Morgunblaðið - 07.11.2012, Qupperneq 24

24 UMRÆÐAN
MORGUNBLAÐIÐ MIÐVIKUDAGUR 7. NÓVEMBER 2012
Við lok hvers kjör-
tímabils eiga alþing-
ismenn að standa
reikningsskil gjörða
sinna gagnvart kjós-
endum. Mér er það
ljúft og skylt.
Ég hef notið þess
trausts að fá að þjóna
þjóð minni sem al-
þingismaður í fjögur
ár. Mitt helsta bar-
áttumál hefur verið að end-
urheimta þjóðarauðlindina, fiskinn
í sjónum. Leiðarljósið í því máli er
jafnræði, atvinnufrelsi og opnari
aðgangur að veiðiréttinum svo að
komandi kynslóðir njóti arðsins og
sjávarbyggðirnar endurheimti rétt
sinn til þess að nýta þá auðlind
sem skóp þær. Það mál er enn
ekki að fullu leitt til lykta, en stórt
skref var stigið með veiðigjaldinu
sem mun gera stjórnvöldum kleift
að ráðast í stórar samgöngu-
framkvæmdir og styrkingu sam-
félagslegra innviða á næstu árum.
Umhverfismálin hafa brunnið á
mér. Ég kom til leiðar lagabreyt-
ingu sem fól í sér aukinn upplýs-
ingarétt almennings í umhverf-
ismálum; stuðlaði að flýtingu
Dýrafjarðarganga/Dynjandisheiðar
til ársins 2015 í stað 2022; vann að
innleiðingu veiðigjalda í sjávar-
útvegi og innleiðingu strandveiða,
svo fátt eitt sé nefnd.
Þá eru ónefnd mörg mál sem
lúta að atvinnulífi, samgöngum,
umhverfi, lýðfrelsi og nýsköpun og
ég hef beitt mér fyrir, flutt eða
stutt.
Verkefnið sem
blasti við ríkisstjórn-
arflokkunum í upphafi
kjörtímabilsins var
stórt: Að bjarga Ís-
lendingum frá ör-
birgð, endurreisa
hrunið fjármálakerfi
og hefja nýja sam-
félagslega uppbygg-
ingu.
Hver hefði trúað
því haustið 2008 að
nú, fjórum árum síð-
ar, væri hagvöxtur á Íslandi orð-
inn einn sá mesti sem þekkist í
OECD-löndum, verðbólgan komin
niður fyrir 5% og jöfnuður meiri
en á góðæristímanum fyrir hrun?
Eftir rústabjörgunina und-
anfarin ár er brýnt að fylgja eftir
áherslum jafnaðarmanna við end-
urreisn samfélagsins. Liður í því
er jöfnun skattbyrði og almennra
lífskjara, varðstaða um velferð-
arkerfið og ófrávíkjanleg krafa um
að arður af þjóðarauðlindum renni
til fólksins í landinu.
Með það fyrir augum gef ég
áfram kost á mér til þjónustu við
samfélag mitt á Alþingi Íslend-
inga.
Enn er verk
að vinna
Eftir Ólínu
Þorvarðardóttur
Ólína Þorvarðardóttir
»Eftir rústabjörg-
unina undanfarin ár
er brýnt að fylgja eftir
áherslum jafnaðar-
manna við endurreisn
samfélagsins.
Höfundur er alþingismaður.
Staðan í efnahags-
málum okkar Íslend-
inga er að mörgu leyti
erfið og er öllum ljóst
að mikil þörf er á að
sköpuð séu góð vaxt-
arskilyrði fyrir fyr-
irtæki landsins og ýtt
undir stofnun nýrra.
Þrátt fyrir þá augljósu
staðreynd hafa núver-
andi stjórnvöld ákveðið
að hækka í sífellu álögur á fyrirtækin
sem þegar standa höllum fæti, sett
íþyngjandi reglur um starfsemi fyr-
irtækja, lagt stein í götu erlendrar
fjárfestingar og hrakið á brott áhuga-
sama erlenda fjárfesta, meðal annars
með ömurlegum hótunum um þjóð-
nýtingu.
Viðskiptafrelsi tryggir störf
Grunnurinn að heilbrigðum vexti í
efnahagslífinu verður að vera grund-
vallaður á aukinni framleiðslu á raun-
verulegum verðmætum. Það er nauð-
synlegt fyrir litlar þjóðir eins og
Íslendinga, sem hafa ekki tök á því að
framleiða allar vörur sjálfar, að
tryggja að framleiðsla útflutningsvara
sé í hámarki enda er það forsenda
þess að innflutningur nauðsynjavara
verði mögulegur, lífskjör viðhaldist og
að tryggja megi jákvæðan við-
skiptamun.
