Morgunblaðið - 19.06.2012, Síða 18

FRÉTTASKÝRING
Páll Fannar Einarsson
pfe@mbl.is
Styrkvegasjóður úthlutarstyrkjum til sveitarfélaga ogfélagasamtaka til viðhalds ávegum sem eru utan þjóð-
vega, en skortur hefur verið á pen-
ingum undanfarið. Styrkvegasjóði
bárust á annað hundrað umsóknir í
ár sem hljóðuðu samtals upp á 240
milljónir.
„Við fáum líklegast að úthluta 50
milljónum í ár til vegastyrkinga,“
segir Rögnvaldur Gunnarsson, for-
stöðumaður framkvæmdadeildar
Vegagerðarinnar. Sjóðurinn mun því
að öllum líkindum ekki geta fullnægt
öllum þeim umsóknum sem Vega-
gerðinni bárust.
Skv. vegalögum nr. 80/2007 er
heimilt að ákveða fjárveitingu í vega-
áætlun til að styrkja samgönguleiðir
sem ekki falla undir skilgreiningar
vega skv. lögunum. Þetta á m.a. við
um vegi yfir fjöll og heiðar sem ekki
teljast þjóðvegir og vegi sem liggja
að ferðamannastöðum. Þeir sem
njóta styrkja samkvæmt heimild í
vegalögum skulu hafa vegina opna
fyrir allri almennri umferð og er það
frumskilyrði fyrir styrkveitingu.
Fá minni fjárhæðir í ár
Ekki er ljóst hversu mikla peninga
Styrkvegasjóður fær í ár, en vega-
áætlun liggur enn fyrir Alþingi.
Sjóðurinn fékk um 70 milljónir til út-
hlutunar þegar mest var.
Fleiri hafa sótt um vegastyrk til
sjóðsins en verið hefur undanfarin ár
og telur Rögnvaldur að það megi
rekja til þess að ný reglugerð var sett
í vor um styrkvegi, en samkvæmt
henni auglýsir Vegagerðin nú eftir
styrkjum.
„Sá sem fær styrk er ábyrgur sem
veghaldari á veginum og það er eitt
af þeim atriðum sem við horfum helst
til,“ segir Rögnvaldur, en hann legg-
ur áherslu á að þeir sem sækja um
styrk þurfi að koma með mótframlag
í verkefnin.
Hætta á gróðurskemmdum
Mikil hætta er á því að gróður-
skemmdir aukist þegar vegum er
ekki sinnt, en það kæmi Rögnvaldi
ekki á óvart ef Íslendingar sæju
aukningu í þeim efnum. „Það er fullt
af vegum og slóðum um landið sem
bjóða upp á aukinn utanvegaakstur
ef þeim er ekki sinnt,“ segir Rögn-
valdur, en Vegagerðin hefur þurft að
taka á sig miklar skerðingar undan-
farin ár.
Ísólfur Gylfi Pálmason er sveitar-
stjóri Rangárþings eystra sem sótti
um styrk í Styrkvegasjóð í ár. „Við
sóttum um styrk en höfum ekki feng-
ið staðfestingu,“ segir Ísólfur, en
mikið hálendi er að finna þar um slóð-
ir. Ekki er aðeins þörf á lagfæringu á
vegum uppi á hálendi því Ísólfur seg-
ir ástandið líka slæmt í þéttbýli. „Við
erum með vegi í þéttbýli sem eru
ekki samþykktir af Vegagerðinni og
við höfum einnig notað styrkvegafé í
þá vegi,“ segir Ísólfur, en þetta á m.a.
við um vegi sem tengjast skólaakstri
barna.
Rangárþing eystra þarf mikið á
styrknum að halda, en Ísólfur sér þó
ekki fram á það að loka þurfi vegum
ef sveitarfélagið hlýtur ekki styrk.
