Morgunblaðið - 09.06.2012, Blaðsíða 23
BAKSVIÐ
Guðni Einarsson
gudni@mbl.is
Umhverfisráðuneytið telur það
vera rangt að lagastoð skorti fyrir
reglugerð um verklegt skotpróf
vegna hreindýraveiða sem var sett
7. maí síðastliðinn.
Reglugerðin gagnrýnd
Morgunblaðið greindi í gær frá
bréfi Axels Kristjánssonar, hæsta-
réttarlögmanns og hreindýraveiði-
manns, til umhverfisráðuneytisins
en hann telur reglugerðina skorta
stuðning í lögum.
Einnig hefur Félag leiðsögu-
manna með hreindýraveiðum
(FLH) gert athugasemdir við
reglugerðina. Félagið telur ýmis-
legt í reglugerðinni ekki eiga stoð í
14. grein villidýralaganna.
Bæði Axel og FLH vilja að
reglugerðin verði felld úr gildi.
FLH veltir einnig upp þeim mögu-
leika að henni verði breytt, en í
báðum tilvikum er óskað eftir því
að önnur nálgun verði í nýrri reglu-
gerð um skotprófin verði hún sett.
Ráðherra setji reglur
Umhverfisráðuneytið sendi frá
sér yfirlýsingu í gær þar sem segir:
„Fullyrt er í greininni að laga-
stoð skorti fyrir reglugerð um
verklegt skotpróf vegna hreindýra-
veiða sem tók gildi 7. maí sl. Þetta
er rangt.
Alþingi samþykkti breytingar á
lögum nr. 64/1994 um vernd, friðun
og veiðar á villtum fuglum og villt-
um spendýrum 9. júní 2011. Með
breytingunni var gerð krafa um
verklegt skotpróf fyrir hreindýra-
leiðsögumenn og veiðimenn, breyt-
ingu sem gerð var með velferð dýra
í huga. Samtök skotveiðimanna
studdu breytinguna, enda skref í
átt að bættu veiðisiðferði.
Í 14. gr. laganna (sem fjallar um
hreindýr) segir m.a. eftir breyt-
ingu:
„Veiðimaður þarf að skila inn
staðfestingu á að hann hafi lokið
verklegu skotprófi fyrir 1. júlí ár
hvert. Skili veiðimaður ekki inn
staðfestingu skal veiðileyfi hans út-
hlutað að nýju. Umhverfisstofnun
er heimilt að veita veiðimanni sem
fær úthlutað leyfi til hreindýra-
veiða eftir 1. júlí frest til að skila
inn staðfestingu á verklegu skot-
prófi.“
Þá segir í 14. gr. laganna: „Ráð-
herra setur að fengnum tillögum
Umhverfisstofnunar nánari reglur
um framkvæmdina[...]“ Í þessari
setningu er skýr heimild fyrir ráð-
herra að setja reglugerð um fram-
kvæmd verklegs skotprófs.
Þá er í greininni gagnrýnt
hversu stutt sé síðan reglugerð um
framkvæmd Umhverfisstofnunar á
þessum prófum tók gildi. Í því
sambandi er vert að benda á að
það hefur verið ljóst í rétt ár,
eða frá því að ofangreindum
lögum var breytt, að hrein-
dýraveiðimenn myndu þurfa
að skila inn prófi fyrir
næstu mánaðamót. Prófið
sem um ræðir er bæði einfalt
og fljótafgreitt og því ætti sá
mánuður sem enn er til stefnu
að nægja til að skilyrðum
um skotveiðipróf
veiðimanna sé
fullnægt.“
Segir rangt að lagastoð skorti
Umhverfisráðuneytið segir heimild vera í lögum fyrir ráðherra að setja reglugerð um skotpróf fyrir
hreindýraveiðimenn Ljóst frá því lögin voru sett að sett yrði á próf þótt reglugerðin hafi komið seint
Morgunblaðið/RAX
Hreindýr Hreindýraveiðimenn þurfa nú að gangast undir verklegt skotpróf áður en haldið er til veiða. Prófið á að
taka fyrir 1. júlí nk. Reglugerðin um prófin og framkvæmd prófanna hafa sætt nokkurri gagnrýni.
FRÉTTIR 23Innlent
MORGUNBLAÐIÐ LAUGARDAGUR 9. JÚNÍ 2012
Skotveiðifélag Íslands (SKOT-
VÍS) er fylgjandi því að hrein-
dýraveiðimenn gangist undir
skotpróf því það stuðlar að
bættu veiðisiðferði, að sögn Elv-
ars Árna Lund, formanns
SKOTVÍS. Hann kvaðst vera sam-
mála FLH um að búið sé að gera
einfalt próf óþarflega flókið.
Verklagsreglur Umhverfisstofn-
unar (UST) séu flóknari en þörf
krefji.
„Maður skilur ekki alltaf hvað
UST er að fara í þeim efnum,“
sagði Elvar. „Þetta er farið að
snúast um skothæfni en ekki að
menn kunni að fara með riffil.“
Hann nefndi einnig bann við
því að skotið sé af borði í prófinu
en starfsleyfi sumra skotsvæða
er háð því að skotið sé úr
húsi af öryggisástæðum
– þar sem eru skot-
borð.
Elvar sagði einnig
gagnrýnivert hvað það
tók langan tíma að
koma skotprófunum á
laggirnar. Hann sagði
Skotvís hafa viljað sjá
hvernig þetta reyndist
þótt búast hefði mátt
við gagnrýni.
Framkvæmd-
in of flókin
SKOTVÍS STYÐUR SKOT-
PRÓF VEIÐIMANNA
Elvar Árni Lund
101 Reykjavík
Vesturgata
SALA / LEIGA
Vesturgata 6-8
800 m2
er fullbúinn veitingastaður með
leyfi fyrir allt að 200 manns.
Miklir möguleikar 3 inngangar í
húsið og því hægt að skipta
niður í minni einingar.
Vesturgata 10a
Íbúðarhús/skrifstofur
350 m²
Vesturgata 10
Íbúðarhús/skrifstofur
144 m²
Upplýsingar gefur:
Karl J. Steingrímsson í síma 892 01 60 eða karl@kirkjuhvoll.is
Til afhendingar strax