Morgunblaðið - 09.06.2012, Blaðsíða 16
BAKSVIÐ
Andri Karl
andri@mbl.is
„Það er með ólíkindum að Skúli hafi
lifað þessa atlögu af,“ sagði Sigríður
J. Friðjónsdóttir ríkissaksóknari við
aðalmeðferð yfir Guðgeiri Guð-
mundssyni í Héraðsdómi Reykjavík-
ur í gær en hann hefur játað að hafa
ráðist að Skúla Eggerti Sigurz á lög-
mannsstofunni Lagastoð í Lágmúla
5. mars sl. „Allt virðist hafa gengið
upp sem gat gengið upp.“
Þetta eru orð að sönnu hjá Sig-
ríði og kom bersýnilega í ljós hjá
Tómasi Guðbjörnssyni, yfirlækni á
lungna- og hjartaskurðdeild Land-
spítala, sem gaf skýrslu í gærdag.
Þegar komið var með Skúla á bráða-
móttökuna var hann þegar kominn
með merki um lífshættulegt blæð-
ingalost. Á líkama hans voru fimm
meiriháttar áverkar, hnífsstungur, og
voru fjórir metnir lífshættulegir, hver
um sig. Skurðirnir voru 10-15 cm
djúpir og lágu gegnum lungu, nýru,
lifur, þind og fleiri líffæri. Lungun
féllu saman og tvö rifbein voru brotin.
Beint á aðgerðarborðið
Tómas tók þá ákvörðun þegar
hann sá ástand Skúla að fara ekki
með hann í röntgenmyndatöku eða
rannsóknir. Þess í stað var hann lagð-
ur samstundis á aðgerðarborðið.
Hann sagði að sú ákvörðun hefði að
öllum líkindum orðið Skúla til lífs.
Ekki þó aðeins sú ákvörðun heldur
einnig tilviljanir því aðeins vantaði
millimetra upp á að lungnaslagæð
færi í sundur. Ekki hefði þurft að
spyrja að leikslokum hefði það gerst.
Skúli er ekki úr allri hættu enn
þótt bati hans hafi verið afar góður að
undanförnu. Hann var í lífshættu í
meira en mánuð og rankaði ekki við
sér í þrjár vikur eftir að hann kom á
sjúkrahúsið.
Sjálfur kom Skúli fyrir dóminn í
gærmorgun. Hann sagðist ekki hafa
fundið fyrir hnífsstungunum en áttað
sig á því hvað var að gerast þegar
hann sá blóðið fossa úr sér. Hann
skýrði frá því að um mánuður væri
síðan hann fór að geta gengið, en
hann var studdur inn í dómssal. Þá
væri hann með skerta hreyfigetu í
hægri hendi, hefði lítið úthald og blóð
sem safnast hefði saman í lungum
háði honum í öndun. „En miðað við
aðstæður er ég þokkalegur,“ sagði
Skúli.
Vildi valda skaða
Skýrsla var tekin af Guðgeiri í
gærmorgun og ljóst er af henni að
hver sem er hefði getað orðið fyrir
árásinni, þ.e. hver sem er á lög-
mannsstofunni. Hann sagði það þó
ekki hafa vakað fyrir sér að ráða
neinum bana, heldur valda skaða.
Hann hefði þó ekki hugsað mikið út í
mögulegar afleiðingar.
Guðgeir gekkst greiðlega við
árásinni en hann fór upphaflega á
lögmannsstofuna vegna mögulegs
uppboðs á íbúð sinni sökum
ógreiddra skulda. Hann sagðist sjá
eftir árásinni, en sálfræðingur sem
kom fyrir dóminn dró það hins vegar í
efa.
Tilviljun ein að ekki
varð mannsbani
Morgunblaðið/Andri Karl
Járnaður Guðgeir Guðmundsson var leiddur inn í dómssal í handjárnum.
16 FRÉTTIRInnlent
MORGUNBLAÐIÐ LAUGARDAGUR 9. JÚNÍ 2012
Skúli Hansen
skulih@mbl.is
„Við ætlum að beita okkur annars
vegar fyrir betri ráðstöfun ríkisfjár,
lægri skattheimtu, sanngjarnari og
gegnsærri skattheimtu og síðast en
ekki síst að beita okkur gegn reglu-
gerðarveldi ríkisins,“ segir Skafti
Harðarson, einn forsvarsmanna ný-
stofnaðra Samtaka skattgreiðenda.
Samtökin, sem Skafti segir vera
andsvar við kröfugerðum af hendi
hins opinbera og sívaxandi um-
svifum ríkisins, voru stofnuð í maí
síðastliðnum og eru með aðstöðu í
Fákafeni 11 í Reykjavík. „Við hugs-
um þetta annars vegar sem hugveitu
og hinsvegar sem hagsmunafélag,“
segir Skafti og bætir við að gjarnan
komi alls konar hagsmunasamtök
fyrir þingnefndir þegar unnið er að
löggjöf en skattgreiðendur komi
hinsvegar yfirleitt hvergi að borðinu
með neinum hætti.
Fá hingað fulltrúa frá Svíþjóð
Að sögn Skafta hefst starfið af
krafti í haust. „Við munum fá í sept-
ember fulltrúa frá Samtökum skatt-
greiðenda í Svíþjóð til þess að koma
hingað því að það
kemur örugglega
flestum Íslend-
ingum á óvart
hversu fjár-
málum hins op-
inbera í Svíþjóð
er vel fyrir komið
og þó svo að við
séum ósammála
því háa skattstigi
sem þar er þá
tóku þeir mjög skynsamlega á sinni
bankakreppu á sínum tíma.“
Hann segir hin sænsku skatt-
greiðendasamtök vera að öðrum
þræði þjónustusamtök sem aðstoði
fólk við skattskýrslugerð og veiti því
ráðgjöf.