„Við myndum ekki loka vegum, en
við gætum ekki gert mikið fyrir veg-
ina,“ segir Ísólfur, en þar í kring eru
margir fjallvegir í slæmu ástandi eft-
ir veturinn.
Góður búnaður skiptir máli
Ísólfur hefur ekki orðið var við
auknar gróðurskemmdir seinustu ár,
en tekur undir sjónarmið Vega-
gerðarinnar um að lítið viðhald á veg-
um bjóði hættunni heim í utan-
vegaakstri. „Menn eru samt orðnir
miklu meðvitaðri um umhverfið og
fara betur með hálendið en áður,“
segir Ísólfur og bætir við að betri
búnaður bíla stuðli að minni spjöllum.
Vegir tengdir skóla-
akstri barna í hættu
Vegagerð Á hverju ári eru lagðir tugir kílómetra af malbiki yfir malarvegi.
18
MORGUNBLAÐIÐ ÞRIÐJUDAGUR 19. JÚNÍ 2012
Hægt er að lýsa skoðun á ritstjórnargreinum Morgunblaðsins á http://www.mbl.is/mogginn/leidarar/
Strax eftirþingkosn-ingarnar í
Grikklandi fyrir
tæpum tveimur
mánuðum var eft-
irfarandi skrifað á
þessum vettvangi:
„Úrslit kosninganna um síð-
ustu helgi voru fjarri því að
fara eftir tilskipunum, sem er
afleitt og eru því búrókrat-
arnir í Brussel þegar farnir að
dreifa þeim hugmyndum að
Grikkir verði látnir kjósa aft-
ur, sennilega strax í júní.“
Þetta gekk eftir.
Kosningarnar í landinu nú
fóru fram undir þrýstingi utan
frá sem er næsta einstakur í
sögunni. En byrjað var heima
fyrir. Grískir kjósendur gengu
í gegnum hræðsluáróður á
heimaslóð sem var jafnvel enn
þá ofstækisfyllri en sá sem
ríkisstjórnin og Ríkisútvarpið,
kunnustu eineggja tvíburar á
Íslandi, beittu sér fyrir í að-
draganda kosninga um Ice-
save á Íslandi. Menn eiga því
auðvelt með að ímynda sér
hvað hefur gengið á. En það
voru þó smámunir hjá þeim
hótunum sem komu erlendis
frá.
Kanslari Þýskalands sagði
Grikki ekki fá neinn afslátt á
þeirri meðferð sem ESB og
AGS settu þá í þegar þeir
neyddust til að biðja þau
apparöt um aðstoð. Litlu leið-
togar álfunnar reyndu að hóta
líka þótt af minni efnum væri.
Þar sem Grikkir eru smáþjóð
(ekki nema 25 sinnum fjöl-
mennari en íslenska þjóðin)
höfðu þeir verið beittir sér-
stöku harðræði „við efnahags-
aðstoð“ og sýnt yfirlæti sem
Brussel leyfði sér hins vegar
ekki við Spán, þegar vandræð-
in knúðu dyra þar. Og í að-
draganda seinni þingkosning-
anna var Grikkjum ekki
aðeins sagt að sérhver hrað-
banki þeirra yrði tæmdur á
kosninganótt og sérhverjum
grískum banka yrði svo lokað
í kjölfarið kysu þeir ekki rétt.
Þeim var bent á að þá myndu
þeir prívat og persónulega
bera ábyrgð á hruni evrunnar
og „Evrópu“ og heimskrepp-
unni sem myndi
fylgja!
