Morgunblaðið - 25.05.2012, Blaðsíða 10

10 DAGLEGT LÍF
MORGUNBLAÐIÐ FÖSTUDAGUR 25. MAÍ 2012
Margir gítarar Kristján er áhugasamur um gítara og smíðaði einn sjálfur.
Kristín Heiða Kristinsdóttir
khk@mbl.is
Mér fannst kominn tími tilað gefa út þetta efnisem var búið að safnastupp hjá mér,“ segir
Kristján Jóhann Júlíusson sem er að-
eins 17 ára en hann gaf út sinn fyrsta
disk á dögunum undir nafninu Hans
gítar, en það er líka nafn titillagsins
sem er fyrsta lagið sem Kristján
samdi. Kristján gefur diskinn út und-
ir nafninu Khamûl sem hann segir
annað nafn sitt. „Khamûl er úr
Hringadróttinssögu, nafn á einum
þeirra sem kallast Nazgûl. Ég er
mikill aðdáandi Tolkiens og Hringa-
dróttinssögu.“
Diskurinn er alfarið hugverk og
handverk Kristjáns, því hann samdi
öll lögin sjálfur sem og textana. Hann
spilar líka á öll hljóðfærin í öllum lög-
unum, hann sér um sönginn, tók plöt-
una upp sjálfur og hljóðblandaði sjálf-
ur. Einnig hannaði hann útlit
umslagsins. Þegar hann er spurður
að því hvort hann geti spilað á öll
hljóðfæri sem sett séu í hendur hans,
svarar hann því til að þó hann geti
spilað nokkurnveginn á hvaða hljóð-
færi sem er, þá sé hann vissulega
misgóður á þeim.
Tilraunaverkefni
Kristján segir að það hafi ekki
verið neitt mál að læra á takkana í
hljóðverinu. „Það er frekar einfalt að
mixa saman upptökur með ólíkum
hljóðfærum, þetta þarf bara að
hljóma sæmilega. Ég er svo heppinn
að hafa aðgang að hljóðveri hjá
frænda mínum og vini hans sem
stofnuðu nýlega eitt slíkt með pabba
mínum.“ Þungarokk er sú tegund
tónlistar sem höfðar mest til Krist-
jáns og því kemur ekki á óvart að
diskurinn hans inniheldur tólf lög
sem einmitt mætti flokka undir slíka
tónlist, en hún er stundum kölluð
málmur á íslensku. Á diskinum
stendur að hann sé tilraunaverkefni
(An Experimental Solo project) og
Málmur og gítarsmíð
Hann gengur undir nafninu Khamûl og sækir það í heim Tolkiens enda mikill
aðdáandi. Hann gaf út sinn fyrsta disk á dögunum og samdi öll lögin sjálfur, spil-
ar á öll hljóðfærin, tók upp diskinn, hljóðblandaði og hannaði umslagið.
Morgunblaðið/Kristinn
Takkar og skjár Kristján með puttana á tökkunum í hljóðverinu.
Mrspriss.com er skemmtilegt blogg
hinnar bandarísku Morgan. Hún býr
með manni sínum og börnum í litlum
bæ og skrifar meðal annars hress-
andi frásagnir af daglegu lífi á blogg-
síðuna. En Morgan hefur líka unun af
því að föndra, breyta og bæta og end-
urnýta hráefni þannig að úr verði fal-
legir hluti. Hún býr t.d. til flotta
kransa til að skreyta heimilið með og
spangir og ýmsa aðra fylgihluti.
Einnig pælir Morgan í tísku og set-
ur inn ýmiss konar flottar lausnir og
samsetningar sem hægt er að fá góð-
ar hugmyndir út frá. Það er alltaf
gaman að skoða líflega skrifuð og
myndskreytt blogg eins og þetta.
Eins er um að gera fyrir þá sem eiga
ýmiss konar góðar hugmyndir í bank-
anum að skella upp síðu og leyfa hug-
myndunum að flæða fram.
Vefsíðan www.mrspriss.com
Morgunblaðið/Kristinn
Fallegt Hægt er að skreyta heimilið á ýmsa vegu með persónulegum munum.
Skemmtilegur hugmyndabanki
Hinn 26. maí klukkan 15:00
verður opnuð árleg ljós-
myndasýning fyrsta árs
nema Ljósmyndaskólans að
Hólmaslóð 6, en í ár munu 19
nemendur sýna verk sín þar
sem ýmislegt verður tekið
fyrir en þar má meðal annars
nefna portret, landslag, kyn-
ferðislegt ofbeldi, tísku og
átröskun. Ljósmyndaskólinn
sem áður hét Ljósmyndaskóli
Sissu hefur verið starfræktur
síðan 1997 en markmið skól-
ans er að kenna ljósmyndun
með sköpun að leiðarljósi.