Undirstaða okkar til framtíðar
verður því að byggjast á því að landið
verði opið fyrir erlendum fjárfest-
ingum í iðnaði og að frelsi viðskipta við
önnur ríki verði tryggt. Í ljósi þess
verður að stuðla að hnattrænni nálgun
í efnahagsmálum landsins. Í dag hafa
Íslendingar fríverslunarsamninga
sem veita aðgengi að 60 mörkuðum
um allan heim í gegnum Fríversl-
unarsamtök Evrópu (EFTA) og Evr-
ópska efnahagssvæðið (EES).
Fríverslunarsamningum á vegum
EFTA fer sífellt fjölgandi og má gera
ráð fyrir að þeim fjölgi um 10 á næstu
5-8 árum. Til viðbótar hafa Íslend-
ingar þann möguleika, á meðan Ísland
stendur utan Evrópu-
sambandsins og heldur
þar með í sjálfstæða við-
skiptastefnu sína, að
gera sjálfstæða við-
skiptasamninga við Kína
og önnur lönd. Einnig
getur verið hagstætt fyr-
ir Íslendinga að sjá enn
frekari tækifæri í frí-
verslunarsamningum við
Bandaríkin og Rússland.
Vinna verður enn-
fremur að því að frekari
atvinnuuppbygging eigi
sér stað innan útflutningsgreina lands-
ins og að framleiðsla á nýjum sviðum
hefjist til viðbótar við þá sem þegar er
til staðar. Leiðin til þess er að skapa
umhverfi hér á landi sem gerir fjár-
festingar í framleiðslu verðmæta að-
laðandi og eftirsóknarverða en það er
gert með því að draga úr reglugerðaf-
argani og skapa hagstætt skattaum-
hverfi. Sem sjálfstæð þjóð höfum við til
þessa meðal annars getað undanskilið
ýmis hráefni frá tolli til þess að stuðla
að bættu umhverfi fyrir verðmæta-
sköpun í landinu.
Margt gerir landið okkar að aðlað-
andi fjárfestingakosti í dag, meðal ann-
ars vel menntaður mannauður og ódýr
endurnýjanleg orka svo fátt sé nefnt.
Engu að síður hefur núverandi rík-
isstjórn tekist að fæla frá alla þá sem
gætu haft áhuga á því að byggja upp
rekstur hérlendis og það jafnvel ís-
lensk fyrirtæki.
Innlend orkunýting
Til þess að hér verði hægt að hvetja
til frekari uppbyggingar iðnaðar er
mikilvægt að hafa í huga hverjir helstu
kostir okkar eru. Ljóst er að einn af
helstu kostum Íslands sem fjárfest-
ingatækifæri er ódýr orka. Hins vegar
hafa sumir talið að hagstætt sé fyrir
þjóðina að taka þátt í lagningu sæ-
strengs til Evrópu og selja orkuna
beint á evrópskan markað þar sem
fæst hærra verð fyrir hana.
Vissulega myndi sala orku á hærra
verði skila sér til Landsvirkjunar og
þar af leiðandi myndi fyrirtækið verða
afkastameira. En það er einnig ljóst að
með því að verða aðili að sameig-
inlegum orkumarkaði Evrópu mund-
um við þurfa að sætta okkur við að
greiða evrópskt markaðsverð fyrir þá
raforku sem við nýtum á Íslandi,
enda óheimilt að mismuna á markaði.
Orkukostnaður heimilana myndi því
snarhækka, kannski helst hjá þeim
sem þurfa að kynda hús sín með raf-
magni eins og til að mynda íbúar
Vestfjarða.
Hærra raforkuverð hérlendis yrði
til þess að draga úr því að landið yrði
eftirsóknarvert fyrir fyrirtæki sem
þurfa mikla orku til framleiðslu.
Enda væri þá mun hagstæðara að
staðsetja framleiðslufyrirtæki þar
sem flutningskostnaður væri minni ef
orkuverð hér á landi væri hið sama og
almennt gerðist í Evrópu. Þetta
myndi þannig draga úr samkeppn-
ishæfni Íslands.
Traustur grunnur
Efnahagslegt öryggi þjóðarinnar
er best tryggt með því að stuðla að
opnu hagkerfi þar sem hvatt er til
fjárfestinga í áþreifanlegum verð-
mætum og þar sem lagt er upp með
að framleiðsla verðmæta verði hér-
lendis og það hámarkað hér. Við Ís-
lendingar munum ávallt verða háðir
útflutningi og því ber okkur að
tryggja fjölbreyttan iðnað með að-
gengi að sem flestum mörkuðum.