Strax morg-
uninn eftir kosn-
ingar tilkynntu
tveir helstu pót-
intátar Brussel-
valdsins, sem
staddir eru í Mexíkó, að nú
bæri að mynda ríkisstjórn í
Aþenu án tafar og jafnframt
tilkynntu þeir hverjir ættu að
skipa ríkisstjórnina. Það er
ekki einu sinni haft fyrir því
lengur að vera með látalæti
um að Grikkir sjálfir hafi eitt-
hvað með málið að gera. Og
vissulega eru kosningaúrslitin
í Grikklandi þannig að tveir
höfuðandstæðingar grískra
stjórnmála síðustu áratugi
geta tæknilega myndað meiri-
hlutastjórn. Sá möguleiki er
fyrir hendi, þrátt fyrir að
flokkar sem andsnúnir eru
samningum þeim sem gerðir
voru við ESB og AGS hafi
unnið mest á í kosningunum.
Þar sem stærsti hægri-
flokkur landsins náði því að
vera með örlítið meira fylgi en
nýr stjórnmálaflokkur á
vinstrikanti, Syriza, fær hann
50 aukaþingsæti í sinn hlut
samkvæmt óvenjulegu kosn-
ingakerfi landsins. Og þótt
hinn hefðbundni valdaflokk-
urinn, Pasok, gríska samfylk-
ingin, hafi nánast beðið skip-
brot í kosningunum hangir
hann enn á nægilegum fjölda
þingmanna til að tryggja erki-
óvini sínum stjórnarforystu í
samsteypu þeirra tveggja.
Verði af þessari stjórn er
ljóst að meirihluti kjósenda
kaus gegn henni í kosning-
unum. En þess utan er þing-
meirihluti hennar brothættur,
því hægriflokkurinn fullyrti
að hann gæti tryggt að dregið
yrði úr kröfunum á hendur
Grikkjum. Fyrir þeim fullyrð-
ingum var engin stoð.
„Markaðirnir“ hlupu til
hressari í gærmorgun eftir að
leiðtogar ESB-landanna höfðu
kallað grísku kosningarnar
„sigur Evrópu“. En sú gleði
stóð stutt enda eru því miður
verulegar líkur á því að vand-
inn sé síst minni eftir þessar
kosningar en fyrir þær.
Flest bendir til að
Grikkir séu litlu nær
eftir seinni kosn-
ingar og evran enn í
sínu uppnámi}
Evruvandinn ekki minni
Styrmir Gunn-arsson skrifar
á Evrópuvaktinni:
„Aðildarumsókn
Íslands að ESB er
strönduð innan ESB. Ástæð-
an er kröfur þjóða, sem hags-
muni hafa af makrílveiðum á
Norður-Atlantshafi og þá
ekki sízt Íra um að viðræður
um sjávarútvegsmál verði
ekki hafnar nema með stífum
skilyrðum. Samningamenn Ís-
lands eru skelf-
ingu lostnir og
telja, að sjáist
þeir skilmálar hér
verði málið endan-
lega afgreitt.“
Og Morgunblaðið hefur eft-
ir traustum heimildum að
stækkunarstjóri ESB telji að
augljóst sé orðið að ekki verði
af aðild í þessari lotu. Aðild
velti eingöngu á vilja nýrrar
ríkisstjórnar.
Af hverju er skrípa-
leiknum ekki hætt?}Umræðuefni fyrir þinglok
Þ
að hefur verið hlægilegt að horfa á
þær sjónvarpsfréttir sem hefur
verið boðið upp á undanfarið af
málunum í Reykjavíkurborg.
Síðasta miðvikudag var í tíu-
fréttum sjónvarpsins frétt af slætti í Reykja-
vík. Eins og borgarbúar hafa orðið varir við er
nánast ekkert búið að slá. Grasið á umferðar-
eyjum og á öðrum blettum borgarinnar orðið
hnéhátt og komið fram í miðjan júní. Borg-
arstarfsmaðurinn sem talað var við hélt því
fram í fréttinni að það yrði nú búið að slá nán-
ast allt í borginni fyrir þjóðhátíðardaginn, það
yrðu þá helst smáblettir í úthverfunum sem
eftir yrðu. Ég bý miðsvæðis í Reykjavík og
keyri Kringlumýrarbrautina á hverjum degi.
