Morgunblaðið - 21.09.2012, Síða 27

UMRÆÐAN 27
MORGUNBLAÐIÐ FÖSTUDAGUR 21. SEPTEMBER 2012
Iðnaðarryksugur
NT 25/1 Eco
Ryksugar blautt
og þurrt
Fylgihlutir
Barki 35mm 2,5m,
málmrör, 30mm
gólfhaus og mjór
sogstútur.
F A G M E N N S K A A L L A L E I Ð
Skeifan 3 E-F • 108 Reykjavík • Sími 581 2333 • rafver.is
NT 55/1 Eco
Ryksugar blautt og þurrt
Fylgihlutir
Barki 35mm 2,5m, málmrör, 30mm
gólfhaus og mjór sogstútur.
Þegar gerðar eru hámarkskröfur
Sjálfvirk
hreinsun á síu
Gjafir sem gleðja
LAUGAVEGI 5 SÍMI 551 3383
SPÖNGIN GRAFARVOGI SÍMI 577 1660
Í gegnum árin höf-
um við verið hvött til
að kynna okkur kosti
þess að nota önnur
farartæki en einkabíl-
inn. Bent hefur verið
á almennings-
samgöngur, hjól og
göngur.
Stundum hef ég
fylgst með af hlið-
arlínunni, svona eins
og gert er þegar verið er að kynna
það fyrir öðrum sem maður sjálfur
iðkar og telur sjálfsagt. Gætt
undrunar og af og til hláturs.
Í ár er mér síst hlátur í huga. Í
ár er mikil áhersla á hjól. Aldrei
sagt hvernig hjól, það eru margs-
konar hjól á gangstéttum og
göngustígum, rafknúin og stigin.
Hvergi hef ég séð minnst á menn-
ingu eða reglur í blandaðri umferð.
Þann 20. september er á dag-
skrá samgönguvikunnar Göngu-
götur í miðborginni – opnum göt-
urnar fyrir gangandi og hjólandi.
Ekkert er á dagskrá um menningu
og reglur.
Þann 22. september er bíllausi
dagurinn, þá verða
götulokanir í miðborg-
inni og hjólaþrauta-
braut fyrir börnin á
Ingólfstorgi.
Ég hef ekkert fund-
ið um menningu, regl-
ur, lög og annað um
hjólandi umferð. Ég
hef lítið fundið um
fræðslu um almenn-
ingssamgöngur og það
sem ég hef fundið um
göngur snýr að
gönguferðum fjöl-
skyldunnar.
Ég sakna umræðu um umferð-
armenninguna. Ég sakna þess að
um leið og fólk er hvatt til að
hjóla, á hjólum sem ná 40 km/klst.,
þá er ekkert um hvaða reglur
gilda á gangstéttum og gang-
stígum. Eða bara um hjólreiðar yf-
irleitt.
Vitið þið hvaða reglur gilda um
umferð hjólandi? Vitið þið hvort sá
sem er á hjóli er flokkaður með
gangandi umferð, akandi eða er
þriðji flokkurinn? Vitið þið hvernig
tryggingum er varið?
Teljið þið göngugötur vera fyrir
hjólandi? Eiga hjólreiðar að fara á
móti umferð? Þegar hjólað er á
gangstétt og komið er að gangandi
á sá sem gengur að víkja? Má fara
fram úr bæði til hægri og vinstri?
Er hámarkshraði á gangstéttum
og gangstígum?
Hve margir hafa kynnt sér leið-
beiningar LHM fyrir hjólandi á
stígum og gangstéttum með bland-
aðri umferð?
Þið sem eruð á hjólum. Hvers
vegna finnst mörgum ykkar vera í
lagi að taka fram úr gangandi al-
veg hægri vinstri á blússandi ferð,
jafnvel með hund í bandi?
Þið sem eruð á hjólum. Hvers
vegna finnst mörgum ykkar við
hæfi að gefa hljóðmerki að baki
gangandi vegfaranda og ætlast til
að hann gefi að bragði stíg eða
stétt eftir? Óháð því hvað er utan
stéttar.
Þið sem eruð á hjólum. Hve
mörg ykkar vita að gangandi hafa
forgang á gangstéttum og gang-
stígum?
Mér er síst hlátur í huga. Ég
hjóla, ég geng, ég nota strætó. Ég
ber ugg í brjósti varðandi fram-
haldið. Það er óvægin umferð á
gangstéttum og gangstígum. Ég
hef nokkrum sinnum fengið högg
þegar hjólandi fer fram úr. Ég hef
nokkrum sinnum hrokkið svo illa
við að ég hef farið fyrir þann sem
gefur hljóðmerki. Ég hef fengið
hóp hjólreiðamanna á móti mér,
allt að 15 í hóp sem fóru hver sín-
um megin við mig án þess að slá
af. Ég hef fengið hjól á fullri ferð
bæði að framan og aftan á sömu
stund.
Við erum á rangri leið. Sú leið
sem farin hefur verið er röng.