Tími ríkisstjórnar hinna glötuðu
tækifæra er að líða undir lok og nú er
spurning hvort við Íslendingar fáum
loksins tækifæri til þess að byggja
upp á traustum grunni.
Viðreisn á traustum grunni
Eftir Gunnlaug Snæ
Ólafsson »Efnahagslegt öryggi
þjóðarinnar er best
tryggt með því að stuðla
að opnu hagkerfi þar
sem hvatt er til fjárfest-
inga í áþreifanlegum
verðmætum.
Gunnlaugur Snær
Ólafsson
Höfundur er upplýsingafulltrúi og
tekur þátt í prófkjöri Sjálfstæð-
isflokksins í Kraganum.
Prófkjör Sjálfstæðisflokksins fer
fram í Kraganum 10.11. næstkom-
andi. Mikið
mannval er í
framboði enda
flokkurinn stór
og ætlar sér
mikið. Baráttu-
málin eru næsta
keimlík og gam-
alkunn. Einn
hefur þó algjöra
sérstöðu í þess-
um fríða flokki.
Það er baráttumaðurinn Vil-
hjálmur Bjarnason, Villi Bjarna.
Hann hefur frá því fyrir hrun bar-
ist ötullega gegn bankaveldinu og
hjólað í spillinguna hvar sem hana
hefur verið að finna. Vilhjálmur
hefur komið fram í ótal sjónvarps-
viðtölum til að afhjúpa fyrir þjóð-
inni þá loddara sem fengu fjöregg
hennar keypt fyrir slikk og veð-
settu það útlendingum. Hann hef-
ur stefnt landskunnum útrásarvík-
ingum fyrir dómstóla þegar
honum ofbuðu þeir samningar sem
þeim voru boðnir af sjálfum sér.
Vilhjálmur hefur hvorki óttast
reiði fjármálajöfranna né heldur
fálæti stjórnvalda. Ótrauður hefur
hann haldið áfram baráttu sinni
fyrir lítilmagnann í samfélaginu.
Slíkan mann þurfum við á þing.
Mann sem þorir og gefst aldrei
upp. Ég hef aldrei verið flokks-
bundinn sjálfsstæðismaður en
gæti hugsað mér að ganga í flokk-
inn til að veita Vilhjálmi braut-
argengi. Verst að ég er í vitlausu
kjördæmi. Ég vona að Kragabúar
kjósi þennan baráttumann í
öruggt sæti. Við þurfum þingmenn
sem þora að hugsa sjálfstætt og
það gerir Vilhjálmur vegna þess
að það er ekki nema einn Villi
Bjarna.
ÓTTAR GUÐMUNDSSON,
höfundur er læknir
og rithöfundur.
Það er bara einn Villi Bjarna
Frá Óttari Guðmundssyni
Óttar
Guðmundsson
Bréf til blaðsins
Viljum við búa við
svo úr sér genginn
tækjakost á sjúkra-
húsum, að hann bili í
miðri skurðaðgerð?
Viljum við svo undir-
mannaðar heilbrigð-
isstofnanir að starfs-
fólk gefst örþreytt
upp eða fer þangað
sem kjör eru betri?
Viljum við sjá aldr-
aða, sjúka og fatlaða
fasta inni á sjúkrahúsum vegna
búsetuúrræða sem vantar?
Það þarf vart að taka fram að
þrengt er að velferðarmálum. Nú-
verandi ríkisstjórn, sem svo kald-
hæðnislega kaus að kalla sig vel-
ferðarstjórn, hefur sýnt vítavert
skilningsleysi á þörfum fólks. Því
eykst kostnaður og minna sparast.
Gera þeir sem forgangsraða sér
grein fyrir að velferðarkerfið er
viðkvæmur málaflokkur og við
leitum þangað á okkar viðkvæm-
ustu stundum? Heilbrigðiskerfinu,
öryggisneti þjóðarinnar, hefur
verið stefnt í voða með stórtækum
og áralöngum niðurskurði.
Ég er fullviss að þetta er ekki
það heilbrigðiskerfi sem við viljum
sjá.
Nú er komið að þeim tíma-
punkti að við þurfum að reisa við
kerfi sem of lengi hefur verið fjár-
svelt. Það er nauðsynlegt að setja
meira fé í heilbrigðiskerfið, en
einnig þarf að bæta rekstr-
arumhverfi þannig að fjölbreytt
rekstrarform þrífist.
