum. Það
eru fjölmörg dæmi um þetta. Vinnu-
málastofnun og velferðarráðuneytið
fóru í málið og lofuðu að kippa þessu
í liðinn strax eftir páska. Það er með
ólíkindum að ríkisstjórn sem kennir
sig við félagshyggju, réttlæti og jöfn-
uð skuli ráðast með þessum hætti á
þá sem síst skyldi.“
Verkalýðsfélög krefjast starfa
 Formenn fimm verkalýðsfélaga telja ríkisstjórnina ekki hafa efnt fyrirheit í atvinnumálum
 Tveir telja ríkisstjórnina fela vandann  Hlutastörf skerða tekjur fólks á atvinnuleysisbótum
Morgunblaðið/Ásdís
Úr Slippnum Samkvæmt tölum Vinnumálastofnunar voru um 11.000 manns án vinnu í apríl á landinu öllu.
Sigurður Bessason, formaður Eflingar - stéttarfélags,
segir stjórnvöld ekki hafa efnt loforð í atvinnumálum.
„Það sem við höfum bundið vonir við á síðustu árum
hefur ekki gengið upp. Það er langur, langur vegur frá.
Við hjá Eflingu sjáum þó á félagsgjöldunum að um-
hverfið er aðeins að lagast og vinnutíminn aðeins að
lengjast. Gangurinn í atvinnulífinu er hins vegar engan
veginn nógu góður. Þetta er fráleitt sú staða sem við
viljum hafa uppi í þessum málum. Á síðustu þrem ár-
um höfum við ekki séð neinar breytingar á atvinnu-
leysinu hjá félagsmönnum okkar í Eflingu. Það eru al-
veg jafn margir án vinnu eða um 11-12% félagsmanna. Það er að
sjálfsögðu ekki viðunandi,“ segir Sigurður og kallar eftir aðgerðum í at-
vinnumálum til að koma í veg fyrir að atvinnuleysið verði áfram hátt í
sögulegu samhengi.
Atvinnuleysið ekki minnkað
11-12% FÉLAGSMANNA Í EFLINGU ÁN VINNU
Sigurður
Bessason
Kristján G.
Gunnarsson
Vilhjálmur
Birgisson
Signý
Jóhannesdóttir
Már Guðnason, formaður
Verkalýðsfélags Suðurlands,
telur ríkisstjórnina ekki hafa
náð settum
markmiðum
í atvinnu-
málum.
„Það er
ljóst hver
staðan er.
Atvinnu-
leysi hefur
ekkert
minnkað.
Ég er í
vinnumarkaðsráði Suðurlands
og fylgist því vel með þróun-
inni, bæði í þessum landshluta
og um land allt. Hagfræðingur
ASÍ hefur sýnt tölulega fram á
að atvinnuleysið hafi aðeins
minnkað vegna brottflutnings
frá landinu. Það hefur því eng-
inn árangur náðst í atvinnu-
málum í tíð þessarar rík-
isstjórnar. Það er búið að
svíkja stöðugleikasáttmálann
aftur á bak og áfram.
Nú ætlar ríkisstjórnin að
skapa þúsundir starfa með
nýrri fjárfestingaáætlun. Maður
hefur heyrt þetta áður. Ég hef
enga trú á þessu. Þessi loforð
eru langt fram í tímann þegar
þessi ríkisstjórn verður farin
frá völdum. Loforðin sem voru
gefin hafa ekki verið efnd og
það er lítið eða ekkert verið að
gera. Hvaða aðgerðir eru í
gangi til að stuðla að atvinnu-
uppbyggingu? Ég sé þær ekki.
Það er allt frosið,“ segir Már.
Lítil áhrif af þenslunni
Hann víkur svo að stöðunni í
atvinnumálum á Suðurlandi.
„Sérstaðan við þetta svæði var
að hér var engin þensla. Nema
hvað jarðir voru seldar á upp-
sprengdu verði. Þeir sem
keyptu sitja þá uppi með það.
Úrvinnsla landbúnaðarafurða
er aðalatvinnuvegurinn og það
hefur lítið breyst. Hér hefur
því ekki verið mikið atvinnu-
leysi en þó of mikið. Það var
6,9% fyrir ári en er 5,6% um
miðjan apríl á Suðurlandi,“
segir Már.