Samgönguvika 2012 – á leið í
ógöngur.
Samgönguvika
– fyrir hverja er hún?
Eftir Eirnýju
Valsdóttur »Enn eitt árið er sam-
gönguvika í sept-
ember, nú undir yfir-
skriftinni Á réttri leið.
Eirný Valsdóttir
Höfundur tekur virkan þátt í sam-
göngum á höfuðborgarsvæðinu.
Verandi fæddur og
uppalinn Eyjamaður
hefur orðið öfga aðra –
og öllu jákvæðari –
merkingu í mínum
huga en flestra. Á mín-
um sokkabandsárum
notuðum við vest-
mannaeysku ungmenn-
in orðið öfga á svipaðan
hátt og jafnaldrar okk-
ar á fastalandinu not-
uðu orðið ýkt eða slettuna mega. En
þegar árin færðust yfir og málvit-
undin óx áttaði ég mig á þeirri
merkingu sem almennt er lögð í það
þegar talað er um öfga.
Þingmaður einhvers flokks (Borg-
arahreyfing, Hreyfing, Dögun eða
hvað þetta „afl“ nú heitir) tók sig til í
vikunni og lýsti Sjálfstæðis-
flokknum sem hægriöfgaflokki. En
vildi þó af góðmennsku sinni vísa
flokknum á – að sínum dómi – réttar
brautir í komandi prófkjörum og á
landsfundi. Á þær brautir kæmist
flokkurinn með því að losa sig við
hægriöfgamennina úr fram-
varðasveitinni.
Ráðleggingar sem vísast koma frá
dýpstu hjartarótum, enda hefur
helsta baráttumál umrædds þing-
manns alla tíð verið að auka virð-
ingu og áhrif Sjálfstæðisflokksins.
Í umræðunni sem skapaðist um
þessi ummæli fór ég að velta því fyr-
ir mér hverjir þessir hægriöfga-
menn væru. Hvað er að vera hægri-
öfgamaður? Er ég hægriöfgamaður?
Er frelsi í stað hafta og helsis öfg-
ar?
Ef það eru öfgar að treysta ein-
staklingum betur til þess að taka
ákvarðanir um eigið líf en embættis-
og stjórnmálamönnum, þá er ég
hægriöfgamaður.
Ef það eru öfgar að vilja að ríkið
sé rekið eins og skyn-
samlegt heimili sem
eyðir ekki meira en
það aflar, þá er ég
hægriöfgamaður.
Ef það eru öfgar að
vilja færri og skýrari
lög og reglur, sem auð-
veldara er að fram-
fylgja, þá er ég hægri-
öfgamaður.
Ef það eru öfgar að
treysta einstaklingum
betur til þess að fara
með fjármuni en emb-
ættis- og stjórnmálamönnum, þá er
ég hægriöfgamaður.
Ef það eru öfgar að vilja að frelsi
fylgi ábyrgð og að þeir sem njóti
ávaxta frelsisins beri ábyrgð ef illa
fer, en ekki skattgreiðendur, þá er
ég hægriöfgamaður.
Ef það eru öfgar að kjósa frelsi í
stað hafta og helsis, þá er ég hægri-
öfgamaður.
Hægri er ekki skammaryrði
Sjálfstæðisflokkurinn á ekki að
afneita stefnu sinni. Sjálfstæðis-
menn eiga ekki að skammast sín fyr-
ir að vera hægrisinnaðir. Sjálfstæð-
isflokkurinn þarf ekki færri öfluga
og óhrædda talsmenn hægristefn-
unnar – heldur fleiri. Í komandi
kosningabaráttu væri það versta
sem sjálfstæðismenn gætu gert að
fylgja ráðleggingum um val á
stefnumálum og frambjóðendum frá
þeim sem hafa alla tíð viljað áhrif
Sjálfstæðisflokksins og hægristefn-
unnar sem minnst.
Þó þingmaðurinn ráðagóði og
fleiri af hans sauðahúsi vilji reyna að
telja okkur trú um það, er hægri-
stefna ekki af hinu illa. Jafnvel ekki
öfgahægristefna, miðað við þann
skilning sem hann virðist hafa á því
hugtaki. Öfgar þurfa ekki alltaf að
vera af hinu illa. Ekkert frekar í dag
en í æsku minni í Eyjum. Þess
vegna gríp ég til þess tungutaks sem
ég lærði á mínum uppvaxtarárum og
segi stoltur: Ég er öfga hægrimaður
og ég vil sjá öfga hægrimenn í fram-
boði fyrir Sjálfstæðisflokkinn í kom-
andi kosningum.
Ég er öfga
hægrimaður
Eftir Helga
Ólafsson
» Sjálfstæðisflokk-
urinn þarf ekki færri
öfluga og óhrædda tals-
menn hægristefnunnar
– heldur fleiri.
Helgi Ólafsson
Höfundur er varaformaður Sam-
bands ungra sjálfstæðismanna.