Við viljum frelsi sem leyfir
rekstrarform er skapar hagvöxt
sem gagnast öllu kerfinu. Hægt er
að stytta biðlista með því að bjóða
upp á aukna fjöl-
breytni þannig að
bráðasjúkrahús nái
betur að sinna hlut-
verki sínu. Með því að
efla endurhæfing-
ardeildir getur fólk
náð fyrr heilsu og
komist út í lífið á ný.
Eðlilegt heilbrigð-
iskerfi er ekki háð
góðgerðasamtökum
um tækjakaup og
rekstur, en það er af-
ar jákvætt þegar
frjáls félagasamtök styðja við
starfsemi þeirra og hvetja til vit-
undar um heilbrigðismál.
Kosningaloforð um málefni
sjúkra, fatlaðra og aldraðra, á
fjögurra ára fresti, ættu aldrei
framar að þurfa að vera í for-
grunni umræðunnar ef unnið verð-
ur af festu og árangri skilað í
þessum málum á næsta kjör-
tímabili.
Ég tel að þó verkefnin séu flók-
in, þá eru þau ekki óvinnandi. Ég
gef kost á mér á lista Sjálfstæð-
isflokksins til þess að taka til
hendinni og vinna að þessum mál-
um.
Hvernig heilbrigðis-
kerfi kjósum við?
Eftir Þorgerði Mar-
íu Halldórsdóttur
Þorgerður María
Halldórsdóttir
»Heilbrigðiskerfinu,
öryggisneti þjóð-
arinnar, hefur verið
stefnt í voða með stór-
tækum og áralöngum
niðurskurði.
Höfundur sækist eftir 6. sæti í próf-
kjöri Sjálfstæðisflokksins í Suðvest-
urkjördæmi 10. nóvember.
Á kjördæmisþingi nú um helgina var
ákveðið að vera með tvöfalt kjördæm-
isþing þar sem kos-
ið verður um fyrstu
7 sæti á framboðs-
lista Framsóknar í
Suðvesturkjör-
dæmi, Kraganum.
Það verður haldið
8. desember nk.
Framsókn í Hafn-
arfirði á um 50 full-
trúa á venjulegu
kjördæmisþingi og
um 80 fulltrúa á
tvöföldu kjördæmisþingi. Á kjördæm-
isþingið nú um helgina mættu innan
við 10 fulltrúar úr Hafnarfirði.
Félagatal okkar er svolítið litað af
prófkjörssmölun fyrri ára og þó að um
300 manns séu skráðir í Framsókn í
Hafnarfirði þá segir það ekki til um
virka félaga. Á póstlista Framsóknar
eru aftur á móti yfir 600 manns í Hafn-
arfirði og er því helmingurinn skráður
í önnur félög. Kallað hefur verið eftir
endurnýjun stjórnmálamanna og hef-
ur Framsókn staðið sig ágætlega á því
sviði og nú er möguleiki fyrir þá sem
vilja koma inn í starfið að gera það og
hafa áhrif. Til að geta gefið kost á sér
til starfa þarf að vera skráður í flokk-
inn og þarf sú skráning að hafa átt sér
stað 30 dögum fyrir komandi kjör-
dæmisþing, eða 8. nóvember. Hægt er
að skrá sig á vef Framsóknar,
www.framsokn.is. Félögin munu síðan
boða til félagsfundar þar sem kosið
verður um fulltrúa á kjördæmisþingið.
Ég hvet þá sem vilja starfa með okkur
að láta vita af sér, skrá sig í flokkinn
ef þeir eru ekki skráðir og síðan þá
sem eru búsettir í Hafnarfirði, en
skráðir í önnur félög, að færa sig til
okkar. Þessi ósk á reyndar við alla þá
sem vilja starfa með Framsókn í kjör-
dæminu en framsóknarfélög eru í
Hafnarfirði, Garðabæ, Álftanesi,
Kópavogi, Seltjarnarnesi og Mos-
fellsbæ. Kjörnefnd kjördæm-
issambandsins mun síðan kalla eftir
framboðum og er því ráð að fylgjast
með auglýsingum í fjölmiðlum og vef-
síðum. Framsókn í Hafnarfirði er á
Facebook en félögin eru 3, Fram-
sóknarfélagið, kvenfélagið og síðan
félag ungra.
GUÐMUNDUR FYLKISSON,
formaður Framsóknarfélags
Hafnarfjarðar.
Framsókn í Hafnarfirði, viltu taka þátt?
Frá Guðmundi Fylkissyni
Guðmundur
Fylkisson