Allt í frosti
í hagkerfinu
UPPBYGGINGU VAR LOFAÐ
Már Guðnason
Kjartan Kjartansson
kjartan@mbl.is
Íbúar í Garðabæ og á Álftanesi
greiða í haust atkvæði um samein-
ingu sveitarfélaganna tveggja. Sam-
starfsnefnd um sameininguna sam-
þykkti þetta samhljóða á fundi
sínum í gær. Skilyrði þess að ríkið
komi að samkomulagi um lækkun
skulda Álftaness er að sveitarfélag-
ið sameinist öðru.
Tillaga sameiningarnefndarinnar
fer nú til umræðu í bæjarstjórnum
sveitarfélaganna áður en íbúar
þeirra greiða atkvæði um hana.
Innanríkisráðuneytið sendi frá
sér tilkynningu í gær um að fjár-
haldsstjórn Álftaness hefði náð
samkomulagi um lækkun skulda og
skuldbindinga sveitarfélagsins en
hún hefur unnið með sveitarstjórn-
inni að endurskipulagningu fjár-
mála þess síðustu misserin.
Samkvæmt samkomulaginu er
áætlað að skuldir og skuldbindingar
sveitarfélagsins verði rúmlega 3,2
milljarðar króna í lok ársins 2012
en þær voru alls rúmlega 7,2 millj-
arðar árið 2009.
Ekki neydd til að samþykkja
Pálmi Þór Másson, bæjarstjóri
Álftaness, segir það ekki svo að íbú-
ar sveitarfélagsins hafi þann kost
einan að samþykkja sameininguna í
atkvæðagreiðslu þó að sam-
komulagið um lækkun skulda velti á
að Álftanes sameinist öðru sveitar-
félagi. Ef íbúar annars hvors sveit-
arfélagsins hafni sameiningu verði
leitað eftir að Álftanes sameinist
öðru sveitarfélagi.
„Við höfum ekkert verið að fjalla
um „hvað ef“ því við erum svo
ánægð með þróunina í viðræðum
við Garðabæ og að málið sé komið á
þetta stig. Fyrir mitt leyti er ég
mjög jákvæður og bjartsýnn á að
sameiningin verði samþykkt í báð-
um sveitarfélögunum,“ segir Pálmi
Þór.
Hann segir að í samkomulaginu
um lækkun skulda sé kveðið á um
ákveðna gjalddaga. Þótt það færi
svo að sameiningunni við Garðabæ
yrði hafnað í atkvæðagreiðslu íbúa í
haust þá gæfist sveitarfélaginu ráð-
rúm til að ákveða til hvaða aðgerða
yrði gripið í kjölfarið.
Kosið um sameiningu í haust
 Samkomulag um skuldir Álftaness háð sameiningu
 Bæjarstjóri bjartsýnn á að tillagan verði samþykkt
Með fróðleik í fararnesti:
Lífríki Vífilsstaðavatns og nágrennis
Sunnudaginn 27. maí, kl. 14:00
Ferðafélag Íslands og Háskóli Íslands halda áfram
samstarfi sínu um gönguferðir og á sunnudaginn
munu Hrefna Sigurjónsdóttir, prófessor við
Kennaradeild Háskóla Íslands, og Sigurður Snorrason,
prófessor við Líf- og umhverfisvísindadeild, leiða
gönguferð við Vífilsstaðavatn.
Ferðin er sérstaklega sniðin að börnum, ungmennum og fjölskyldum
þar sem skoðaður verður gróður, lífríki vatnsins og fuglar sem verða
á vegi okkar. Hægt verður að skipta hópnum í tvennt svo að þeir sem
vilja ganga fái til þess tækifæri og yngri kynslóðin finnur sér ýmis
verkefni til dundurs á meðan.
Lagt verður af stað frá bílastæðinu við
Vífilsstaðavatn kl. 14 og er gert ráð
fyrir að ferðin taki um það bil
tvær klukkustundir.
Þátttaka ókeypis og allir velkomnir