Í gær var ekki búið að slá grasið við hana, eina
mestu umferðargötu borgarinnar miðsvæðis.
Stöð 2 var með tvær fréttir um borgarstjórann í síð-
ustu viku. Ég var spennt að sjá hvað borgarstjórinn, sem
sjaldan birtist í fjölmiðlum, ætlaði að tjá sig um en þá
voru það bara einkafréttir. Auðvitað, ekki vill maðurinn
tjá sig um borgarmálin en á augljóslega alltaf lausa
stund þegar það er eitthvað skemmtilegt að gerast.
Fyrra viðtalið fór fram í Ráðhúsinu og snérist um það
að Hollywood-leikarinn og leikstjórinn Ben Stiller vildi
fá Jón Gnarr borgarstjóra til að leika í næstu mynd sinni.
Jón var ægilega ánægður með þetta og sló um sig með
skemmtilegheitum. Ekki spurði fréttamaðurinn hvaða
áhrif þessi leikur, ef af yrði, gæti haft á starf
hans sem borgarstjóra. Tveimur kvöldum
síðar kom önnur frétt um Jón og í þetta skipt-
ið um það að hann væri búinn að sitja í tvö ár í
embætti og hefði komið á friði í borginni. Aft-
ur birtist á skjánum kampakátur borgar-
stjóri. Ástæðuna fyrir þessari miklu farsæld í
borgarstjórastólnum sagði hann vera að
Besti flokkurinn hefði komið á stöðugleika,
lægt ólguna sem var í borginni. Ég skil ekki
hvernig borgarstjórinn getur haldið slíku
fram, aldrei hefur verið jafn mikil óánægja
með ýmislegt í rekstri borgarinnar og nú,
eins og t.d. í leik- og grunnskólamálum.
Málið er að núverandi borgarstjórn hefur
ekki náð stöðugleika, það hafa bara allir gef-
ist upp á henni. Það hefur sýnt sig að borg-
arstjórnin hlustar ekki á borgarana sem hún
vinnur fyrir. Borgarstjórnin hefur myndað virki úr þögn
í kringum Ráðhúsið og þangað getur enginn komið með
erindi lengur. Borgarstjórinn svarar ekki fjölmiðlum
nema fréttin snúist um hvað hann sé æðislegur og vinir
hans í borgarstjórn hafa tekið upp sama hátt.
Það er enginn stöðugleiki í borginni, það eru flestir
óánægðir með rekstur hennar en Gnarr og vinir hans
vilja ekki vita sannleikann. Þeir vilja ekki eiga samskipti
við borgarbúa, sitja bara á sinni ráðhúseyju með lokað
fyrir augu og eyru og brosa yfir því hvað allt sé friðsælt
eins og vitleysingar. ingveldur@mbl.is
Ingveldur
Geirsdóttir
Pistill
Allt í gríni í Reykjavíkurborg
STOFNAÐ 1913
Útgáfufélag: Árvakur hf., Reykjavík.
Ritstjórar:
Davíð Oddsson Haraldur Johannessen
Aðstoðarritstjóri:
Karl Blöndal
Útgefandi:
Óskar Magnússon
Mikil óánægja er innan ferða-
þjónustunnar og á landsbyggð-
inni með ástand malarvega, en
að sögn vegamálastjóra er það
eingöngu til komið vegna fjár-
skorts.
Malarvegir geta verið mjög
varasamir fyrir óvana ökumenn
og þá sérstaklega útlendinga,
en Vegagerðin hefur ekki getað
sinnt hefðbundnu viðhaldi.
Vegagerðin leggur á hverju
ári tugi kílómetra af malbiki yfir
malarvegi og er þeim verk-
efnum forgangsraðað eftir
magni umferðar á vegunum.
Óánægja
með ástand
LÍTIÐ VIÐHALD Á VEGUM
Hætta Malarvegir geta verið vara-
samir fyrir óvana ökumenn.