„Við höfum ekki áhuga á þeim
þætti starfsins þeirra,“ segir Skafti
og bætir við: „Við munum hinsvegar
og höfum þegar sóst eftir samstarfi
við aðila innanlands vegna málsókn-
ar á hendur ríkinu m.a. vegna auð-
legðarskattsins, sem við teljum vera
eignarupptöku, og munum svo í
framtíðinni beita okkur gegn margs
konar afskiptasemi og gjaldtöku
sem í rauninni á sér enga stoð í
lögum eða stjórnarskrá.“
Beita sér fyrir
sanngjarnari
skattheimtu
Skafti
Harðarson
Ríkissaksóknari gerir þá kröfu
í málinu að Guðgeir Guð-
mundsson verði dæmdur í 16
ára fangelsi fyrir tilraun til
manndráps. Atlagan hafi verið
undirbúin og ásetningur á
hæsta stigi. Ekkert sé hins
vegar hægt að virða honum til
refsilækkunar.
Verjandi Guðgeirs hafnaði
þessari kröfu og sagði að sak-
fella bæri fyrir stórfellda lík-
amsárás og að fimm ára fang-
elsi væri hæfilegt. Þá hafnaði
Guðgeir bótakröfum í málinu,
en gaf engar sérstakar ástæð-
ur fyrir því.
Vill 16 ára
fangelsisdóm
REFSINGAR KRAFIST
Á dögunum birti Morgunblaðið frétt
þar sem greint var frá óánægju fólks
með að stjórnendur WOW air hefðu
þjónað um borð, án tilskilinna rétt-
inda, í jómfrúferð félagsins sem far-
in var fyrir skemmstu. Valdís Ásta
Aðalsteinsdóttir, upplýsingafulltrúi
Flugmálastjórnar Íslands, segir
ekkert misjafnt hafa borist þeim en
málið heyri ekki undir Flug-
málastjórn Íslands þar sem félagið
tilheyri litháíska flugfélaginu Avion
Express og varði því flugmála-
yfirvöld þar í landi.
„Í jómfrúfluginu okkar voru átta
flugliðar með full réttindi sem hafa
setið öll tilskilin námskeið eftir sett-
um reglum EASA sem stendur fyrir
The European Aviation Safety
Agency. Þessir flugliðar sáu um öll
öryggismál um borð í vélinni. Í
reglugerðum segir að eingöngu sé
nauðsynlegt að fjórir flugliðar sjái
um öryggi í Airbus 320 vélum.
Stjórnendurnir sinntu eingöngu
þjónustu um borð og sátu í farþega-
sætum í flugtaki og lendingu,“ segir
Svanhvít Friðriksdóttir, upplýsinga-
fulltrúi WOW air.
Hún segir jafnframt að það gerist
sjaldan að jafn margir starfsmenn
sjái um öryggisgæslu í flugvél og í
nýfarinni jómfrúferð félagsins.
davidmar@mbl.is
Ljósmynd/Sigurjón Ragnar
Flugliðar Áhöfnin í jómfrúarflugi WOW air var stærri en venjulega.
WOW air brýt-
ur ekki reglur
Öryggisgæsla um borð meiri en
venjulega að sögn upplýsingafulltrúa
Hægri grænir, flokkur fólksins, harmar í ályktun, sem flokkurinn sendi frá
sér í gær, aðför stjórnvalda og þingmannsins Lilju Mósesdóttur hjá Sam-
stöðu gegn heimilunum og fólkinu í landinu með setningu laga, svonefndra
„ÁrnaPálslaga“, nr. 151/2010. Lilja hafi sagt já í annarri atkvæðagreiðslu
og verið „þægilega fjarverandi“ í þriðju og síðustu atkvæðagreiðslu um
lögin. Með lagasetningunni hafi stjórnvöld og Lilja Mósesdóttir tekið sér
stöðu með erlendum vogunarsjóðum gegn fólkinu og fyrirtækjum í land-
inu. Þetta sé í fyrsta skipti í lýðveldissögunni sem slík afturvirk lög hafi
verið sett. Telja Hægri grænir að lögin hafi seinkað uppgjöri 60 þúsund
einstaklinga og fyrirtækja og endurgreiðslu ólöglegra gengislána um eitt
og hálft ár. Útlit sé fyrir að uppgjör dragist um nokkur misseri í viðbót.
Hægri grænir gagnrýna stjórnvöld og Lilju
ZUMBA
Dansaðu þig í form með einföldum sporum, skemmtilegri
tónlist og góðum félagsskap. Jafnt fyrir byrjendur sem lengra
komna.
• Zumba - þri. og fim. kl. 17:30
• Þjálfari: Lilja Rut - 4 vikur
• Hefst 12. júní. Verð 11.900 kr.
ÚTILEIKFIMI
Hressileg ganga og ýmsar skemmtilegar útiæfingar í nágrenni
Heilsuborgar s.s. tröppuganga, valhopp og styrktarþjálfun.
Góð tilbreyting frá inniæfingum vetrarins - vertu með!
Kennsla á mánu- miðviku- og föstudögum kl. 9:00 (3x í viku)
• Þjálfari: Anna Borg, sjúkra- og einkaþjálfari
• Hefst 11. júní. Verð 11.900 kr.
Betri heilsa borgar sig!
Faxafeni 14 · Sími 560 1010 · heilsuborg.is