Sýningin stendur til sunnu-
dagsins 3. júní.
Endilega …
… skoðið ljósmyndir nema
Skannaðu kóðann
til að fara inn á
vefsíðuna.
Það er ekki annað hægt að þessu sinni en aðskrifa um Evróvisjónheiminn. Þennan semmörg okkar lifa og hrærast í, aðrir elska aðhata og nokkrir bara hata. Sem er náttúrlega
algjör vitleysa því keppnin góða er ágætis afsökun fyrir
bjórdrykkju, óhóflegu magni af snakki og óábyrgum
drykkjuleikum.
Ég myndi ekki segja að ég lifi fyrir Evróvisjón, né
telji niður dagana að næstu keppni á dagatalinu
mínu. En mér finnst þetta samt skemmtilegt og
vona alltaf að okkur gangi nú sæmilega. Jafnvel
að við verðum í fimm efstu sætunum í loka-
keppninni. Sem virðist þó yfirleitt bara vera
óskhyggja. Enda hefur mér sýnst sem það sé
engin sérstök regla fyrir því hver vinni. Stund-
um vinnur eitthvert flipp, stundum sæta konan
í flotta kjólnum og eitt árið einhver sem getur
sungið.
En ég er náttúrlega enginn Evróvisjón-
fræðingur og það eru örugglega til ein-
hverjar formúlur og vísindi á bak við
þetta allt saman. Sem ósköp venjuleg-
ur áhorfandi skil ég í það minnsta oft
ekki tónlistarsmekk þjóða. Ef lagið
er þá einkennandi fyrir þann
smekk. Sérstaklega velti ég
nefnilega fyrir mér hvort sum
lögin þyki „hipp og kúl“ í sínu
heimalandi en annars staðar
„bara Evróvisjónlag“. Það er
jú vissulega ákveðin formúla
þar á bak við og þó mér finnist
lögin ágæt á Evróvisjónkvöldi
myndi ég ekki endilega spila
þau daginn út og inn heima hjá
mér. Jú kannski eitt eða tvö en þá aðallega
gömul og góð íslensk Eurovisionlög. Eitthvað
eins og Nínu eða Gleðabankann þá helst.
Hin fara flest bara inn um annað og út um
hitt.
Fyrir mér er Evróvisjón miklu frekar
einn stór skemmtiþáttur en söngvakeppni. Lögin eru
mörg hver hálfgert uppþvottavatn. Froðan flöt og vatnið
hálfkalt og uppvaskið eftir því. Umgjörðin er hins vegar
mjög flott og það er hægt að skemmta sér heilmikið yfir
því að gera grín að hallærislegum atriðum, púkalegum
kjólum og undarlegum flytjendum. Svo ekki sé nefnt að
hvetja litlu eyjuna manns áfram í þessum stóra Evr-
ópusjó.
Stóra Íslendingahjartað okkar sem sperrir sig
og derrir daginn út og inn verður dálítið lítið og
feimið í þessum félagsskap. Berst ótt og títt en
róast töluvert þegar lagið þýtur inn í að-
alkeppnina. Þá fögnum við hér heima á Fróni.
Leggjum grillkjötið í lög og kælum bjórinn.
Finnum fyrir samkenndinni og því
hversu góður árangur þetta er hjá
okkur sem ekki erum einu sinni
hálf milljón. Að við séum í Evr-
óvisjón? Það er eiginlega jafn
skrýtið og ef Manchester eða Óð-
insvé ættu allt í einu lag í keppn-
inni. En það er einmitt þetta
sem gleður okkur. Íslendingar
trúa á sjálfa sig og pæla oftast
ekkert í því að eitthvað gæti ekki
gengið upp. Enda þýðir ekkert ann-
að en að taka hlutina með trukki og
gera þá með stæl. Vera með stórt
hjarta þó við séum í raun bara litlir
eyjaskeggjar lengst út í Atlantshafi.
»Lögin eru mörg hver hálf-gert uppþvottavatn. Froð-
an flöt og vatnið hálfkalt og
uppvaskið eftir því.
HeimurMaríu
María Ólafsdóttir
maria@mbl.is
EIKJUVOGI 29, 104 RVK | Sími 694 7911 OPIÐ: mán. - fim. 12–18, fös. 12–16
Glæsilegur
og vandaður
sundfatnaður