Morgunblaðið - 25.05.2012, Blaðsíða 17

FRÉTTIR 17Innlent
MORGUNBLAÐIÐ FÖSTUDAGUR 25. MAÍ 2012
Kjartan Kjartansson
kjartan@mbl.is
„Það felst í þessu takmörkuð túlkun
sem leiðir til niðurstöðu sem gerir
mikilvægi sjávarútvegs í Reykjavík
of lágt undir höfði,“ segir Eggert B.
Guðmundsson, forstjóri HB Granda,
um umsögn Reykjavíkurborgar um
kvótafrumvörp ríkisstjórnarinnar.
Í umsögninni kemur fram að út-
svarstekjur borgarinnar, sem eru
helsti tekjustofn hennar, byggist á
takmörkuðu leyti á atvinnutekjum
starfsfólks í sjávarútvegi. Ennfrem-
ur segir þar að „aðeins um 1.000
manns“ starfi við fiskveiðar og um
800 við fiskvinnslu á höfuðborgar-
svæðinu.
Eggert segir þessar tölur vel geta
staðist. Hjá HB Granda starfi var-
lega áætlað um þrjú hundruð manns
í Reykjavík. Hann bendir hins vegar
á tvö atriði sem honum þykir hafa
gleymst í umsögninni.
„Ef sjávarútvegurinn er burðar-
stoð í íslensku atvinnulífi þá hlýtur
nú höfuðborgin að hafa af honum
sæmilegt gagn. Í öðru lagi er lang-
stærsti hlutinn af stoðfyrirtækjum
eins og þjónustu- og tæknifyrirtækj-
um, sem draga kraft sinn frá sjávar-
útveginum, á höfuðborgarsvæðinu,“
segir Eggert.
Vanmeta áhrif á höfnina
Fiskvinnslufyrirtækið Toppfiskur
veitir á bilinu 140-150 manns atvinnu
í Reykjavík þegar allt er talið að
sögn Jóns Steinars Elíassonar, for-
stjóra fyrirtækisins. Hann hefur
áhyggjur af því að fiskmarkaðir
leggist af verði frumvörpin sam-
þykkt og gagnrýnir Reykjavíkur-
borg fyrir að nefna það atriði ekki
þrátt fyrir að einn elsti fiskmarkaður
landsins sé rekinn í höfuðborginni.
„Þeir nefna heldur ekki höfnina.
Þessar aflaheimildir hafa gríðarleg
áhrif á tekjur hafnarinnar og öll um-
svif í kringum hana. Þau eru miklu
meiri en þeir gera sér grein fyrir,“
segir Jón Steinar.
Hann segir að ólíkt landsbyggð-
inni hafi borgaryfirvöld aldrei velt
fyrir sér áhrifum sjávarútvegs á eig-
in hag.
„Reykjavíkurborg veltir sjávarút-
veginum ekkert fyrir sér. Það þyrfti
að fara fram ákveðin hugarfars-
breyting. Þeir gera sér ekki grein
fyrir því hvað þetta eru öflug fyr-
irtæki hér á höfuðborgarsvæðinu,“
segir hann.
Talað niður til sjómanna
„Við förum að verða síðustu mó-
híkanarnir í þessu í Reykjavík og ef
þetta kvótafrumvarp fer í gegn þá er
þeirra saga búin,“ segir Stefán Ein-
arsson, einn eigenda útgerðarinnar
Aðalbjargar sf. þar sem um fimmtán
manns starfa. Hann er afar ósáttur
við frumvörpin og umsögn Reykja-
víkurborgar um þau.
„Það er bara talað niður til sjó-
manna. Það er það sem Samfylking-
in gerir, hún talar niður til fólks. Það
er sama hvort það er ríkisstjórnin
eða Besti flokkurinn, hann er bara
útibú frá Samfylkingunni,“ segir
Stefán.
Gagnrýna umsögn borgaryfirvalda
 Stjórnendur sjávarútvegsfyrirtækja í Reykjavík segja borgarráð vanmeta mikilvægi greinarinnar í
umsögn til atvinnuveganefndar  Kvótafrumvörpin hefðu áhrif á tekjur og umsvif hafnarinnar
Morgunblaðið/Ernir
Fiskveiðar Trillukarl landar í Reykjavík. Um 1.800 manns starfa við fiskveiðar og vinnslu á höfuðborgarsvæðinu.
Þó að borgarráð telji sjávar-
útveg vega þungt í atvinnulífi
eða útsvarstekjum Reykjavík-
ur bendir það á að ekki megi
vanmeta mikil óbein efna-
hagsleg áhrif af gengi sjávar-
útvegs á allt atvinnulíf í land-
inu. Borgin sé þar engin
undantekning.
Samkvæmt nýjum tölum
séu tæplega fimmtán prósent
aflaheimilda skráð í Reykjavík
og miklu aflamagni og afla-
verðmætum er landað í
Reykjavíkurhöfn og á höf-
uðborgarsvæðinu, að því er
segir í umsögninni.
Borgarráð bendir á að síð-
ustu ár í sjávarútvegi hafi ein-
kennst af góðum aflabrögð-
um, háu verði á erlendum
mörkuðum á helstu afurðum
og lágu gengi krónunnar.
Þetta hafi skilað miklum
hagnaði, skuldir hafi minnkað
og eigið fé aukist í greininni.
Í ljósi þessara hagstæðu
aðstæðna telur borgarráð
eðlilegt að látið sé reyna á
lögfestingu veiðigjalds.
Hefur mikil
óbein áhrif
UMSÖGN BORGARRÁÐS
w w w . o p t i c a l s t u d i o . i sTEG: LINDBERG SPIRIT
TEG: CHROME HEARTS
TEG: RAY•BAN
OPTICAL STUDIO
FRÍHÖFN LEIFSSTÖÐ
Verslaðu á hagstæðara verði
í okkar fullbúnu gleraugnaverslun
á fríhafnarsvæðinu í Leifsstöð
Á L E I Ð T I L Ú T L A N D A